ARYNews.tv | Urdu – Har Lamha Bakhabar

Tag: آئمہ بیگ

  • آئمہ بیگ آٹو ٹیون گلوکارہ، سارہ رضا خان نے نیا پنڈورا باکس کھول دیا

    آئمہ بیگ آٹو ٹیون گلوکارہ، سارہ رضا خان نے نیا پنڈورا باکس کھول دیا

    آئمہ بیگ اور مہوش حیات کی گلوکاری کی صلاحیتوں کو معروف گلوکارہ سارہ رضا خان نے تنقید کا نشانہ بناتے ہوئے کہا کہ یہ آٹوٹیون پر بہت زیادہ انحصار کرتی ہے۔

    حال ہی میں ایک نجی ٹی وی چینل پر بات کرتے ہوئے معروف گلوکارہ سارہ رضا خان نے گلوکاروں اور اداکاروں کی آواز کی صلاحیتوں پر اظہار خیال کیا۔

    اُن سے شو کے دوران سوال ہوا کہ کیا انہوں نے کبھی کسی کی ناقص گائیکی کو سراہنے کا ڈرامہ کیا ہے اور کن کن ہم عصر گلوکاروں کو وہ آواز کی کمی سمجھتی ہیں۔

     

    View this post on Instagram

     

    A post shared by Aik News (@aiknewspakistan)

    سارہ کا کہنا تھا کہ وہ براہ راست ان لوگوں کو بتاتی ہیں جن کے پاس آواز کی صلاحیت نہیں ہے کہ وہ موسیقی کے علاوہ دیگر چیزوں پر غور کریں۔

    اُنہوں نے کہا کہ ”اگر ہم آٹو ٹیون کا آپشن ختم کردیں تو آئمہ بیگ گلوکارہ نہیں ہیں جبکہ انڈسٹری میں ایسے بہت سارے نام ہیں جو آٹو ٹیون پر انحصار کرتے ہیں“۔

    انہوں نے کہا کہ ’اگر میں فلم بنانے کی پوزیشن میں ہوتی تو میں مہوش حیات کو آئٹم سانگ کے لیے ضرور رکھ لیتی، مگر میں ان سے کبھی گانے کا نہیں کہتی۔

    مجھ پر تنقید کرنے کیلیے لوگوں کو پیسے دیے گئے، نادیہ خان

    سارہ نے شو کے دوران بھارت میں گزارے ہوئے لمحات کو بھی یاد کرتے ہوئے کہا کہ انہوں نے گانوں کے مقابلوں جیسے سا رے گا ما پا اور سور کھیترا میں حصہ لیا تھا۔

  • آئمہ بیگ نے مداحوں کو عید سے قبل خوش خبری سنا دی

    آئمہ بیگ نے مداحوں کو عید سے قبل خوش خبری سنا دی

    پاکستانی میوزک انڈسٹری کی معروف گلوکارہ آئمہ بیگ نے اپنے مداحوں کو عید سے قبل خوش خبری سنا دی۔

    معروف گلوکارہ آئمہ بیگ نے فوٹو اینڈ ویڈیو شیئرنگ پلیٹ فارم انسٹاگرام پر نئی پوسٹ شیئر کرکے اپنے چاہنے والوں کو خوش خبری سنائی۔

    معروف گلوکار آئمہ بیگ نے انسٹاگرام کی نئی پوسٹ میں عیدالفطر کے موقع پر اپنا نیا گانا ریلیز کرنے کا اعلان کیا ہے۔

     

    View this post on Instagram

     

    A post shared by Aima Baig (@aima_baig_official)

    آئمہ بیگ کی جانب سے مختصر ویڈیو کلپ انسٹاپوسٹ و انسٹا اسٹوری میں شیئر کیا گیا ہے جس کے مطابق نیا گانا ’لانگ ٹائم‘ 11 اپریل کو ریلیز کیا جائے گا۔

    آئمہ بیگ نے اس سے قبل اس گانے کا پوسٹر انسٹاگرام پر شیئر کرتے ہوئے کیپشن میں اپنے جذبات ظاہر کئے تھے۔

    گلوکارہ کا کہنا تھا کہ یہ گانا تیار ہوئے کافی عرصہ ہوگیا ہے مگر اب ایسا محسوس ہوتا ہے کہ اس عید پر 11 اپریل 2024 کو گانا ریلیز کرنے کا مناسب وقت ہے۔

  • آئمہ بیگ نے شہباز شگری سے منگنی ٹوٹنے کی وجہ بتا دی

    آئمہ بیگ نے شہباز شگری سے منگنی ٹوٹنے کی وجہ بتا دی

    پاکستان کی معروف گلوکارہ آئمہ بیگ نے سالوں بعد اداکار شہباز شگری سے بریک اپ کی وجہ بتادی ہے۔

    حال ہی میں پاکستان کی گلوکارہ آئمہ بیگ نے احمد علی بٹ کے پوڈ کاسٹ میں شرکت کی، جہاں انہوں نے اپنے بریک اپ کی وجہ بتائی۔

    آئمہ بیگ نے کہا کہ میرے اور شہباز شگری کے درمیان پہلے سے ہی بہت سے مسائل چل رہے تھے جو لوگ نہیں جانتے ہیں اور میں بھی اس کی تفصیلات میں نہیں جانا چاہتی کیونکہ ان میں کچھ لوگ شامل تھے اور میں اب ان لوگوں کو بےنقاب نہیں کرنا چاہتی۔

    گلوکارہ نے کہا کہ شادی صرف دو لوگوں کے درمیان نہیں بلکہ دو خاندانوں کے درمیان ہوتی ہے اور ہم دونوں کے خاندان بہت اچھے تھے، ان کے درمیان مسائل نہیں تھے لیکن میرے اور شہباز کے درمیان بہت سی چیزیں چل رہی تھیں۔

    آئمہ بیگ نے کہا کہ منگنی توڑنے کا ہمارا باہمی فیصلہ تھا لیکن یہ بنیادی طور پر میرا فیصلہ تھا، ہمارے درمیان چیزیں ٹھیک ہی نہیں ہورہی تھیں، اسی لیے میں نے رشتہ ختم کرنا بہتر سمجھا۔

    گلوکارہ نے کہا کہ جب میں نے سوشل میڈیا پر اس کا اعلان کیا تو لوگوں نے مجھے غلط سمجھا، اس رشتے کے دوسرے شخص (شہباز شگری) کو کسی نے کچھ نہیں کہا اور صرف مجھے بُرا بھلا کہا۔

    پاکستان کی معروف گلوکارہ آئمہ بیگ نے یہ بھی کہا کہ جب میری زندگی میں یہ سب کچھ ہو رہا تھا تو اسے وقت خودکشی کے خیالات آرہے تھے۔

  • ایشیا کپ کی افتتاحی تقریب، آئمہ بیگ ٹرولنگ کی زد میں آ گئیں

    ایشیا کپ کی افتتاحی تقریب، آئمہ بیگ ٹرولنگ کی زد میں آ گئیں

    ایشیا کپ 2023کا آغاز گزشتہ روز ملتان میں پاکستان اور نیپال کے میچ سے ہوا ، جس میں پاکستان نے بڑے مارجن سے نیپال کو شکست دے کر ایونٹ کا فاتحانہ آغاز کیا۔

    میچ سے قبل ہونے والی افتتاحی تقریب میں نیپالی فنکارہ تری شالا اور پاکستانی گلوکارہ آئمہ بیگ نے پرفارم کیا، مگر آئمہ بیگ کی گلوکاری کو شائقین کی جانب سے زیادہ پذیرائی نہ مل سکی۔

    ایونٹ کی افتتاحی تقریب میں آئمہ بیگ نے اپنی آواز کا جادو چلانے کی کوشش کی، مگر سوشل میڈیا صارفین کی جانب سے ان پر ٹرولنگ شروع کردی گئی۔

    افتتاحی تقریب میں نیپال کی تری شالا نے سفید رنگ کا لباس زیب کیا ہوا تھا جن کی شاندار پر فارمنس کو کرکٹ شائقین کی جانب سے خوب پذیرائی مل رہی ہے۔

    سوشل میڈیا صارفین کی جانب سے سماجی رابطے کی ویب سائٹ ’ایکس‘ پر آئمہ بیگ کی گلوکاری کے حوالے سے طنز و مزاح پر مبنی تبصرے کئے جارہے ہیں جن میں سے چند یہ ہیں۔

    https://twitter.com/Rnawaz31888/status/1696816423354413425?ref_src=twsrc%5Etfw%7Ctwcamp%5Etweetembed%7Ctwterm%5E1696816423354413425%7Ctwgr%5E506c1346401863fa3e48d51a4b40a34b484ad783%7Ctwcon%5Es1_c10&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2FRnawaz318882Fstatus2F1696816423354413425widget%3DTweet

  • معروف گلوکارہ آئمہ بیگ کی ٹک ٹاک پر بھی دھوم

    معروف گلوکارہ آئمہ بیگ کی ٹک ٹاک پر بھی دھوم

    پاکستانی گلوکارہ آئمہ بیگ ٹک ٹاک پر سفر کا آغاز کرتے ہی چھاگئیں، 24 گھنٹوں میں ہزاروں مداحوں نے گلوکارہ کو فالو کرلیا۔

    پاکستانی گلوکارہ آئمہ بیگ نے دیگر سوشل میڈیا پلیٹ فارم کے بعد ویڈیو شیئرنگ ایپلی کیشن ٹک ٹاک پر ہزاروں فالوورز بنانے میں کامیاب ہوگئیں۔

    ٹک ٹاک پر گلوکارہ کے تصدیق شدہ اکاؤنٹ کو 24 گھنٹوں میں 8 ہزار 490 مداح فالوو کرچکے ہیں جب کہ آئمہ بیگ نے صرف ایک اکاؤنٹ کو فالو کیا ہے۔

    ٹک ٹاک اکاؤنٹ سے گلوکارہ نے صرف چار ویڈیو اب تک شیئر کی ہیں جس میں پاکستان سپرلیگ 7 کا آفیشل نغمے کا ٹیزر بھی شامل ہے۔

  • ’مذاق نہیں کررہی‘ آئمہ بیگ کا خواب سچ ہوگیا

    ’مذاق نہیں کررہی‘ آئمہ بیگ کا خواب سچ ہوگیا

    پاکستان کی معروف گلوکارہ آئمہ بیگ کو خواب کی خوبصورت تعبیر مل گئی۔

    معروف گلوکارہ آئمہ بیگ نے فوٹو اور ویڈیو شیئرنگ ایپ انسٹاگرام پر ایک فوٹو شیئر کی جسے سویڈش آڈیو اسٹریمنگ اور میڈیا سروس، اسپاٹی فائے کی جانب سے جاری کی گئی ایک فہرست سے لیا گیا ہے۔

    اسپاٹی فائے کی اس فہرست کے مطابق آئمہ بیگ سال 2021 میں پاکستان کی سب سے زیادہ سنی جانے والی مقامی خاتون گلوکارہ ہیں۔

    انہوں نے یہ اسکرین شاٹ شیئر کرتے ہوئے لکھا کہ ’مذاق نہیں کررہی، خواب سچ ہوگیا ہے۔‘

    واضح رہے کہ آڈیو اسٹریمنگ میوزک ویب سائٹ اسپاٹی فائے کو رواں برس میں پاکستان میں متعارف کروایا گیا تھا جس نے اب پاکستان میں سنے جانے والے فنکاروں، گانوں اور پلے لسٹس کی فہرست جاری کی ہے۔

    سال 2021 میں پاکستانی صارفین نے اسپاٹی فائے پرجس فنکار کے گانے زیادہ سنے وہ بھارتی گلوکارارجیت سنگھ ہیں جبکہ اس فہرست میں دوسرا نمبر پاکستانی گلوکارعاطف اسلم کا ہے۔

    یاد رہے کہ آئمہ بیگ متعدد پاکستانی ڈراموں کے ٹائٹل سانگ میں اپنی آواز کا جادو جگا چکی ہیں۔

  • ڈسکو دیوانے کیوں گایا؟ زوہیب حسن کا پی ایس ایل انتظامیہ کے خلاف قانونی چارہ جوئی کا اعلان

    ڈسکو دیوانے کیوں گایا؟ زوہیب حسن کا پی ایس ایل انتظامیہ کے خلاف قانونی چارہ جوئی کا اعلان

    کراچی: پاکستانی پاپ گلوکار زوہیب حسن نے پی ایس ایل 4 کی افتتاحی تقریب میں ان کی بغیر اجازت ’ڈسکو دیوانے‘ گیت گانے پر انتظامیہ کے خلاف قانونی چارہ جوئی کا اعلان کردیا۔

    پی ایس ایل 4 کی افتتاحی تقریب میں گلوکارہ آئمہ بیگ اور موسیقار شجاع حیدر نے ماضی کی مشہور گلوکارہ نازیہ حسن کا گیت ’ڈسکو دیوانے‘ گایا تھا جس پر زوہیب حسن نے قانونی کارروائی کا اعلان کیا۔

    زوہیب حسن نے سماجی رابطے کی ویب سائٹ فیس بک پر پوسٹ شیئر کرتے ہوئے لکھا کہ ’میں حیران ہوں کہ ایک معتبر کرکٹ ایونٹ پی ایس ایل 4 میں مجھ سے پوچھے بغیر ’ڈسکو دیوانے‘ گانے کو پیش کردیا۔

    یاد رہے کہ ڈسکو دیوانے وہ مشہور گانا ہے جسے دنیا بھر میں بھرپور پذیرائی ملی تھی اور متعدد اداکار اس گانے پر پرفارم کرچکے ہیں، کرن جوہر کی فلم اسٹوڈنٹ آف دی ایئر میں بھی اس گانے کو پیش کیا جاچکا ہے جس میں عالیہ بھٹ، ورون دھون اور سدھاتھ ملہوترا نے پرفارم کیا تھا۔

    دبئی میں 14 فروری کو پاکستان سپر لیگ سیزن فور کی افتتاحی تقریب میں کا انعقاد کیا گیا تھا جس میں آئمہ بیگ، شجاع حیدر، جنون گروپ اور فواد خان سمیت دیگر فن کاروں نے شرکت کی تھی۔