نوجوان اسپنر ابرار احمد نے ٹیسٹ کرکٹ میں پاکستان کی جانب سے نیا ریکارڈ بناڈالا۔
تفصیلات کے مطابق ابراراحمد ابتدائی دو ٹیسٹ میچز میں سب سے زیادہ وکٹیں لینے والے پاکستانی بولر بن گئے۔
نوجوان اسپنر ابرار احمد اب تک 15 ٹیسٹ وکٹیں لے چکے ہیں، اس سے قبل فضل محمود نے کیریئر کے ابتدائی دو ٹیسٹ میچز میں 14 وکٹیں لی تھیں۔
یہی نہیں قومی ٹیم کے ابھرتے نوجوان اسپنر نے ملتان ٹیسٹ میچ کی پہلی اور دوسری اننگز کے بعد اب کراچی ٹیسٹ کی بھی پہلی اننگز میں اپنے پہلے ہی اوور میں وکٹ حاصل کرنے میں کامیاب رہے۔
یہ بھی پڑھیں: کراچی ٹیسٹ: نعمان علی نے ‘پچ’ سے متعلق کیا کہا؟
ابرار احمد نے ملتان ٹیسٹ کی پہلی اننگز میں اپنے پہلے اوور میں زیک کرولی جبکہ دوسری اننگز کے پہلے اوور میں ول جیکس کو آؤٹ کیا تھا۔
نوجوان اسپنر نے پہلے اوور میں وکٹ لینے کے اندازکراچی میں بھی برقرار رکھا، انہوں نے کراچی ٹیسٹ کی پہلی اننگز میں اپنے پہلے ہی اوور میں زیک کرولی کو ایل بی ڈبلیو آؤٹ کیا۔
واضح رہے کہ ابراراحمد نے ملتان ٹیسٹ میں 11 وکٹیں، کراچی میں پہلی اننگز میں چار وکٹیں حاصل لیں، مجموعی طور پر دو ٹیسٹ میں سب سے زیادہ 24 وکٹیں لینے کا ریکارڈ بھارت کے نریندر ہیروانی کے پاس ہے۔