Tag: آئی ایس پی آر

راولپنڈی: ڈی جی خان میں سیکیورٹی فورسز کی کامیاب کارروائی کے نتیجے میں ایک دہشت گرد ہلاک اور ایک زخمی ہوگیا۔

پاک فوج کے شعبہ تعلقات عامہ (آئی ایس پی آر) کے مطابق ڈی جی خان میں سیکیورٹی فورسز سے فائرنگ کے تبادلے میں ایک دہشت گرد ہلاک اور ایک زخمی ہوگیا، دہشت گردوں نے گشت کرنے والی رینجرز کی ٹیم پر فائرنگ کی۔

آئی ایس پی آر کے مطابق دہشت گردوں کی فائرنگ سے کرنل ایوب اور سپاہی ریحان زخمی ہوئے۔

دوسری جانب ضلع باجوڑ میں تباہی کا بڑا منصوبہ ناکام بنادیا گیا، حساس ادارے کی اطلاع پر سیکیورٹی فورسز نے تحصیل لوئی ماموند کے گاؤں امانتہ میں ایک خشک دریا کے قریب زیر زمین چھپایا گیا اسلحہ و گولہ بارود برآمد کرکے علاقے کو بڑی تباہی سے بچالیا۔

برآمد ہونے والے اسلحہ میں راکٹ کے گولے، ہینڈ گرنیڈ، میزائل، آئی ڈیز، سفیلہ گن، کارتوس، بم بنانے کے سامان اور میگزین کے علاوہ بارودی سامان شامل ہیں۔

واضح رہے کہ ستمبر میں قلات میں سیکیورٹی فورسز کے آپریشن میں 4 دہشت گرد مارے گئے تھے جبکہ دو جوان شہید ہوگئے تھے۔

دہشت گردوں کے قبضے سے 2 خودکش جیکٹس، دھماکا خیز مواد اور اسلحہ برآمد کیا گیا تھا۔

راولپنڈی: آرمی چیف جنرل قمر جاوید باجوہ نے کہا ہے کہ دہشت گردی اور انتہا پسندی کے خاتمے کے لیے پرعزم ہیں۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے کہا ہے کہ مادر وطن سے دہشت گردی و عسکریت پسندی کو جڑ سے اکھاڑنے کا تہیہ کیے ہوئے ہیں۔

آئی ایس پی آر کے مطابق آرمی چیف نے کراچی میں دہشت گرد حملے میں شہید اہلکاروں کو خراج عقیدت پیش کرتے ہوئے کہا کہ رینجرز، پولیس دیگر قانون نافذ کرنے والے اداروں کا ردعمل بہترین تھا۔

COAS hails great sacrifice of policemen embraced shahadat at Karachi today while fighting against terrorists. “Pakistan Rangers Sindh, Police and other LEAs responded with professional excellence. We stay determined to root out terrorism and militancy from our motherland”, COAS. pic.twitter.com/Vs1J0sFiVx

— Maj Gen Asif Ghafoor (@OfficialDGISPR) November 23, 2018

یہ پڑھیں: دہشت گردی کو روکنے میں پولیس کا نمایاں کردار سامنے آیا ہے، ڈی جی آئی ایس پی آر

قبل ازیں ڈی جی آئی ایس پی آر میجر جنرل آصف غفور نے کہا تھا کہ چینی قونصلیٹ پر دہشت گردوں کا حملہ ناکام بنانے پر پولیس اور شہداء کو سلام پیش کرتے ہیں۔

ڈی جی آئی ایس پی آر کا کہنا تھا کہ پولیس کا کسی واقعے میں فوری ردعمل وقت کے ساتھ بہت بہتر ہوا ہے، دہشت گردی کو روکنے میں پولیس کا نمایاں کردار سامنے آیا ہے۔

واضح رہے کہ دہشت گردوں نے آج صبح سوا نو بجے کے قریب کراچی میں چینی قونصل خانے پر حملہ کیا، جسے پولیس اور رینجرز نے ناکام بنادیا تھا، کارروائی کے دوران 3 دہشت گرد ہلاک جبکہ 2 اہلکار شہید ہوئے تھے۔

فورسز کے فوری ایکشن کی وجہ سے دہشت گرد احاطے میں ہی محصور رہے اور عمارت کے اندر داخل نہیں ہوسکے، کارروائی کے دوران تین دہشت گرد باہر احاطے میں ہی مارے گئے جن سے بھاری اسلحہ اور خودکش جیکٹس برآمد ہوئے۔

اسلام آباد: پاک فوج کے شعبۂ تعلقاتِ عامہ کا کہنا ہے کہ آرمی چیف جنرل قمر جاوید باجوہ نے لائن آف کنٹرول کا دورہ کیا، انھوں نے کہا کہ پاک فوج مادرِ وطن کے دفاع کے لیے ہر وقت تیار ہے۔

آئی ایس پی آر کے مطابق آرمی چیف کو بھارتی سیز فائر کی خلاف ورزیوں اور پاکستان کی طرف سے جوابی کارروائیوں سے آگاہ کیا گیا، آرمی چیف نے کہا کہ بھارتی عسکری قیادت کو پاک فوج کی صلاحیت کا اندازہ ہو جانا چاہیے۔

[bs-quote quote=”بہتر ہوگا بھارت اپنے وسائل امن و ترقی کے لیے استعمال کرے۔” style=”style-7″ align=”left” color=”#dd3333″ author_name=”آرمی چیف”][/bs-quote]

انھوں نے کہا ’پاک فوج جنگی صورتِ حال سے نمٹنے کی بہترین صلاحیت کی حامل ہے، پاک فوج کی صلاحیت کو مدِ نظر رکھ کر بھارت کو مذاکرات کا راستہ اپنانا چاہیے۔‘

آرمی چیف کا کہنا تھا کہ بھارت کی جانب سے سیز فائر کی خلاف ورزیوں میں اضافہ ہوا ہے، بھارتی عسکری قیادت کی جانب سے جارحانہ بیانات بڑھے ہیں، بہتر ہوگا بھارت اپنے وسائل امن و ترقی کے لیے استعمال کرے۔

آئی ایس پی آر کے مطابق دورے کے موقع پر انھیں جنرل آفیسر کمانڈنگ نے ایل او سی کی صورتِ حال پر بریفنگ دی۔

یہ بھی پڑھیں:  اب ہائبرڈ تنازعے کا چیلنج درپیش ہے، پروپیگنڈے سے عوام کو تقسیم کیا جارہا ہے: آرمی چیف

آرمی چیف جنرل قمر جاوید باجوہ نے بھارتی فورسز کی کارروائیوں سے متاثرہ کشمیریوں کے عزم کی بھی تعریف کی کہا کہ ایل او سی پر مقیم کشمیریوں کی جرأت قابلِ دید ہے۔

آئی ایس پی آر نے بتایا کہ پاک فوج کے سربراہ نے فوجی جوانوں سے ملاقات کی اور ان کے مورال کو بھی سراہا۔