ٹی 20 ورلڈ کپ 27ویں میچ میں بنگلہ دیش نے نیدرلینڈز کو 25 رنز سے شکست دے دی جس کے بعد سری لنکا کی ٹیم ورلڈ کپ سے باہر ہوگئی۔
کنگز ٹاؤن میں کھیلے گئے گروپ ڈی کے میچ میں بنگلہ دیش کی جانب سے دیے گئے 160 رنز کے تعاقب میں نیدرلینڈز کی ٹیم 8 وکٹوں کے نقصان پر 134 رنز بناسکی۔
سبرینڈ کے 33 رنز پر نیدرلینڈز کے کام نہ آسکے، وکرات سنگھ 26 اور کپتان اسکاٹ ایڈورڈز 25 رنز بنا کر نمایاں رہے۔
View this post on Instagram
بنگلہ دیش کی جانب سے رشد حسین نے تین کھلاڑیوں کو پویلین کی راہ دکھائی، مستفیض الرحمان، تنظیم حسن اور تسکین احمد نے ایک، ایک وکٹ حاصل کی۔
View this post on Instagram
نیدرلینڈز نے ٹاس جیت کر بنگلادیش کو پہلے بیٹنگ کی دعوت دی۔
بنگلادیش نے مقررہ 20 اوورز میں 5 وکٹوں کے نقصان پر 159 رنز بنائے۔شکیب الحسن 64 رنز بناکر ناقابل شکست رہے۔
View this post on Instagram
اس کے علاوہ تنزید حسن 35، محموداللہ 25 ، توحید 9 رنز بناکر آؤٹ ہوئے۔
نیدرلینڈز کی جانب سے آریان دت اور میکرین نے 2،2 وکٹیں حاصل کیں۔
View this post on Instagram
نیدرلینڈز اور بنگلادیش ایونٹ میں اپنا آج تیسرا میچ کھیل رہے ہیں، دونوں کو ایک میچ میں کامیابی اور ایک میں شکست ہوئی۔