جنوبی کوریا کی عدالت نے گزشتہ روز سابق خاتون اول کم کیون ہی کی گرفتاری کی منظوری دی تھی، جس کے بعد آج انہیں گرفتار کرلیا گیا، کم کیون ہی جیل میں قید سابق صدر یون سک یول کی اہلیہ ہیں۔
غیر ملکی ذرائع ابلاغ کے مطابق سابق خاتون اول پر اسٹاک فراڈ، رشوت اور غیر قانونی اثرو رسوخ کے الزامات ہیں، سابق خاتون اول پر لگژری وین کلیف پینڈنٹ پہننے کا الزام بھی ہے، جس کی مالیت 43 ہزار ڈالر سے زائد ہے۔
رپورٹس کے مطابق پینڈنٹ نیٹوسمٹ میں جنوبی کوریا کے صدر یون سک کے ساتھ شرکت کے دوران پہنا گیا، سابق خاتون اول پر مہنگا پینڈنٹ اثاثوں کے گوشوارے میں ظاہر نہ کرنے کا الزام ہے۔
سابق خاتون اول کا اپنے مؤقف میں کہنا تھا کہ پینڈنٹ جعلی ہے،20 سال پہلے ہانگ کانگ سے خریدا تھا، جبکہ استغاثہ نے الزام لگایا کہ پینڈنٹ اصلی ہے تعمیراتی کمپنی نے فراہم کیا۔
چین نے دلائی لامہ سے ملاقات کرنے پر صدر جمہوریہ چیک سے تعلق ختم کر دیا
سابق خاتون اول کم کیون پر 2 چینل بیگز اور ہیرے کے ہار رشوت میں لینے کا بھی الزام ہے اس کے علاوہ جنوبی کوریا کے سابق صدر یون پر بغاوت سمیت اختیارات کے غلط استعمال کے الزامات بھی عائد ہیں۔
جنوبی کوریا کے سابق صدر یون اس وقت جیل میں ہیں اورکیسزکا ٹرائل جاری ہے، یون نے الزامات کی تردید کرتے ہوئے ٹرائل اور پراسیکیوٹرز کو بیان دینے سے انکار کردیا ہے۔