اسلام آباد : سپریم کورٹ نے ٹی وی چینلزکو بھی متنبہ کرتے ہوئے کہا توہین آمیز مواد چلانا یا دوبارہ نشر کرنے والے چینلز توہین عدالت ہی کررہے ہوں گے۔
تفصیلات کے مطابق سپریم کورٹ نے فیصل واوڈا اور مصطفیٰ کمال کیخلاف توہین عدالت کیس کا حکم نامہ جاری کردیا۔
حکم نامے میں کہا گیا ہے کہ بادی النظر میں فیصل واوڈا اور مصطفیٰ کمال توہین عدالت کے مرتکب ہوئے، دونوں کواپنے کئےکی وضاحت کا موقع دیتے ہوئے شوکاز جاری کیا جاتا ہے۔
سپریم کورٹ نے ٹی وی چینلزکو بھی متنبہ کرتے ہوئے کہا توہین آمیز مواد چلانا یا دوبارہ نشر کرنے والے چینلز توہین عدالت ہی کر رہے ہوں گے، ٹی وی چینلزکو ایسا مواد نشر کرنے سے بازرہنا چاہیے۔
فیصل واوڈااورمصطفیٰ کمال نے عدلیہ پر الزامات لگائے، فیصل واوڈا اور مصطفیٰ کمال نے زیر سماعت مقدمات پر گفتگو کی۔
پیمرافیصل واوڈااورمصطفیٰ کمال کی پریس کانفرنس کا ریکارڈ اور ٹرانسکرپٹ جمع کرائے۔
فیصل واوڈااورمصطفیٰ کمال آئندہ سماعت پرپیش ہوں، توہین عدالت کےنوٹسز کا جواب 2ہفتےمیں دیاجائے، کیس کی آئندہ سماعت 5 جون کوہوگی۔