راولپنڈی: شمالی وزیرستان کے علاقے شوال میں پاکستانی پوسٹ پر حملہ ہوا ہے، جس میں پانچ دہشت گرد ہلاک اور تین جوان شہید ہوگئے۔
پاک فوج کے شعبہ برائے تعلقات عامہ (آئی ایس پی آر) کے مطابق پاک افغان سرحد پر پاکستانی چوکیوں کو نشانہ بنایا گیا ہے۔
ان دہشت گرد حملے میں فائرنگ کے تبادلے میں تین اہلکار شہید ہوگئے، دہشت گردوں کی فائرنگ سے حوالدار افتخار، سپاہی آفتاب اور سپاہی عثمان شہید نے جام شہادت نوش کیا۔
آئی ایس پی آر کے مطابق سرحد پر قائم پاکستانی چیک پوسٹوں پر دہشت گردوں نے کئی حملے کئے، سیکیورٹی فورسزنے جرات و مہارت کا مظاہرہ کرتے ہوئے دہشت گردوں کے حملے بہادری سے ناکام بنائے۔ سیکیورٹی فورسزکی جوابی فائرنگ سے پانچ دہشت گرد مارے گئے۔
واضح رہے کہ گذشتہ دنوں آرمی چیف جنرل قمر جاوید باجوہ نے افغان صدر کی دعوت پر کابل کا دورہ کیا تھا، اس موقع پر آرمی چیف نے واضح کیا کہ پاک افغان سرحد پر باڑ دہشت گردوں کی آمد روکنے کے لئے ہے، پاکستان افغانستان میں دیرپا امن کا خواہاں ہے۔
یاد رہے کہ گذشتہ روز افغان صوبے کنٹر میں ہونے والے امریکی ڈرون حملے میں کالعدم ٹی ٹی پی کے سربراہ ملا فضل اللہ کی ہلاکت کی خبر آئی تھی، جس کی بعد میں تصدیق ہوگئی۔
ایسے پاکستان کے حامی ہیں، جہاں قانون کی حکمرانی ہو: آرمی چیف
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
