Tag: آئل ریفائنری

راولپنڈی: آئل ریفائنری سپلائی لائن سے کروڑوں روپے مالیت کا کروڈ آئل چوری ہوگیا ، سیکیورٹی انچارج کی مدعیت میں مقدمہ درج کرلیا گیا ہے۔

تفصیلات کے مطابق راولپنڈی میں آئل کمپنی کی سپلائی لائن سے کروڈ آئل چوری ہونے کا انکشاف ہوا۔

سیکیورٹی انچارج نے بتایا کہ کروڈ آئل پانی کے ٹینکر میں بھرکر چوری کیا جارہا تھا۔

آئل فیلڈ کے سیکیورٹی انچارج کی مدعیت میں تھانہ دھمیال میں مقدمہ درج کرلیا گیا ہے۔

سیکیورٹی انچارج کا کہنا ہے کہ ایک ٹینکر کاپیچھا کیا پتہ چلا کہ پیلو گاؤں کےقریب لائن سےکنکشن لگا ہے، لائن سے 5 افراد تیل چوری کررہے تھے جو ہمیں دیکھ کربھاگ گئے۔

انچارج نے بتایا کہ تعاقب کرکے ایک شخص کو پکڑلیاگیا، آئل ریفائنری کی سپلائی لائن میں کچھ عرصے سے کروڈآئل چوری ہو رہا تھا۔

ان کا کہنا تھا کہ ملزمان نے تقریباً 15 کروڑ روپے سے زائد مالیت کا تیل چوری کیا۔

اسلام آباد: وزیرِ اعظم عمران خان آج گوادر پورٹ کا دورہ کریں گے جہاں وہ گوادر ایکسپو میں شریک ہوں گے، ذرائع کا کہنا ہے کہ وزیرِ اعظم کا گوادر پورٹ کا دورہ پورے دن پر مبنی ہے ۔

تفصیلات کے مطابق وزیرِ اعظم عمران خان آج گوادر پورٹ کا دورہ کریں گے، جہاں انھیں پاک چین اقتصادی راہ داری کے تحت جاری مختلف تعمیراتی منصوبوں کے حوالے سے بریفنگ دی جائے گی۔

ذرائع کا کہنا ہے کہ وزیر اعظم عمران خان کو سی پیک کے تحت جاری جدید ترین آئل ریفائنری اور پیٹرو کیمیکل کمپلیکس پر بریف کیا جائے گا۔

بعد ازاں وزیرِ اعظم عمران خان شام کو کراچی پہنچیں گے، جہاں وہ کراچی ٹرانسفارمیشن کمیٹی کے اجلاس کی صدارت کریں گے، کمیٹی وزیر اعظم کو منصوبوں پر عمل درآمد سے متعلق بریفنگ دے گی۔

یہ بھی پڑھیں:  پاک سعودی عرب مفاہمتی یاد داشتوں اور معاہدوں پر دستخط کی پروقار تقریب

ذرائع کے مطابق وزیر اعظم عمران خان 30 مارچ کو گھوٹکی میں جلسے سے خطاب کریں گے، اور اتحادی جماعتوں کے رہنماؤں سے بھی ملاقاتیں کریں گے۔

خیال رہے کہ پاکستان اور سعودی عرب گوادر پورٹ پر گیارہ بلین ڈالرز پر مبنی آئل ریفائنری اور پیٹرو کیمیکل کمپلیس کی تعمیر پر جوائنٹ ورکنگ گروپ کے قیام پر اتفاق کر چکے ہیں۔