کولمبو : قومی کرکٹ ٹیم کے سری لنکا پہنچنے پر شاندار اسقبال کیا گیا، کولمبو ایئرپورٹ پر ڈھول کی تھاپ پر رقص اور کھلاڑیوں کو پھولوں کے ہار پہنائے گئے۔
تفصیلات کے مطابق سری لنکا کے خلاف دو میچز پر مشتمل ٹیسٹ سیریز کھیلنے کیلئے قومی کرکٹ ٹیم کے کولمبو پہنچتے ہی پرجوش استقبال کی ویڈیو سامنے آگئی۔
Sri Lanka welcomed the Pakistan Cricket Team #PAKvSL 🏏 pic.twitter.com/r8HBWIiH6o
— Mian Ahtasham (@AhtashamRiaz_) July 9, 2023
وائرل ویڈیو میں ڈھول کی تھاپ پر رقص اور کرتب کے ساتھ قومی ٹیم کا استقبال دیکھا جاسکتا ہے۔رقص اور کرتب دکھانے والے افراد نے مخصوص لباس زیب تن کیا ہوا ہے۔
آئی سی سی سی ٹیسٹ چیمپئین شپ کی پہلی آزمائش میں شرکت کے لیے سری لنکا پہنچنے والی قومی ٹیم سیریز سے قبل 11 اور 12 جولائی کو دو روزہ وارم اپ میچ کھیلے گی۔
🛬 We have arrived in Sri Lanka for the two-Test series starting on 16 July 🏏#SLvPAK pic.twitter.com/9mhMecSGg0
— Pakistan Cricket (@TheRealPCB) July 9, 2023
واضح رہے کہ دورہ سری لنکا میں مقامی مشکلات کے چیلنج کا سامنا کرنے کے لیے پاکستان کرکٹ ٹیم بابراعظم ( کپتان )، محمد رضوان ( وکٹ کیپر اور نائب کپتان ) عامر جمال، عبداللہ شفیق، ابرار احمد ،حسن علی، امام الحق، محمد حریرہ، محمد نواز، نسیم شاہ،نعمان علی، سلمان علی آغا،سرفراز احمد، سعود شکیل، شاہین آفریدی اور شان مسعود پر مشتمل ہے۔
اے آر وائی نیوز کے مطابق ٹیسٹ سیریز کے لیے پاکستان کی قومی کرکٹ ٹیم کولمبو پہنچ گئی، دورہ سری لنکا کے آغاز میں قومی ٹیم ہمبن ٹوٹامیں 2 روزہ وارم اپ میچ کھیلے گی جو ک 11 جولائی کو شیڈول ہے۔
پاکستان اور سری لنکا کی ٹیموں کے درمیان پہلا ٹیسٹ 16 جولائی سے شروع ہوگا جب کہ سیریز کا دوسرا ٹیسٹ 24 جولائی سے کولمبو میں کھیلا جائے گا۔
اس سے قبل دورہ سری لنکا کے سلسلے میں کراچی میں پاکستان کرکٹ ٹیم کے تربیتی کیمپ کا انعقاد ہوا تھا، جس میں قومی ٹیم کے کپتان بابر اعظم، محمد رضوان، سرفراز احمد اور نسیم شاہ سمیت 16 کھلاڑی شریک ہوئے تھے۔