ARYNews.tv | Urdu – Har Lamha Bakhabar

Tag: آئرلینڈ

  • قومی ویمن کرکٹ ٹیم کے لیے بری خبر، صدف شمس آئرلینڈ ٹور سے باہر

    قومی ویمن کرکٹ ٹیم کے لیے بری خبر، صدف شمس آئرلینڈ ٹور سے باہر

    قومی ویمن کرکٹ ٹیم کے لیے بری خبر ہے، بلے باز صدف شمس آئرلینڈ ٹور سے باہر ہو گئیں۔

    تفصیلات کے مطابق قومی ویمن کرکٹ ٹیم کی بلے باز صدف شمس انجری کی شکار ہو گئی ہیں، جس کی وجہ سے وہ T20I سیریز کے لیے آئرلینڈ جانے والی ٹیم کا حصہ نہیں ہوں گی۔

    صدف شمس کی جگہ شوال ذوالفقار کو اسکواڈ میں شامل کر لیا گیا ہے، شوال آج ہفتے کو کراچی میں نیشنل اسکواڈ جوائن کریں گی، جب کہ پاکستان ویمنز ٹیم 3 اگست کو آئرلینڈ روانہ ہوگی۔ آئرلینڈ، بیلفاسٹ میں 6 سے 10 اگست تک 3 ٹی 20 میچز شیڈول ہیں.

    صدف شمس کراچی میں پریکٹس سیشن کے دوران اپنے بائیں کواڈریسیپس کے پٹھے کو زخمی کر بیٹھی تھیں، جب کہ شوال ذوالفقار، جنھوں نے تین ون ڈے اور 7 ٹی ٹوئنٹی کھیلے ہیں، ان 24 کھلاڑیوں میں شامل تھیں جو گزشتہ ماہ کراچی میں اسکلز کیمپ کا حصہ تھیں۔

    ویڈیو: ’آپ ایسے بات نہیں کرسکتے‘ کے ایل راہول امپائر سے الجھ پڑے

    شوال نے آخری ٹی ٹوینٹی انٹرنیشنل میچ دسمبر 2023 میں کھیلا تھا، جس کے بعد وہ کندھے کی انجری کے باعث میدان سے باہر ہو گئی تھیں۔ انھوں نے اس سال کے شروع میں لاہور میں خواتین کے ون ڈے ورلڈ کپ کوالیفائر کے لیے واپسی کی تھی، اور 2 میچ کھیل کر 8 رنز بنائے تھے۔

    15 رکنی اسکواڈ کی قیادت فاطمہ ثنا کریں گی اور اس میں 20 سالہ بلے باز ایمن فاطمہ بھی شامل ہیں، جنھیں قومی ٹی ٹوئنٹی ٹورنامنٹ میں کامیابی کا صلہ ملا۔

    آئرلینڈ ٹی ٹوئنٹی کے لیے پاکستانی اسکواڈ

    فاطمہ ثنا (کپتان)، عالیہ ریاض، ڈیانا بیگ، ایمن فاطمہ، گل فیروزہ، منیبہ علی (وکٹ کیپر)، ناجیہ علوی (وکٹ کیپر)، نشرہ سندھو، نتالیہ پرویز، رامین شمیم، شوال ذوالفقار، سعدیہ اقبال، سدرہ امین، طوبیٰ حسن، وحیدہ اختر۔

  • صحافیوں کی غیر قانونی جاسوسی کرنا پولیس کو مہنگی پڑ گئی

    صحافیوں کی غیر قانونی جاسوسی کرنا پولیس کو مہنگی پڑ گئی

    ناردرن آئرلینڈ کی عدالت نے صحافیوں کی غیر قانونی جاسوسی کرنے پر پولیس کو بھاری جرمانہ عائد کردیا۔

    غیر ملکی ذرائع ابلاغ کے مطابق ناردرن آئرلینڈ پولیس سروس اور میٹروپولیٹن پولیس نے دو بیلفاسٹ صحافیوں کی جاسوسی کی۔ عدالتی فیصلے میں کہا گیا ہے کہ پولیس نے جاسوسی کرتے ہوئے ان کے ذرائع کی شناخت کرنے کے لیے غیر قانونی عمل کیا۔

    عدالت کی جانب سے یہ تاریخی فیصلہ Investigatory Powers Tribunal نے Barry McCaffrey اور Trevor Birney کی جانب سے دائر کیے گئے مقدمے میں دیا گیا۔

    عدالت نے ناردرن آئرلینڈ پولیس سروس کو ہر صحافی کو 4 ہزار پونڈ ادا کرنے کا بھی حکم جاری کیا۔ پولیس کی خفیہ نگرانی کی کارروائی غیر متناسب تھی، پولیس نے ملکی اور عالمی تحفظات کو ٹھیس پہنچائی۔

    دوسری جانب اسرائیل نے ڈبلن میں اپنا سفارت خانہ بند کر دیا ہے، جس سے آئرلینڈ اور اسرائیل میں کشیدہ تعلقات مزید تناؤ کا شکار ہو گئے ہیں۔

    آئرلینڈ کی جانب سے غزہ میں اسرائیلی نسل کشی کے خلاف ایکشن کے مطالبے پر اسرائیل نے دارالحکومت ڈبلن میں اپنا سفارت خانہ بند کر کے سفیر کو واپس بلا لیا ہے۔

    اسرائیل نے مؤقف اختیار کیا کہ آئرلینڈ کی اسرائیل مخالف پالیسیوں کی وجہ سے سفیر کو واپس بلایا ہے، اسرائیل کے وزیر خارجہ نے آئرش وزیر اعظم سائمن ہیرس کو ’یہود دشمن‘ قرار دے دیا۔

    فلسطینیوں نے امریکی حکومت پر مقدمہ کر دیا

    آئرلینڈ کے وزیر اعظم سائمن ہیرس کا کہنا ہے کہ اسرائیل مخالف پالیسیوں کو جواز بنا کر اسرائیل کا آئرلینڈ میں اپنا سفارت خانہ بند کرنے کا فیصلہ انتہائی افسوس ناک ہے۔ آئرش وزیرِ اعطم نے ایکس پر لکھا کہ میں اس دعوے کو یکسر مسترد کرتا ہوں کہ آئرلینڈ اسرائیل مخالف ہے، آئرلینڈ امن و امان، انسانی حقوق اور عالمی قانون کا حامی ہے۔

  • آئرلینڈ اور اسرائیل میں کشیدہ تعلقات مزید تناؤ کا شکار ہو گئے

    آئرلینڈ اور اسرائیل میں کشیدہ تعلقات مزید تناؤ کا شکار ہو گئے

    اسرائیل نے ڈبلن میں اپنا سفارت خانہ بند کر دیا ہے، جس سے آئرلینڈ اور اسرائیل میں کشیدہ تعلقات مزید تناؤ کا شکار ہو گئے ہیں۔

    غیر ملکی میڈیا رپورٹس کے مطابق آئرلینڈ کی جانب سے غزہ میں اسرائیلی نسل کشی کے خلاف ایکشن کے مطالبے پر اسرائیل نے دارالحکومت ڈبلن میں اپنا سفارت خانہ بند کر کے سفیر کو واپس بلا لیا ہے۔

    اسرائیل نے مؤقف اختیار کیا کہ آئرلینڈ کی اسرائیل مخالف پالیسیوں کی وجہ سے سفیر کو واپس بلایا ہے، اسرائیل کے وزیر خارجہ نے آئرش وزیر اعظم سائمن ہیرس کو ’یہود دشمن‘ قرار دے دیا۔

    آئرلینڈ کے وزیر اعظم سائمن ہیرس کا کہنا ہے کہ اسرائیل مخالف پالیسیوں کو جواز بنا کر اسرائیل کا آئرلینڈ میں اپنا سفارت خانہ بند کرنے کا فیصلہ انتہائی افسوس ناک ہے۔ آئرش وزیرِ اعطم نے ایکس پر لکھا کہ میں اس دعوے کو یکسر مسترد کرتا ہوں کہ آئرلینڈ اسرائیل مخالف ہے، آئرلینڈ امن و امان، انسانی حقوق اور عالمی قانون کا حامی ہے۔

    اسرائیل اور حماس کے درمیان عنقریب جنگ بندی معاہدہ : اہم خبر آگئی

    واضح رہے کہ اسرائیل کے سفارت خانہ بند کرنے اور سفیر کو واپس بلانے کے اقدام سے دونوں ممالک کے درمیان پہلے سے کشیدہ تعلقات مزید تناؤ کا شکار ہو گئے ہیں۔

    اسرائیلی وزیر خارجہ گڈون سار نے ایک بیان میں شدید تنقید کرتے ہوئے کہا تھا کہ آئرلینڈ نے اسرائیل کے خلاف عالمی عدالت انصاف کے فیصلے کی حمایت کی، اور آئرلینڈ کے سام دشمن وزیر اعظم سائمن ہیرس نے ایک انٹرویو میں کہا کہ ’آئرلینڈ اسرائیل مخالف نہیں ہے لیکن بلاشبہ آئرلینڈ بچوں کی بھوک کا مخالف ہے۔‘ تو میں پوچھ رہا ہوں کہ کیا اسرائیل بچوں کو بھوکا مار رہا ہے؟ اسرائیل تو غزہ تک انسانی امداد پہنچانے کے لیے کام کر رہا ہے۔

  • آئرلینڈ نے اسرائیلی درخواست مسترد کردی

    آئرلینڈ نے اسرائیلی درخواست مسترد کردی

    آئرلینڈ کی جانب سے لبنانی بارڈرسے امن دستے واپس بلوانے کی اسرائیلی درخواست کو مسترد کردیا گیا ہے۔

    آئرش میڈیا کا اس حوالے سے کہنا ہے کہ اسرائیلی فوج نے لبنان میں تعینات آئرش امن دستے ہٹانے کی درخواست کی تھی، جسے مسترد کردیا گیا ہے۔

    عرب میڈیا کی رپورٹس کے مطابق آئرلینڈ کے امن دستے لبنانی سرحد پرواقع ایک چوکی پرتعینات ہیں، امن دستے اقوام متحدہ کے مشن کے تحت لبنانی سرحد پرتعینات کئے گئے ہیں۔

    اقوام متحدہ کے یونیفل امن مشن دستے میں 10 ہزار کے قریب فوجی شامل ہیں جو حزب اللہ اور اسرائیل کے درمیان جنگ بندی کی نگرانی کرتے ہیں، آئرش دستہ جس پوسٹ پر تعینات ہے وہاں سرحدی دراندازی کا مشاہدہ اور اسے رپورٹ کرنا اس کی ذمہ داریوں میں شامل ہے۔

    دوسری جانب امریکی صدر جوبائیڈن نے اہم بیان دیا ہے کہ اسرائیل نے اب تک فیصلہ نہیں کیا کہ ایران کو کیسے جواب دینا ہے۔

    الجزیرہ کی رپورٹ کے مطابق جوبائیڈن نے بتایا کہ امریکی فوج اور سفارت کار اپنے اپنے اسرائیلی ہم منصب سے مسلسل رابطے میں ہیں۔

    جوبائیڈن نے کہا کہ اگر مجھے ایسی صورتحال کا سامنا ہوتا جو اسرائیل کو درپیش ہے تو میں ایران کی تیل تنصیبات پر حملہ کرنے کے متبادل کے بارے میں سوچتا۔

    انہوں نے مزید کہا کہ میرے خیال میں اسرائیل نے ابھی تک یہ فیصلہ نہیں کیا کہ ایران کو کیسے جواب دیا جائے۔ ساتھ ہی امریکی صدر نے یہ بھی بتایا کہ ایران پر پابندیاں عائد کرنے کا معاملہ زیرِ غور ہے۔

    جوبائیڈن نے ان خیالات کا اظہار وائٹ ہاؤس میں پریس بریفنگ کے دوران صحافیوں سے کیا۔

    گزشتہ روز وائٹ ہاؤس میں صحافیوں سے گفتگو کرتے ہوئے امریکی صدر نے کہا تھا کہ وہ ایران کی تیل تنصیبات پر ممکنہ اسرائیلی حملوں کے بارے میں بات چیت کر رہے ہیں۔

    روس نے طالبان سے متعلق اہم فیصلہ کرلیا

    امریکی صدر کا کہنا تھا کہ اسرائیل کی جانب سے جمعرات سے پہلے تک ایران پر میزائل حملوں کے جواب میں کسی حملے کی توقع نہیں ہے۔

  • اسرائیلی بربریت کے خلاف بڑا قدم، تین یورپی ممالک نے فلسطین کو بطور ریاست تسلیم کر لیا

    اسرائیلی بربریت کے خلاف بڑا قدم، تین یورپی ممالک نے فلسطین کو بطور ریاست تسلیم کر لیا

    اسرائیلی بربریت کے خلاف بڑا قدم اٹھاتے ہوئے تین یورپی ممالک نے فلسطین کو بطور ریاست تسلیم کر لیا ہے۔

    غیر ملکی میڈیا رپورٹس کے مطابق آئرلینڈ، ناروے اور اسپین نے باضابطہ طور پر فلسطین کو ایک علیحدہ ریاست کے طور پر تسلیم کر لیا ہے، جس کے بعد اسرائیل نے دو یورپی ریاستوں سے اپنے سفیروں کو واپس بلا لیا ہے۔

    آئرلینڈ اور اسپین کی جانب سے وزرائے اعظم نے فلسطین کو بہ طور ریاست تسلیم کرنے کا اعلان کیا۔ بدھ کو آئرش وزیر اعظم سائمن ہیرس نے کہا آج فلسطین کو بطور ریاست تسلیم کرنے کا وقت آ گیا ہے۔

    انھوں نے کہا ’’آج آئرلینڈ، ناروے اور اسپین اعلان کر رہے ہیں کہ ہم فلسطین کی ریاست کو تسلیم کرتے ہیں، ہم میں سے ہر ایک اس فیصلے کو عملی جامہ پہنانے کے لیے جو بھی قومی اقدامات کرنے کی ضرورت ہوئی، وہ کرے گا۔‘‘

    سائمن ہیرس نے مزید کہا کہ انھیں یقین ہے کہ آنے والے ہفتوں میں مزید ممالک اس اہم قدم کو اٹھانے میں ہمارا ساتھ دیں گے، یہ اعلان دو ریاستی حل کے لیے واضح حمایت پر مبنی ہے، جو اسرائیل، فلسطین اور ان کے لوگوں کے لیے امن اور سلامتی کا واحد معتبر راستہ ہے۔

    ڈبلن میں سائمن ہیرس کے بیان کے فوراً بعد اسپین کے وزیر اعظم پیڈرو سانچیز اور ناروے کے وزیر خارجہ ایسپین بارتھ ایدے نے بھی اپنے بیانات میں کہا کہ دونوں ملک 28 مئی سے فلسطینی ریاست کو تسلیم کریں گے، پیڈرو سانچیز نے کہا کہ یہ واضح ہے کہ وزیر اعظم بنجمن نیتن یاہو کے پاس فلسطین کے لیے امن کا کوئی منصوبہ نہیں ہے، چاہے حماس کے خلاف اس کی لڑائی جائز کیوں نہ ہو۔

    ناروے کے وزیر اعظم حوناس گہر اسٹور نے بھی ایک بیان میں کہا کہ اگر فلسطین کو بہ طور الگ ریاست تسلیم نہ کیا جائے تو مشرق وسطیٰ میں امن نہیں ہو سکتا۔

    اس اعلان کے بعد اسرائیل کے وزیر خارجہ نے آئرلینڈ اور ناروے سے اسرائیل کے سفیروں کو فوری طور پر ملک واپس آنے کا حکم دے دیا ہے۔ انھوں نے کہا کہ ریاست تسلیم کرنے کا یہ اعلان غزہ میں قید اسرائیل کے یرغمالیوں کی واپسی کی کوششوں میں رکاوٹ بن سکتا ہے۔ واضح رہے کہ 173 میں سے 140 ممالک فلسطین کو بطور ریاست تسلیم کر چکے ہیں۔

  • آئرلینڈ کے دارالحکومت ڈبلن میں ہنگامے پھوٹ پڑے

    آئرلینڈ کے دارالحکومت ڈبلن میں ہنگامے پھوٹ پڑے

    آئرلینڈ کے دارالحکومت ڈبلن میں چاقو زنی کی 2 وارداتوں کے بعد ہنگامے پھوٹ پڑے، جس کے نتیجے میں حالات کشیدہ ہوگئے، مشتعل افراد نے ٹرام، بس اور کئی گاڑیوں کو نذر آتش کرکے جبکہ متعدد دکانوں کو بھی لوٹ لیا گیا۔

    بین الاقوامی خبر رساں ادارے کی رپورٹ کے مطابق ڈبلن کے سٹی سینٹر میں چاقو کے حملے میں پانچ برس کی بچی اور ایک خاتون سمیت 5 افراد کو زخمی کردیا گیا تھا۔

    اسکول کے باہر ایک اور واردات میں چھ برس کی بچی اور پانچ برس کے بچے کو چاقو مار کر شدید زخمی کردیا گیا، چاقو حملے میں مبینہ طور پر ایک شخص کو ملوث قرار دیا گیا ہے جو زخمی حالت میں اسپتال میں ہے۔

    واقعے کے بعد مشتعل افراد سڑکوں پر نکل آئے اور ہنگامہ آرائی شروع کردی، جس پر قابو پانے کے لئے پولیس کی جانب سے لاٹھی چارج بھی کیا گیا۔

    دوسری جانب بھارت کے شہر ممبئی کے ایک علاقے سے اتوار کی صبح ایک لاوارث سوٹ کیس سے ایک لڑکی کی لاش برآمد ہوئی ہے، جو ٹی شرٹ اور ٹریک پینٹ میں تھی۔

    بھارتی میڈیا رپورٹس کے مطابق ممبئی کے مضافاتی علاقے کرلا میں 19 نومبر کو ایک نامعلوم خاتون کی لاش سوٹ کیس سے ملی ہے، پولیس نے شبہ ظاہر کیا ہے کہ خاتون کو گلا دبا کر قتل کیا گیا ہے۔

    پولیس حکام کے مطابق لاش 20 سے 25 سالہ خاتون کی ہے، وہ جس سوٹ کیس میں بند تھی وہ ایک شخص کو سی ایس ٹی روڈ کے نزدیک پل کے نیچے ملا تھا۔

    پولیس حکام کا کہنا تھا کہ ابتدائی طور پر خاتون کے ساتھ جنسی زیادتی کے کوئی آثار نہیں دکھائی نہیں دیے ہیں، خاتون کے جسم پر کوئی زخم بھی نہیں دیکھا گیا۔

  • آئرلینڈ نے پاکستان ویمن ٹیم کو شکست دے کر سیریز دو ایک سے جیت لی

    آئرلینڈ نے پاکستان ویمن ٹیم کو شکست دے کر سیریز دو ایک سے جیت لی

    لاہور: آئرلینڈ ویمن ٹیم نے تیسرے اور فیصلہ کُن ٹی ٹوئنٹی میچ میں پاکستان کو شکست دے کر سیریز دو ایک سے جیت لی ہے۔

    آئرلینڈ کی جانب سے دیے گئے 168 رنز کے ہدف کے جواب میں پاکستان ویمن ٹیم 18.5 اوورز میں 133 رن بنا کر پوری ٹیم پولین لوٹ گئی۔

    168 رنز کے تعاقب میں پاکستان کی جویریہ خان نے 36 گیندوں پر 7 چوکوں کی مدد سے نصف سنچری بنائی جو ان کی ٹی ٹوئنٹی انٹرنیشنل کیریر کی 10ویں نصف سنچری تھی۔

    اس سے قبل لاہور کے قذافی اسٹیڈیم میں آئرلینڈ نے پہلے بیٹنگ کرتے ہوئے 3 وکٹوں پر 167رنز بنائے، ایمی ہنٹر 40 اور گیبی لوئس 71 رنز بنا کر نمایاں رہیں۔

    واضح رہے کہ اس سے قبل تین ون ڈے میچز کی سیریز میں پاکستان ویمن ٹیم نے آئرلینڈ کو کلین سوئپ شکست دی تھی۔

  • بھیڑ جیل پہنچ گئی … مگر کیوں؟

    بھیڑ جیل پہنچ گئی … مگر کیوں؟

    آئرلینڈ: جیلیں انسانوں کے لیے بنائی جاتی ہیں تاہم آئرلینڈ میں ایک بے چاری کھوئی ہوئی بھیڑ کو بھی رات جیل میں گزارنی پڑ گئی۔

    تفصیلات کے مطابق آئرلینڈ کی پولیس نے ایک دل چسپ واقعے سے متعلق بیان جاری کرتے ہوئے کہا ہے کہ سڑک پر ایک بھیڑ ملی تھی جسے مالکان تک پہنچنے سے قبل جیل کی کھولی میں رات کاٹنی پڑی۔

    آئرلینڈ کی قومی پولیس فورس گرڈا کا کہنا ہے کہ اہل کاروں کو ایک ڈرائیور نے فون کر کے اطلاع دی تھی کہ دیہی قصبے ٹپریری میں ایک سڑک پر ایک لاوارث بھیڑ آوارہ گردی کرتے دیکھی گئی ہے۔

    پولیس اہل کاروں نے اطلاع ملنے کے بعد مذکورہ جگہ پہنچ کر بھیڑ کو اپنی تحویل میں لیا اور اسے جیل لے کر گئے، پولیس ایک طرف بھیڑ کے مالکان کی تلاش کر رہی تھی، دوسری طرف بھیڑ کو وہ رات جیل کی کھولی میں گزارنی پڑی۔

    پولیس کا کہنا ہے کہ اگلی صبح بھیڑ کے مالکان کا پتا چلا، اور بھیڑ کو ان کے حوالے کر دیا گیا۔

    معلوم ہوا کہ مذکورہ بھیڑ ریوڑ سے بچھڑ گئی تھی، اس کے بعد اس نے اپنا راستہ کھو دیا، مالک کو بھی پتا نہیں چلا، پولیس نے اس سلسلے میں ایک ٹوئٹ کرتے ہوئے فون کرنے والے شخص کا شکریہ ادا کیا جس نے بھیڑ کو سڑک پر دیکھا تھا۔

    پولیس کا کہنا تھا کہ جیل میں بھیڑ کا خیال رکھا گیا اور اگلے دن صبح بھیڑ مالک کو لوٹائی گئی۔

  • مختلف ممالک کی پولیس کا ایک دوسرے کو ڈانس کرنے کا چیلنج

    مختلف ممالک کی پولیس کا ایک دوسرے کو ڈانس کرنے کا چیلنج

    برن: سوئٹزر لینڈ پولیس کی مشہور افریقی گانے پر ڈانس کی ویڈیو دنیا بھر میں وائرل ہوگئی جس کے بعد مختلف ممالک کی پولیس نے اس گانے پر رقص کرنا شروع کردیا۔

    سوئٹزر لینڈ پولیس کی یہ ڈانس ویڈیو سوشل میڈیا پر چند روز قبل سامنے آئی جس میں مشہور افریقی گانے پر رقص کیا جارہا ہے۔ ویڈیو میں پولیس اور قانون نافذ کرنے والے مختلف اداروں کے افسران ہم آہنگ ہو کر تھرکتے دکھائی دے رہے ہیں۔

    یہ ویڈیو مختلف ویڈیوز کا مجموعہ ہے جس میں فیلڈ میں کام کرنے والے اہلکار، دفاتر میں بیٹھے افسران اور مانیٹرنگ اسکرینز کے سامنے موجود سیکیورٹی عملہ ڈانس کر رہا ہے۔

    یہ ویڈیو بے حد وائرل ہوئی تاہم اس کی مقبولیت میں اس وقت مزید اضافہ ہوگیا جب آئرلینڈ پولیس کو اسے بطور چیلنج قبول کرنے کا کہا گیا۔

    پرتگال میں مقیم ایک آئرش ریڈیو جوکی (آر جے) فرینکی بیٹس نے ویڈیو ٹویٹ کرتے ہوئے کہا کہ سوئس پولیس نے اس مشکل وقت میں اپنے لوگوں کے لیے کچھ خاص کرنے کا فیصلہ کیا، کیا آئرش پولیس بھی اس چیلنج کو قبول کرے گی؟

    اس ٹویٹ کو متعدد افراد نے ری ٹویٹ کیا یہاں تک کہ سوئس پولیس کے آفیشل ٹویٹر اکاؤنٹ سے بھی کہا گیا کہ وہ اس چیلنج کو پورا کیے جانے کے منتظر ہیں۔

    صورتحال اس وقت مزید دلچسپ ہوگئی جب آئر لینڈ کے ڈپارٹمنٹ آف جسٹس نے بھی اپنے اکاؤنٹ سے ٹویٹ کیا اور آئر لینڈ پولیس کو اکساتے ہوئے اس چیلنج کو پورا کرنے کا کہا۔

    بالآخر آئرش پولیس کے ٹویٹر اکاؤنٹ پر ٹویٹ کیا گیا اور کہا گیا کہ ہمیں چیلنج قبول ہے۔

    تاحال آئرش پولیس نے اپنے ڈانس کی ویڈیو جاری نہیں کی، قیاس ہے کہ پولیس افسران ڈانس اسٹیپس کی تیاریوں میں مصروف ہوں گے، تاہم ٹویٹر پر ہونے والی اس گفتگو سے دنیا بھر کے افراد محفوظ ہوئے۔

    یہی نہیں مختلف ممالک کی پولیس نے بھی اس ڈانس چیلنج کو پورا کرنا شروع کردیا۔

    فرینکی بیٹس نے ہی مختلف ویڈیوز ٹویٹ کیں جن میں سے ایک فرانسیسی پولیس اور ایک جنوبی افریقی شہر جوہانسبرگ کی پولیس کی ہے جس میں پولیس اہلکار اس گانے پر ڈانس کر رہے ہیں۔

    یاد رہے کہ افریقی زبان کا یہ گانا سنہ 2019 میں ریلیز کیا گیا تھا جس کے بعد فروری 2020 میں چند افریقی نوجوانوں نے اس پر ڈانس کیا جس کی ویڈیو بے حد وائرل ہوئی تھی۔

  • کرونا سے تحفظ، ٹی بی ویکسین کی افادیت کا بڑا ثبوت مل گیا

    کرونا سے تحفظ، ٹی بی ویکسین کی افادیت کا بڑا ثبوت مل گیا

    ڈبلن: نئے اور مہلک وائرس کو وِڈ نائنٹین کے علاج میں تپ دق (ٹی بی) کی ویکسین بی سی جی کی افادیت سے متعلق ایک بڑا ثبوت سامنے آیا ہے۔

    تفصیلات کے مطابق ٹی بی (ٹیوبر کولوسز) سے بچاؤ فراہم کرنے والی ویکسین BCG سے متعلق زیادہ اہم ثبوت سامنے آیا ہے کہ یہ کرونا وائرس سے بچاؤ بھی فراہم کر سکتی ہے، اس سلسلے میں کئی ممالک میں ویکسین نے کرونا سے شرح اموات میں واضح کمی کا ثبوت فراہم کر دیا ہے۔

    آئرلینڈ کے ایک میڈیکل کنسلٹنٹ نے امریکی ریاست ٹیکسس کے شہر ہیوسٹن کی یونی ورسٹی کے ماہرین وبائی امراض کے ساتھ مل کر اس سلسلے میں ایک تحقیق کی، اس کے لیے آئرلینڈ سمیت متعدد ممالک میں بی سی جی ویکسی نیشن پروگرام کے نتائج دیکھے گئے۔ جن ممالک میں ٹی بی ویکسین پروگرام چلایا گیا وہاں دیگر ممالک کے برعکس کرونا وائرس کیسز قابل ذکر حد تک کم تھے۔

    کرونا وائرس کا توڑ، آسٹریلیا میں ڈاکٹرز پر ٹی بی ویکسین کی آزمائش

    تحقیق کے نتائج کے مطابق بی سی جی ویکسین پروگرام والے ممالک میں کرونا سے شرح اموات دیگر ممالک کے مقابلے میں 20 گنا کم رہی، آئرلینڈ کے اسپتال کے محقق یورولوجسٹ پال ہیگارٹی نے میڈیا کو بتایا کہ یہ تحقیق شماریات پر مبنی ہے اس لیے اس میں پیچیدگیوں کا سامنا کرنا پڑتا ہے، تاہم یہ تحقیق اس سے قبل نیویارک میں کی گئی تحقیق کے مقابلے میں کہیں زیادہ جامع ہے۔

    تحقیق کے دوران غلطی کی گنجایش کم سے کم کرنے کے لیے محققین نے وبا کے دوران کیسز کا بار بار جائزہ لیا، اور ممالک کا آپس میں تقابلی جائزہ بھی لیا جاتا رہا، جن میں آئرلینڈ اور برطانیہ کے مابین تقابلی جائزہ بھی شامل ہے۔ محقق پال ہیگارٹی نے بتایا کہ انھیں اتنے نمایاں فرق کی توقع نہیں تھی، جن ممالک میں بی سی جی ویکسی نیشن کی گئی تھی ان میں کرونا کے کیسز کی شرح 10 لاکھ میں سے 38 تھی، جن ممالک میں ٹی بی ویکسی نیشن نہیں کی گئی تھی ان میں شرح دس لاکھ میں 358 کیسز تھی۔

    بی سی جی پروگرام والے ممالک میں کرونا وائرس سے شرح اموات 10 لاکھ میں سے 4.28 تھی جب کہ اس کے برعکس ممالک میں دس لاکھ میں سے 40 تھی۔