Tag: آئندہ عام انتخابات

اسلام آباد : پیپلزپارٹی نے آئندہ عام انتخابات میں وفاق اور صوبوں میں کسی جماعت سے اتحاد نہ کرنے کا فیصلہ کرلیا۔

تفصیلات کے مطابق پیپلزپارٹی نےآئندہ عام انتخابات میں سولو فلائٹ لینے کا فیصلہ کرلیا، ذرائع نے کہا ہے کہ پیپلزپارٹی کسی سیاسی جماعت سے انتخابی اتحاد نہیں کرے گی۔

ذرائع کا کہنا ہے کہ پیپلزپارٹی کا وفاق ،صوبوں میں کسی جماعت سے اتحاد نہیں ہو گا، پیپلزپارٹی الیکشن کے بعد حکومت سازی میں اتحاد پر غور کر سکتی ہے۔

ذرائع نے کہا ہے کہ پیپلزپارٹی وفاق، صوبوں میں سیٹ ایڈجسٹمنٹ کر غور کر سکتی ہے، اے این پی کے ساتھ کے پی اور کراچی میں سیٹ ایڈجسٹمنٹ ہو سکتی یے جبکہ کے پی میں آزاد امیدوار اور پی ٹی آئی سے سیٹ ایڈجسٹمنٹ ہو سکتی ہے۔

پارٹی ذرائع کا کہنا تھا کہ پیپلزپارٹی کا ماضی میں انتخابی اتحاد کا تجربہ خوشگوار نہیں رہا اور ماضی میں انتخابی اتحاد کا خمیازہ الیکشن میں بھگتا ہے اور اتحاد کی صورت پی پی کو الیکشن میں شدید نقصان اٹھانا پڑتا ہے۔

ذرائع کے مطابق انتخابی اتحاد کرنے پر پی پی کا ووٹرز متنفر اور ٹوٹ جاتا ہے، پی پی ووٹر انتخابی اتحاد ہونے پر مشترکہ امیدوار کو ووٹ نہیں دیتا، پنجاب میں ن لیگی ووٹر پی پی کے مشترکہ امیدوار کو ووٹ نہیں دیتا۔

پنجاب میں پی ٹی آئی ووٹر ن لیگ، پی پی کو ووٹ نہیں دے گا، کے پی میں پی ٹی آئی ووٹر جے یو آئی، پی پی کو ووٹ نہیں دے گا۔

اسلام آباد : الیکشن کمیشن نے آئندہ عام انتخابات کے لئے الیکشن مینجمنٹ سسٹم پر الیکشن عملے کی ٹریننگ کا آغاز کردیا، ای ایم ایس پرآپریٹرزکو 14 تا 16 ستمبر تک ٹریننگ دی جائے گی۔

تفصیلات کے مطابق الیکشن کمیشن نے آئندہ عام انتخابات میں نتائج کی وصولی کیلئے الیکشن مینجمنٹ سسٹم تیار کرلیا گیا ہے۔

الیکشن کمیشن نے الیکشن مینجمنٹ سسٹم پر الیکشن عملے کی ٹریننگ کا آغاز کردیا ہے اور ٹریننگ کیلئے تمام صوبائی الیکشن کمشنرز کو بھی مراسلے لکھ دیئے گئے ہیں۔

الیکشن کمیشن کے مطابق ای ایم ایس پرآپریٹرز کو چودہ تا سولہ ستمبر تک ٹریننگ دی جائے گی جبکہ ریجنل ،صوبائی اورضلعی الیکشن کمشنرز کوجولائی میں ٹریننگ دی جاچکی ہے۔

یاد رہے ملک میں عام انتخابات کے سلسلے میں الیکشن کمیشن میں غیر ملکی مبصرین و میڈیا کو مدعو کرنے کی تیاریاں مکمل کر لی گئی ہیں اور غیر ملکی مبصرین اور میڈیا کے لیے ضابطہ اخلاق بھی بنایا جا چکا ہے۔

ذرائع الیکشن کمیشن کے مطابق انتخابی شیڈول جاری ہونے کے ساتھ ہی غیر ملکی مبصرین کو دعوت نامے بھجوا دیے جائیں گے، اس سلسلے میں غیر ملکی مبصرین و میڈیا کو خصوصی سیکیورٹی فیچرز کے کارڈ جاری کیے جائیں گے، جو تیار کیے جا چکے ہیں۔