سمٹ بینک لمیٹڈ نے اپنا نام تبدیل کرتے ہوئے نیا نام بینک مکرمہ لمیٹڈ رکھ لیا، اسٹیٹ بینک نے نام تبدیل کرنے کی منظوری دے دی۔
تفصیلات کے مطابق سمٹ بینک نے اپنا نام بدل کر بینک مکرمہ لمیٹڈ رکھ دیا ہے، اسٹیٹ بینک آف پاکستان نے اسلامی بینکاری کے فروغ کے لیے سمٹ بینک لمیٹڈ کا نام بینک مکرمہ لمیٹڈ رکھنے کی منظوری دے دی۔
گزشتہ دنوں متحدہ عرب امارات کے ممتاز سرمایہ کار ناصر عبداللہ حسین لوتاہ نے سمٹ بینک لمیٹڈ کے اکثریتی شیئرز حاصل کیے تھے۔
ترجمان سمٹ بینک کا کہنا ہے کہ اکثریتی شیئرزکے حصول کے بعد نام کی تبدیلی عمل میں آئی ہے، نام کی تبدیلی کا اطلاق دیگر ریگولیٹری اور کارپوریٹ منظوریوں کے بعد ہو گا.
موجودہ سمٹ بینک کے ترجمان نے بتایا کہ ناصرعبداللہ حسین لوتاہ بینک مکرمہ لمیٹڈ کو ایک سرکردہ اسلامی بینک بنانے کے لیے پرعزم ہیں۔
بینک مکرمہ لمیٹڈ اسلامی اصولوں کے عین مطابق مالیاتی خدمات اورجدید مصنوعات فراہم کرے گا، بینک مکرمہ لمیٹڈ مکمل اسلامی بینکاری کے لیے جامع منصوبہ کی تیاری پر عمل پیرا ہے۔