سابق بھارتی فاسٹ بولر سری سانتھ کی اہلیہ بھونیشوری، ہربھجن سنگھ کے تھپڑ کی ویڈیو شیئر کرنے پر للت مودی اور مائیکل کلارک پر برس پڑیں۔
سابق بھارتی کرکٹر ایس سری سانتھ کی اہلیہ بھونیشوری نے آئی پی ایل کے سابق چیئرمین للت مودی اور سابق آسٹریلوی کپتان مائیکل کلارک کو آئی پی ایل 2008 کے بدنام زمانہ ’سلیپ گیٹ‘کے واقعے کی ان دیکھی فوٹیج شیئر کرنے پر تنقید کا نشانہ بنایا ہے۔
یہ کلپ 29 اگست کو بیوند 23 کرکٹ پوڈ کاسٹ پر دوبارہ سامنے آیا جس میں ہربھجن سنگھ کو سری سانتھ کو تھپڑ مارتے ہوئے دکھایا گیا ہے۔
سری سانتھ کی اہلیہ نے انسٹاگرام پر برہمی کا اظہار کیا۔
بھونیشوری نے لکھا کہ للت مودی اور مائیکل کلارک پر شرم آتی ہے۔ آپ اپنی سستی پبلسٹی کے لیے 2008 کی ویڈیو شیئر کررہے ہیں۔ سری سانتھ اور ہربھجن دونوں طویل عرصے سے آگے بڑھ چکے ہیں؛ وہ اب اسکول جانے والے بچوں کے باپ ہیں اور پھر بھی آپ انہیں پرانے زخم میں ڈالنے کی کوشش کر رہے ہیں۔
سری سانتھ نے اپنی اہلیہ کی پوسٹ شیئر کرتے ہوئے اپنے پیغام کو تقویت دی کہ پرانے زخموں کو دوبارہ تازہ کرنا غیر ضروری ہے۔