کراچی: پٹرول، ڈیزل، ایل پی جی، اور کرایوں میں اضافے کے بعد اسٹیل کی قیمتوں میں بھی اضافہ ہو گیا ہے۔
تفصیلات کے مطابق عالمی مارکیٹ میں لوہے کی بڑھتی قیمتوں اور ڈالر مہنگا ہونے سے لوکل مارکیٹ میں سریا مہنگا ہو گیا ہے۔
صدر آئرن اسٹیل مرچنٹ کا کہنا ہے کہ عالمی مارکیٹ میں لوہے کی بڑھتی ہوئی قیمت، ڈالر مہنگا ہونے اور بجلی کی قیمت میں اضافے کے باعث مقامی مارکیٹ میں سریا مہنگا ہوا۔
انھوں نے کہا اسٹیل کی قیمتوں میں بھی ڈھائی ہزار روپے فی ٹن اضافہ ہو گیا ہے، جس کے بعد سریے کی قیمت 2 لاکھ 66 ہزار روپے فی ٹن ہو گئی ہے۔