کراچی(30 جولائی 2025): اسٹیٹ بینک آف پاکستان نے شرح سود 11فیصد پر برقرار رکھنے کا اعلان کردیا۔
اے آر وائی نیوز کے مطابق کراچی میں میڈیا سے گفتگو کرتے ہوئے گورنر اسٹیٹ بینک جمیل احمد نے مانیٹری پالیسی دو ماہ کے لیے 11 فیصد پر برقرار رکھنے کا اعلان کیا ہے۔
گررنر اسٹیٹ بینک نے اعلان کرتے ہوئے کاہ کہ معیشت کی بہتری کیلئے کام ہورہا ہے، معاشی اشاریوں میں بہتری آئی ہے، بیرونی کھاتوں پر زیادہ توجہ مرکوز رکھی گئی ہے۔
گورنر اسٹیٹ بینک جمیل احمد نے شرح سود برقرار رکھنے کے اسباب کا حوالہ دیتے ہوئے کہا کہ گزشتہ مالی سال ہماری مہنگائی کی شرح 4.5 فیصد رہی جو کہ حکومت اور اسٹیٹ بینک کے مقرر کردہ ہدف سے معمولی کم تھی۔