بنوں میں فتنہ الخوارج کے حملے میں پاک فوج، ایف سی کے 6 اہلکار شہید ہوگئے، فورسز کی جوابی کارروائی میں 5 خوارج ہلاک ہوئے۔
آئی ایس پی آر نے جاری بیان میں بتایا کہ بنوں میں فتنہ الخوارج کے دہشت گردوں نے ایف سی ہیڈ کوارٹر پر حملہ کیا، سیکیورٹی فورسزکی موثر کارروائی میں 5 خوارج ہلاک ہوئے، پاک فوج اور ایف سی کے 6 اہلکاروں نے بہادری سے لڑتے ہوئے جام شہادت نوش کیا۔
یہ بھی پڑھیں: بنوں میں دہشتگردوں کا تھانے پر بڑا حملہ ناکام، حملہ آور گرفتار
جاری بیان میں آئی ایس پی آر نے بتایا کہ فتنہ الہندوستان کے خوارج کی ایف سی ہیڈ کوارٹر میں داخلے کی کوشش ناکام بنا دی گئی۔
آئی ایس پی آر نے بتایا کہ خوارجیوں نے بارود سے بھری گاڑی عمارت کی بیرونی دیوار سے ٹکرادی، خودکش دھماکے میں 3 شہری زخمی ہوئے۔
علاقے میں ممکنہ دہشت گردوں کی موجودگی پر کلیئرنس آپریشن جاری ہے، سہولت کاروں کو قانون کے کٹہرے میں لایا جائےگا، فورسز بھارتی پشت پناہی میں دہشت گردی کے خاتمے کیلئے پُرعزم ہیں۔
https://urdu.arynews.tv/quetta-blast-near-akhtar-mengal-car/
