عالمی کپ ایک روزہ ہو یا ٹی 20 کا بھارت کا پلڑہ پاکستان کے خلاف بھاری ہے آج ٹی ٹوئنٹی ورلڈ کپ میں پاکستان کو اپنی سابقہ شکستوں کا داغ مٹانے کا موقع ہے۔
آئی سی سی ون ڈے ورلڈ کپ ہو یا چاہے ٹی ٹوئنٹی ورلڈ کپ۔ بھارت ہمیشہ مغلوب اور اس کا پلڑہ بھاری رہا ہے۔ ایک روزہ عالمی کپ کے ٹورنامنٹس میں تو اب تک بلیو شرٹس نا قابل شکست ہیں جب کہ ٹی ٹوئنٹی ورلڈ کپ میں صرف ایک شکست پائی ہے۔
پاکستان اور بھارت کے درمیان 1992 سے 2023 تک ہونے والے ون ڈے ورلڈ کپ ایونٹس میں 8 مقابلے ہوئے اور تمام مقابلے میں بھارت فاتح رہا۔ ٹی 20 ورلڈ کپ کے سات میں سے صرف ایک میچ میں گرین شرٹس نے کامیابی سمیٹی۔
ان اعداد وشمار کو دیکھتے ہوئے بھارت پاکستان کے لیے بظاہر لوہے کا چنا محسوس ہوتا ہے کہ کیسے اسے ہرایا جائے اور سپر ایٹ کے لیے پیش قدمی جاری رکھی جائے۔
اس صورتحال میں ماہرین کرکٹ نے مشورہ دیا ہے کہ ڈھاکا (2014) میں 36 ناٹ آؤٹ، 2016 میں کولکتہ میں 55 ناٹ آؤٹ اور مین آف دی میچ، 2021 میں دبئی میں 57 رنز (بھارت اب تک واحد یہ میچ ہارا) اور 2022 میلبرن کوہلی 82 ناٹ آؤٹ بنا کر پھر مین آف دی میچ۔
ویرات کوہلی ہوں گے پاکستانی ٹیم کے لیے سب سے بڑا خطرہ اس لیے پاکستان نے اگر یہ میچ جیتنا ہے تو نشانہ تو پوری ٹیم ہوگی مگر فوکس کوہلی پر کرنا ہوگا اور جلد از جلد میدان بدر کرنا ہوگا۔
ان کا کہنا ہے کہ جارحیت کا جواب، جارحیت سے ہی دینا ہوگا۔ بیٹنگ بغیر ڈرے کرنا ہوگی۔ بولنگ میں جان مارنی ہوگی اور پھر سب سے بڑا سہارا ہیں، اگر فینز کی دعائیں لگ گئیں تو نیویارک پار اور سپر ایٹ کا راستہ کھل جائے گا۔
https://urdu.arynews.tv/t20-world-cup-what-are-the-strengths-and-weaknesses-of-pakistan-india-teams/