ARYNews.tv | Urdu – Har Lamha Bakhabar

Tag: آئینی ترمیم

  • برازیل میں صدر مائیکل ٹیمر کے خلاف مظاہرے

    برازیل میں صدر مائیکل ٹیمر کے خلاف مظاہرے

    برا زیلیا: برازیل میں عوامی اخراجات کے حوالے سے مجوزہ آئینی ترمیم کے خلاف عوام سراپا احتجاج ہیں۔

    تفصیلات کےمطابق برازیل کے شہر ساؤ پاؤلو میں ہزاروں افراد سڑکوں پر نکل آئے اور حکومت کے خلاف اپنا احتجاج ریکارڈکرایا۔

    پارلیمنٹ کے ایوان زیریں نے اکتوبر میں ایک آئینی ترمیم کی منظوری دی تھی جس کے تحت ملک کے افراط زر کو کم کرنے کےلیے عوام کے گزشتہ بیس سال کے اخراجات کو بھی ٹیکس کے دائرے میں لایا جائے گا۔

    حکومت کی جانب سے اس آئینی ترمیم کی منظوری پر برازیل کے صدر کو سخت عوامی مخالفت کا سامنا ہے۔اس کے علاوہ صدر ٹیمر کی کابینہ کے کئی اراکین پر کرپشن کے الزامات نے برازیل کی حکومت کو مشکل میں ڈالا ہوا ہے۔

    مزید پڑھیں:جلماروسیف کا برازیل کے صدر پررشوت لینے کاالزام

    یاد رہے کہ اس سے قبل رواں ماہ برازیل کی سابق صدر جلما روسیف کی جانب سے صدر مائیکل ٹیمرپر تعیمراتی کمپنی سے2لاکھ، 95 ہزار ڈالرزرشوت لینے کا الزام عائد کیا گیاتھا۔

    مزید پڑھیں:برازیل کی سابق صدرعہدے سے برطرف

    واضح رہے کہ رواں سال ستمبرمیں برازیل کی سابق صدر جلما روسیف کو سینیٹ نےان کے عہدے سے برطرف کر دیا تھاان پر ملک کے بجٹ کے اعداد وشمار میں ہیرا پھیری کا الزام تھا۔

  • سینیٹ الیکشن کے بعد ہارس ٹریڈنگ کی صدائیں بلند

    سینیٹ الیکشن کے بعد ہارس ٹریڈنگ کی صدائیں بلند

    اسلام آباد: انتخابات میں ایسی ہارس ٹریڈنگ ہوئی کہ لوگ چپ نہ رہ سکے،کہیں کسی نے مک مکا کا الزام لگا یا تو کہیں کسی کو سات ووٹ غائب ہونےپر حیرت تھی۔

    سینیٹ انتخابات کے معرکہ میں ہارس ٹریڈنگ کی حوصلہ شکنی کے لئے سب ہی متحد تھے، لیکن الیکشن کے بعد ہارس ٹریڈنگ کی صدائیں شروع ہوگئی۔

    مسلم لیگ فنکشنل کے رہنما شہریار مہر کا کہنا تھا کہ ہارس ٹریڈنگ بھرپور طریقے سے ہوئی۔

     پیپلز پارٹی کے رہنما ندیم افضل چن کا کہنا تھا کہ آٹھ ووٹ تھے پھر ستائیس کیسے پڑے،ان کا کہنا تھامسلم لیگ ن اور پی ٹی آئی نے مک مکا کیا ہے۔

    مسلم لیگ ن کے رہنما مشاہد اللہ نے بھی تصدیق کی کہ پیپلز پارٹی کے امیدوار کو بیس کے بجائے ستائیس ووٹ ملے۔

    لیگی رہنما راجہ ظفر الحق نے ووٹ ٹوٹنے کو غلطی قرار دیا،کچھ بھی ہو ملک میں ہرالیکشن کے بعد دھاندلی کا شور ضرور ہوتاہے۔

  • سینیٹ الیکشن کےغیرحتمی نتائج، سندھ میں پیپلزپارٹی اور ایم کیوایم کا کلین سوئپ

    سینیٹ الیکشن کےغیرحتمی نتائج، سندھ میں پیپلزپارٹی اور ایم کیوایم کا کلین سوئپ

    اسلام آباد: پیپلزپارٹی اوراس کی اتحادی جماعت ایم کیوایم نے سندھ میں کلین سوئپ کرکےن لیگ اور فنکشنل لیگ کو اپ سیٹ کردیا۔

    سندھ میں ن لیگ اورفنکشنل لیگ کو اپ سیٹ کا سامنا کرنا پڑگیا، پیپلزپارٹی اور اتحادیوں نے کلین سوئپ کردیا۔

    جنرل نشستوں پر پیپلزپارٹی کے پانچوں امید وار کامیاب ہوگئے،جن میں شامل ہیں اسلام الدین شیخ، رحمان ملک عبداللطیف انصاری، سلیم مانڈوی والااور انجنیئر گیان چند کامیاب ہوئے، جبکہ دو نشستوں پرایم کیوایم کے امید وارمیاں عتیق اور خوش بخت شجاعت کامیاب ہوئے۔

    دونوں جماعتوں کے دو دو سینیٹر بیرسٹر سیف ،نگہت مرزا اور فاروق ایچ نائیک اور سسی پلیجو پہلے ہی بلامقابلہ ہی منتخب ہوچکے ہیں۔

    فنکشنل لیگ کے امام الدین شوقین جنہیں ن لیگ کی بھی حمایت حاصل تھی صرف تیرہ ووٹ ہی حاصل کرپائے جب کہ پارٹی پوزیشن کے مطابق انہین اٹھارہ ووٹ ملناتھے،یعنی کہ پانچ ارکان سندھ اسمبلی نے اپنی ہی جماعت کےامیدواروں کوووٹ نہیں دیا۔

  • سینیٹ الیکشن: پیپلزپارٹی نے آئینی ترمیم کی مخالفت کردی

    سینیٹ الیکشن: پیپلزپارٹی نے آئینی ترمیم کی مخالفت کردی

    اسلام آباد:حکومت کو پیپلزپارٹی کا جواب مل گیا، پیپلز پارٹی نے سینٹ الیکشن کے لئے آئینی ترمیم کی مخالفت کردی۔

    تفصیلات کےمطابق پاکستان کے سابق وزیراعظم اور پاکستان پیپلز پارٹی کے مرکزی رہنما راجا پرویزاشرف نےکہاہے کہ سینیٹ الیکشن کیلئے پیپلزپارٹی آئینی ترمیم کی کسی صورت حمایت نہیں کریگی۔

    ان خیالات کا اظہار انہوں نے اے آر وائی نیوز سے خصوصی گفتگو کرتے ہوئے کیا، انہوں نے کہا کہ ایک ملک میں دو قوانین نہیں ہو سکتے،عوام خفیہ اور ایم پی اے اوپن ووٹ کیوں دیں؟

    سابق وزیر اعظم کا کہنا تھا کہ  ذاتی مفاد کے لئے کوئی ترمیم عوام قبول نہیں کریں گے۔ انہوں نے پاکستان تحریک انصاف کو کڑی تنقید کا نشانہ بناتے ہوئے کہا کہ اس جماعت کے اصول کہاں گئے؟ پی ٹی آئی بھی حکومت کی ہمنوا بن گئی ہے۔

    ایک سوال کے جواب میں راجا پرویزاشرف نے کہا کہ ائین کوئی موم کی ناک نہیں کہ  جسے جب چاہے مروڑدیا جائے۔ پیپلز پارٹی ہر صورت آئین کا دفاع کریگی۔