Tag: آئی ایس پی آر

راولپنڈی: پاک فوج کی ایئرڈیفنس کی صلاحیتوں میں نیا اضافہ ہوا ہے، آرمی ایئرڈیفنس نے کراچی کے قریب فائر پاور کا مظاہرہ کیا، آرمی چیف نے مبارک باد پیش کی۔

پاک فوج کے شعبہ تعلقات عامہ (آئی ایس پی آر) کے مطابق آرمی ایئرڈیفنس نے کراچی کے قریب فائر پاور کا مظاہرہ کیا، ایئرڈیفنس نے البیضا 2019 مشقوں کے دوران اپنے ہتھیاروں کا مظاہرہ کیا۔

آئی ایس پی آر کے مطابق آرمی چیف جنرل قمر جاوید باجوہ نے فائرپاور کا مظاہرہ دیکھا، پاک فضائیہ کے سربراہ نے بھی مشقوں کا معائنہ کیا۔

مشقوں کے دوران پہلی بار ایل وائی 80 سسٹم کو جانچا گیا، آرمی چیف نے آرمی ایئرڈیفنس کو کامیاب فائر پاور پر مبارک باد دیتے ہوئے کہا کہ ایل وائی 80 سسٹم سے ایئرڈیفنس صلاحیتوں میں نمایاں اضافہ ہوا ہے۔

COAS and Air Chief witnessed display of firepower capability by Pak Army Air Defence including fire of recently inducted Long Range weapon system LY-80. LY-80 has realized the concept of a comprehensive, layered and integrated air defence with enhanced lethality. (1 of 2). pic.twitter.com/Nqs0bOAwOe

— Maj Gen Asif Ghafoor (@OfficialDGISPR) January 10, 2019

آرمی چیف جنرل قمر جاوید باجوہ نے کہا کہ ایل وائی 80 سسٹم قومی سطح پر دفاعی صلاحیتوں کو مزید تقویت دے گا، پاک فضائیہ   سربراہ نے بھی ایل وائی 80 سسٹم کی شمولیت پر پاک فوج کو مبارکباد پیش کی۔

آئی ایس پی آر کے مطابق اس موقع پر کور کمانڈر کراچی، کمانڈر آرمی ایئرڈیفنس کمانڈو ودیگر اعلیٰ عسکری حکام بھی موجود تھے۔

مزید پڑھیں: پروفیشنل اور تربیت یافتہ فوج امن کی ضمانت ہے، آرمی چیف

واضح رہے کہ گزشتہ روز آرمی چیف نے بہاولپور کور کے زیر اہتمام سرمائی تربیتی مشقوں کا جائزہ لیا تھا، جنرل قمر جاوید باجوہ کا کہنا تھا کہ پاکستان امن پسند ملک ہے، پاکستان بابائے قوم کے وژن کے تحت امن چاہتا ہے۔

تھرپارکر: صوبہ سندھ کے ضلع تھرپارکر میں پاک فوج نے تین روزہ فری میڈیکل کیمپ کا اہتمام کیا جس میں سیکڑوں مریضوں کو طبی سہولیات فراہم کی گئیں۔

آئی ایس پی آر کے مطابق پاک فوج سندھ کے نہایت پس ماندہ علاقے تھر میں لوگوں کو صحت کی سہولیات فراہم کرنے پہنچ گئی، اس سلسلے میں ایک مفت طبی کیمپ لگایا گیا۔

آئی ایس پی آر نے بتایا کہ آرمی کے ڈاکٹروں اور اسٹاف نے 1700 سے زائد مریضوں کو علاج معالجے کی سہولیات فراہم کیں۔

آئی ایس پی آر کے مطابق مفت طبی کیمپ میں ناک، کان، گلہ، دانتوں کے ڈاکٹروں اور دیگر امراض کے ماہرین نے تھر کے غریب مریضوں کا معائنہ کیا۔

پاک فوج کے شعبۂ تعلقاتِ عامہ کے اعلامیے کے مطابق میڈیکل کیمپ میں زچہ بچہ کے ڈاکٹر بھی موجود تھے۔

واضح رہے کہ گیارہ دن قبل چیف جسٹس ثاقب نثار نے صحرائے تھر میں 400 سے زائد بچوں کی ہلاکت سے متعلق از خود نوٹس کی سماعت کی، تھر کے سیشن جج نے اپنی رپورٹ میں بتایا کہ تھر میں ڈاکٹرز اپنے فرائض سے غفلت برت رہے ہیں، ایڈووکیٹ جنرل سندھ نے بتایا کہ اسپتالوں میں 150 سے زائد ڈاکٹرز کی کمی ہے، زیادہ معاوضے کے با وجود ڈاکٹرز تھر میں کام کرنے کے لیے تیار نہیں ہیں۔

اسلام آباد: آرمی چیف جنرل قمر جاوید باجوہ نے وفاقی دار الحکومت میں واقع ماڑی پیٹرولیم کمپنی کے مرکزی دفتر کا دورہ کیا۔

پاک فوج کے شعبہ تعلقات عامہ (آئی ایس پی آر) کے اعلامیے کے مطابق آرمی چیف جنرل قمر جاوید باجوہ نے ماڑی پیٹرولیم کمپنی کے مرکزی دفتر کا دورہ کیا جہاں کمپنی کے ایم ڈی لیفٹیننٹ جنرل (ر) اشفاق ندیم نے ان کا استقبال کیا۔

آئی ایس پی آر کے اعلامیے میں کہا گیا ہے کہ آرمی چیف کو کمپنی انتظامیہ نے کارکردگی سے آگاہ کیا۔

آئی ایس پی آر کے مطابق آرمی چیف جنرل قمر جاوید باجوہ نے ملکی معیشت میں کمپنی کے کردار کی تعریف کی، اور تعلیم و صحت کے شعبہ جات میں کمپنی کے منصوبوں کو بھی سراہا۔

یہ بھی پڑھیں:  لائن آف کنٹرول : پاک فوج نے ایک اور بھارتی جاسوس ڈرون مار گرایا

خیال رہے کہ ماڑی پیٹرولیم کمپنی لمیٹڈ روزانہ ایک لاکھ بیرل تیل کی پیدوار کر رہی ہے۔

راولپنڈی: پاک فوج کے ترجمان میجر جنرل آصف غفور نے کہا ہے کہ 2019 انشاء اللہ پاکستان کی ترقی کا سال ہوگا۔

تفصیلات کے مطابق ڈی جی آئی ایس پی آر میجر جنرل آصف غفور نے سماجی رابطوں کی ویب سائٹ ٹویٹر پر افواج پاکستان کی جانب سے نئے سال پر یک جہتی کا پیغام جاری کیا ہے۔

ڈی جی آئی ایس پی آر نے کہا پُر امن، متحرک اور آگے بڑھتا ہوا پاکستان ہمارا قومی عزم ہے۔

In our national pursuit for a peaceful, prosperous & vibrant Pakistan, 2019 is year of progress. United we shall consolidate our successes,IA. May Allah continues His blessings upon us. Amen.
Salute to resilient Pakistanis & Martyrs.
🇵🇰#YearOfProgress2019#ہمیں_آگے_ہی_جانا_ہے pic.twitter.com/RkcHvfwr9m

— Maj Gen Asif Ghafoor (@OfficialDGISPR) December 31, 2018

میجر جنرل آصف غفور نے ٹویٹ میں لکھا ’دعا ہے اللہ تعالیٰ پاکستان پر رحمتیں جاری رکھے،آمین۔‘

آئی ایس پی آر کے ڈائریکٹر جنرل نے مزید کہا کہ متحد ہو کر ہی ہم اپنی کام یابیوں کو دوام دے سکتے ہیں۔

ڈی جی آئی ایس پی آر نے پُر عزم پاکستانیوں اور شہدا کو سلام بھی پیش کیا۔