سری لنکا کے خلاف ورلڈکپ ٹی ٹوئنٹی کے اہم میچ سے قبل آسٹریلیا کو بڑا دھچکا لگ گیا۔
آسٹریلیا کے لیگ اسپنر ایڈم زمپا کا سری لنکا کے خلاف ٹی 20 ورلڈ کپ کے میچ سے قبل کوویڈ 19 کا ٹیسٹ مثبت آیا ہے۔
حال ہی میں زمپا کا کورونا ٹیسٹ کیا گیا جس کا نتیجہ مثبت آیا ہے تاہم انہیں صرف معمولی علامات ہیں۔ پرتھ اسٹیڈیم میں کھیلے جارہے میچ میں زمپا ٹیم کا حصہ نہیں ہیں۔
ان کی جگہ ایشٹن آگر کو فائنل الیون میں شامل کیا گیا ہے۔
کرکٹ کے عالمی نگراں ادارے انٹرنیشنل کرکٹ کونسل نے کوویڈ متاثرہ کھلاڑیوں کو میچ کھیلنے کی اجازت دی ہے۔
آئی سی سی کا کہنا ہے کہ ٹورنامنٹ کے دوران کوئی لازمی ٹیسٹ نہیں ہوگا اور اگر کسی کھلاڑی کو وائرس ہو جاتا ہے تو آئسولیشن کی مدت نہیں ہوگی۔
ان صورتوں میں ٹیم کے ڈاکٹروں پر ذمہ داری ہوگی کہ وہ "اس بات کا جائزہ لیں کہ آیا یہ مناسب ہے” کہ کھلاڑی وائرس سے متاثر ہونے کی صورت میں میچ کھیلنے کے قابل ہے یا نہیں۔
رپورٹ میں کہا گیا ہے کہ اگر کسی کھلاڑی کی کورونا ٹیسٹ رپورٹ مثبت آتی ہے تو ٹیموں کو اسکواڈ میں تبدیلی کی اجازت دی جائے گی اور پھر منفی ٹیسٹ آنے پر ٹیم میں واپسی کی اجازت ملے گی۔