ایران کے صدر ابراہیم رئیسی ہیلی کاپٹر حادثے میں جاں بحق ہو گئے ان کی اچانک موت کی صورت میں ایرانی آئین کے مطابق پہلے نائب صدر ملک کی باگ ڈور سنبھالیں گے۔
ایران کے صدر ابراہیم رئیسی آذربائیجان سے واپس جاتے ہوئے ہیلی کاپٹر حادثے میں جاں بحق ہو گئے۔ ان کے ساتھ وزیر خارجہ سمیت ہیلی کاپٹر میں سوار تمام افراد اب اس دنیا میں نہیں رہے۔
ایرانی صدر کی اچانک موت ہو جائے تو ملک کی باگ ڈور کون سنبھالے گا؟ اس حوالے سے ایرانی آئین کہتا ہے کہ صدر کی اچانک موت کے بعد ملک کے پہلے نائب صدر محمد مخبر ملک کی باگ دوڑ سنبھالیں گے۔
ایرانی آئین کے مطابق محمد مخبر عبوری صدر مقرر ہونے کے بعد 50 دن کے اندر دوبارہ صدارتی انتخاب کرانے کے پابند ہوں گے۔
ایرانی نائب صدر محمد مخبر دزفولی 1955 میں ایران کے علاقے دزفول میں پیدا ہوئے۔ انہوں نے اپنی ابتدائی تعلیم دزفول اور اہواز میں جاری حاصل کی۔
محمد مخبر نے الیکٹریکل انجینئرنگ کی تعلیم حاصل کی۔ اس کے علاوہ ان کے پاس بین الاقوامی قانون میں ماسٹرز اور ڈاکٹریٹ کی ڈگریاں ہیں۔۔
ایرانی نائب صدر خوزستان ٹیلی کمیونیکیشن کمپنی کے سی ای او، خوزستان کے ڈپٹی گورنر، سینا بینک کے بورڈ آف ڈائریکٹرز کے چیئرمین اور نائب وزیر تجارت اور ٹرانسپورٹیشن بھی رہے ہیں۔
ایرانی میڈیا کے مطابق محمد مخبر کو دو ماہ کے لیے ایران کا عبوری صدر مقرر کر دیا گیا ہے۔ ایرانی آئین کے مطابق 50 دن کے اندر دوبارہ صدارتی انتخاب کرایا جائے گا۔
https://urdu.arynews.tv/irani-president-died-helicopter-crash/