اسلام آباد: سپریم کورٹ نے قتل اور دیگر فوجداری مقدمات کے لیے پرفارما جاری کردیا ہے۔
سپریم کورٹ کی جانب سے جاری کردہ پرفارما کے مطابق کیس کی تمام بنیادی معلومات ایک صفحے کے فارم پر دینا لازم ہوں گی، فریقین کے لیے کیس کے ساتھ معلوماتی فارم جمع کروانا لازم قرار دیا گیا ہے۔
ایف آئی آر نمبر، تھانہ، پوسٹ مارٹم نتائج پرفارما میں دینا ہوں گے، ٹرائل کورٹ اور ہائیکورٹ فیصلوں کے نتائج بھی پرفارما میں شامل ہوں گے۔
ملزمان کے نام، عمر، گرفتاری کی تاریخ سب فارم پر درج ہوگا، پوسٹ مارٹم کا دن اور وقت بھی پرفارما پر بتانا ہوگا، فرانزک کا نتیجہ کیا رہا یہ بھی درج ہوگا۔
ججز کیس کی تمام بنیادی معلومات ایک صفحے کے پرفارما سے دیکھ پائیں گے، پرفارما جرم کی نوعیت اور کیس کی اہمیت کا فوری اندازہ لگانے میں مددگار ہوگا۔