ARYNews.tv | Urdu – Har Lamha Bakhabar

Tag: آئی ایس پی آر

  • بھارتی جارحیت کا منہ توڑجواب دیا جائے گا: آرمی چیف

    بھارتی جارحیت کا منہ توڑجواب دیا جائے گا: آرمی چیف

    اسلام آباد: آرمی چیف جنرل قمر جاوید باجوہ نے ایل اوسی اور ورکنگ باؤنڈری کا دورہ کیا، جہاں انھوں نے افسران اور جوانوں سے ملاقاتیں کیں۔

    پاک فوج کے شعبہ تعلقات عامہ (آئی ایس پی آر) کے مطابق آرمی چیف نے ایل او سی اور ورکنگ باؤنڈری کا دورہ کیا، جہاں‌ انھیں‌ مقامی کمانڈرز نے بھارت کی جانب سے جنگ بندی کی خلاف ورزیوں سے آگاہ کیا۔ اس موقع پر جنرل قمر جاوید باجوہ کو بھارتی فورسز کی جانب سے شہری آبادی کو نشانہ بنانےکے  واقعات پر بریفنگ بھی دی گئی.

    آئی ایس پی آر کے مطابق آرمی چیف نے جوانوں اور شہریوں کے بلند حوصلے کو سراہا اور بھارتی شرانگیزی پرمؤثر جواب کی تعریف کی.

    آرمی چیف نے بھارتی جارحیت کے خلاف مقامی آبادی کےعزم وحوصلےکو سراہتے ہوئے کہا کہ بھارتی جارحیت یا مہم جوئی کامنہ توڑجواب دیا جائے گا، 2003ء کے سیز فائر معاہدے کی پاسداری کو ہماری محدود جوابی صلاحیت نہ سمجھاجائے۔

    آرمی چیف کی جانب سے سول آبادی کے تحفظ کے لیے مؤثر اقدامات کی بھی ہدایت کی گئی۔ اس موقع پر آرمی چیف نے سی ایم ایچ سیالکوٹ کا بھی دورہ کیا اور بھارتی فوج کی فائرنگ سےزخمی افرادکی عیادت کی۔

    ایل او سی پر بھارتی اشتعال انگیزی، فائرنگ سے تین فوجی شہید: آئی ایس پی آر

    یاد رہے کہ ایل او سی پر بھارتی جارحیت معمول بن گئی ہے۔ گذشتہ روز بھی بھارت نے سیزفائر کی خلاف ورزی کرتے ہوئے نکیال سیکٹرپربلا اشتعال فائرنگ کی تھی، جس کے نتیجے میں خاتون سمیت دو افراد شہید ہوگئے تھے. یہ گذشتہ ہفتے میں سیز فائر کی خلاف ورزی کا چوتھا واقعہ تھا.

    واقعے کے بعد دفتر خارجہ نے بھارتی ڈپٹی کمشنرجے پی سنگھ کو طلب کرکے ایل او سی پر بھارتی فوج کی فائرنگ سے خاتون سمیت 2 شہریوں کی شہادت پراحتجاج ریکارڈ کرایا تھا.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • رینجرز کا ڈیرہ غازی خان میں آپریشن‘ 2 دہشت گرد ہلاک‘ آئی ایس پی آر

    رینجرز کا ڈیرہ غازی خان میں آپریشن‘ 2 دہشت گرد ہلاک‘ آئی ایس پی آر

    راولپنڈی : صوبہ پنجاب کے شہرڈیرہ غازی خان میں پنجاب رینجرز نے آپریشن کے دوران کالعدم تنظیم کے دو دہشت گردوں کو ہلاک کردیا۔

    تفصیلات کے مطابق پنجاب کے شہر ڈیرہ غازی خان میں رینجرز نے کارروائی کے دوران کالعدم تنظیم سے تعلق رکھنے والے 2 دہشت گردوں کو ہلاک کردیا۔

    پاک فوج کے شعبہ تعلقات عامہ آئی ایس پی آر کے مطابق ہلاک دونوں دہشت گردوں کا تعلق کالعدم جماعت سے تھا، ہلاک دہشت گرد اغوا اور فورسز پرحملوں میں ملوث تھے۔

    ایف سی بلوچستان کا آپریشن: مشتبہ افراد گرفتار، اسلحے کی کھیپ برآمد

    خیال رہے کہ رواں ماہ 8 جنوری کو ایف سی بلوچستان نے مستونگ اور ڈھاڈر میں آپریشن کرتے ہوئے مشتبہ افراد کو گرفتار کرتے ہوئے اسلحے کی بڑی کھیپ برآمد کی تھی۔

    ایف سی نےبلوچستان میں دہشت گردی کا بڑا منصوبہ ناکام بنادیا

    یاد رہے کہ گزشتہ سال 7 اکتوبرکو صوبہ بلوچستان کے مختلف علاقوں میں ایف سی نے کارروائیوں کے دوران 1300 کلو گرام دھماکہ خیز مواد اوربھاری مقدار میں اسلحہ برآمد کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • آپریشن ردالفساد: تین افغان باشندوں سمیت 8 دہشت گرد گرفتار، اسلحہ برآمد

    آپریشن ردالفساد: تین افغان باشندوں سمیت 8 دہشت گرد گرفتار، اسلحہ برآمد

    راولپنڈی: سیکیورٹی فورسز نے لاہور اور ڈی جی خان سے تین افغان باشندوں سمیت 8 دہشت گرد گرفتار کرلیے، دہشت گردوں سے اسلحہ اور دھماکا خیزمواد برآمد کرلیا گیا۔

    تفصیلات کے مطابق ملک بھر میں آپریشن ردالفساد کامیابی سے جاری ہے، پنجاب رینجرز، پولیس اورانٹیلی جنس اداروں نے مختلف علاقوں میں کارروائیاں کرکے لاہور اور ڈی جی خان سے تین افغان باشندوں سمیت8دہشت گرد گرفتار کر کے ان کے قبضے سے اسلحہ اور دھماکا خیز مواد برآمد کرلیا۔

    پاک فوج کے شعبہ تعلقات عامہ آئی ایس پی آر کے مطابق دہشت گردوں سے ڈیٹو نیٹرز اور دیسی ساختہ بارودی سرنگیں بھی برآمد کی گئیں ہیں۔

    گرفتار ملزمان سے مزید تفتیش کے لیے انہیں متعلقہ تھانے منتقل کردیا گیا ہے۔ واضح رہے کہ پاک فوج کی جانب سے ملک بھر میں جاری آپریشن ردالفساد کا مقصد ملک سے دہشت گردوں اُن کے سہولت کاروں اور غیر قانونی اسلحے کا خاتمہ کرنا ہے۔

    مزید پڑھیں: بلوچستان، سیکیورٹی فورسزکے قافلے پرحملہ، کرنل سمیت تین اہلکارشہید

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • آرمی چیف اور وزیراعظم کا ایس ایس جی ہیڈ کوارٹرز کا دورہ

    آرمی چیف اور وزیراعظم کا ایس ایس جی ہیڈ کوارٹرز کا دورہ

    راولپنڈی : وزیراعظم شاہد خاقان عباسی اور آرمی چیف جنرل قمرجاوید نے اسپیشل سروس گروپ (ایس ایس جی) ہیڈ کوارٹرز چراٹ کا دورہ کیا اور یاد گارِ شہداء پر پھول چڑھائے.

    پاک فوج کے شعبہ تعلقات عامہ (آئی ایس پی آر) کے مطابق آرمی چیف قمر باجوہ اور وزیراعظم شاہد خاقان عباسی نے ایس ایس جی ہیڈ کوارٹرز کے دورے پر یادگار شہداء پر پھول چڑھائے اور بعد ازاں انہیں ایس ایس جی کی تنظیمی صلاحتیوں اور کارکردگی پر بریفنگ دی گئی.

    اس موقع پر ایس ایس جی کمانڈوز نے اپنی مہارتوں اور صلاحیتوں کا مظاہرہ بھی کیا جب کہ وزیراعظم نے ایس ایس جی کے ہتھیار کا جائزہ لیتے ہوئے کچھ ہتھیار خود چلائے بھی اور مختلف امور پر جوانوں اور افسران سے گفتگو بھی کی.

    آئی ایس پی آر کے مطابق وزیراعظم شاہد خاقان عباسی نے جوانوں اور افسران سے اپنے خطاب میں دہشت گردی کے خلاف جنگ میں‌ شہداء کی قربانیوں کو خراج تحسین پیش کرتے ہوئے کہا کہ ارض پاک میں بسنے والا ایک ایک شخص اپنے شہداء کا مقروض ہے.

    وزیراعظم شاہد خاقان عباسی نے ایس ایس جی کی صلاحیتوں اور مہارتوں کی تعریف کرتے ہوئے کہا کہ دہشت گردی کے خاتمے کے لیے ایس ایس جی نے اہم کردار ادا کیا ہے جس پر قوم کو فخر ہے.

    آئی ایس پی آر کے مطابق اس موقع پر وزیر دفاع خواجہ آصف اور کور کمانڈر پشاور سمیت دیگر اعلیٰ حکام بھی موجود تھے.

  • ایف سی بلوچستان کا آپریشن: مشتبہ افراد گرفتار، اسلحے کی کھیپ برآمد

    ایف سی بلوچستان کا آپریشن: مشتبہ افراد گرفتار، اسلحے کی کھیپ برآمد

    راولپنڈی: ایف سی بلوچستان نے مستونگ اور ڈھاڈر میں آپریشن کرتے ہوئے مشتبہ افراد کو گرفتار کرتے ہوئے اسلحے کی بڑی کھیپ برآمد کر لی۔

    آئی ایس پی آر کے مطابق ملک بھر میں کامیابی سے جاری آپریشن ردالفساد کے تحت بلوچستان کے علاقے مستونگ اور ڈھاڈر میں‌ بڑی کارروائی کی گئی۔

    ISPR

    ایف سی بلوچستان کے مستونگ اور ڈھاڈرمیں انٹیلی جنس آپریشن میں‌ تین مشتبہ افراد کو گرفتار کرکے اسلحے کی بڑی کھیپ برآمد کی ہے، جس دہشت گردی کے ممکنہ حملے میں استعمال کیا جانا تھا۔

    آئی ایس پی آر کے مطابق اسلحےمیں دستی بم، ڈیٹونیٹرز، دیسی ساختہ بارودی سرنگیں، مواصلاتی آلات برآمد ہوئی ہیں۔

    یہ بھی پڑھیں: بلوچستان میں کارروائی، افغان باشندوں سمیت متعدد گرفتار

    واضح رہے کہ ایف سی بلوچستان نے گذشتہ دونوں‌کارروائی کر کے دہشت گردی کا بڑا منصوبہ ناکام بنایا تھا، کارروائی کے دوران بارودی مواد اور اسلحہ برآمد ہوا تھا، یہ کارروائی زیرحراست ملزمان سے حاصل ہونے والی معلومات کی بنیاد پر کی گئی۔

    یہ بھی پڑھیں: ایف سی بلوچستان کی کارروائی، دہشت گردی کا بڑا منصوبہ ناکام

    قبل ازیں پاک فوج کے آپریشن خوشحال بلوچستان کے تحت صوبے بھر میں کارروائیاں جاری ہیں، سیکیورٹی فورسز نے غیرقانونی طورپر مقیم افغان باشندوں سمیت متعدد مشتبہ افراد کو حراست میں لے لیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • امریکی ایکشن کی صورت عوامی امنگوں کے مطابق جواب دیں گے: ڈی جی آئی ایس پی آر

    امریکی ایکشن کی صورت عوامی امنگوں کے مطابق جواب دیں گے: ڈی جی آئی ایس پی آر

    اسلام آباد: ڈی جی آئی ایس پر آر نے امریکی دھمکیوں کے جواب میں کہا ہے کہ پاکستان نے حقانی نیٹ ورک کے خلاف کارروائیاں کی ہیں، جن کے اثرات وقت آنے پر سامنے آئیں گے، امریکی ایکشن کی صورت میں عوامی امنگوں کےمطابق جواب دیں گے۔

    قبل ازیں ڈی جی آئی ایس پی آر میجر جنرل آصف غفور نے اے آر وائی نیوز کے پروگرام "آف دی ریکارڈ” میں خصوصی گفتگو کرتے ہوئے کہا تھا کہ خطے میں‌ بھارت کا کردار امن کی راہ میں‌ بڑی رکاوٹ ہے، پاکستان اور امریکا میں پیدا ہونے والی غلط فہمیوں‌ کا ایک سبب بھارت بھی ہے۔

    ان کا کہنا تھا کہ پاکستان اور پاک فوج نے کبھی پیسوں کے لئے جنگ نہیں لڑی، حکومت پاکستان کا امریکی بیان پرموقف آچکا ہے، افغانستان میں امریکی خرچ کا ایک فیصد پاکستان میں لگا۔

    یہ بھی پڑھیں: آرمی چیف جنرل باجوہ کا شمالی وزیرستان کا دورہ، سرحدی باڑکا معائنہ کیا

    ڈی جی آئی ایس پی آر کا کہنا تھا کہ افغان جنگ میں امریکا کو کامیاب دیکھنا چاہتے ہیں، افغان جنگ میں کامیابی کے لئے جو ہو سکتا ہے کر رہے ہیں، شروع میں یہ جنگ ہماری نہیں تھی، بعد میں ہوگئی، ہماری فوج نے بغیر کسی بیرونی مدد کے جنگ لڑی۔

    ان کا کہنا تھا کہ کوئی ہماری طرف میلی آنکھ سے نہیں دیکھ سکتا، پاکستان سےزیادہ امن کی خواہش کسی کی نہیں، امریکا کو خطے کی بدلتی صورت حال سمجھنے کی ضرورت ہے، پاکستان اپنی حمیت پر کوئی سمجھوتا نہیں کرے گا، ہمیں کوئی ڈکٹیٹ نہیں کرسکتا۔

      راحیل شریف کی تقرری ریاست کا فیصلہ ہے، میجر جنرل آصف غفور

    انھوں‌ نے کہ بھارت کا کردار امن میں سب سےبڑی رکاوٹ ہے، پاکستان اورامریکا میں غلط فہمیوں میں بھی بھارت کا کردار ہے۔

    ہم اتحادیوں کے ساتھ کام کرنے کے لیے تیار ہیں، مگر پاکستان کی خودداری پر کوئی سمجھوتا نہیں کریں گے۔ ایسے وقت سے گزر رہے ہیں جہاں سرحدوں پرچیلنجز ہیں، قوم کو سیکیورٹی فورسز کے شانہ بشانہ کھڑا ہونا چاہے، تفرقےسے بالاتر قوم بن کرخطرے کا سامنا کیا جائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • آرمی چیف کی زیرصدارت کور کمانڈر کانفرنس: سیکیورٹی صورت حال پر غور

    آرمی چیف کی زیرصدارت کور کمانڈر کانفرنس: سیکیورٹی صورت حال پر غور

    راولپنڈی: آرمی چیف کی زیرصدارت ہونے والی کور کمانڈر کانفرنس میں جیواسٹریٹیجک صورت حال اور داخلی سیکیورٹی پر غور کیا گیا۔

    آئی ایس پی آر کے مطابق جے ایچ کیو میں منعقدہ اس اجلاس میں آج ہونے والے نیشنل سیکیورٹی کمیٹی کے اجلاس سے متعلق مختلف امور پر تبادلہ خیال کیا گیا ہے۔

    واضح رہے کہ امریکی صدر ڈونلڈ ٹرمپ کی پاکستان کو دی جانے والی دھمکی سے متعلق قومی سلامتی کمیٹی کا ہنگامی اجلاس آج ہورہا ہے۔

    امریکی سفیر کی دفتر خارجہ طلبی، ٹرمپ کے بیان پر شدید احتجاج

    وزیر اعظم نے یہ اجلاس بدھ کو طلب کیا تھا، مگر بدلتے حالات کی وجہ سے اب اسے آج طلب کر لیا گیا ہے۔ اجلاس میں وزیردفاع، وزیرخارجہ، چیئرمین جوائنٹ چیف آف اسٹاف کمیٹی، مسلح افواج کے سربراہ اور دیگر اعلیٰ عہدے دار شریک ہوں گے۔

    ٹرمپ کا پاکستان مخالف بیان‘ وفاقی کابینہ کا اجلاس آج ہوگا

    آیس ایس پی آر کے مطابق آرمی چیف کی زیرصدارت کورکمانڈرز کانفرنس میں نیشنل سیکیورٹی کمیٹی کےاجلاس سے تبادلہ خیال اور جیو اسٹریٹیجک صورت حال،داخلی سیکیورٹی معاملات پربات چیت ہوئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • کامیاب سال تمام ہوا، سالِ نو کے نئے چیلینجوں کا مقابلہ کرنے کو تیارہیں، آرمی چیف

    کامیاب سال تمام ہوا، سالِ نو کے نئے چیلینجوں کا مقابلہ کرنے کو تیارہیں، آرمی چیف

    راولپنڈی : چیف آف آرمی اسٹاف جنرل قمر باجوہ نے کہا ہے کہ ایک یادگار سال اختتام پذیر ہوگیا ہے اور سال 2018 انتہائی اہمیت کا حامل ہے جس میں کئی داخلی اور خارجی چیلینجز درپیش ہوں گے۔

    تفصیلات کے مطابق پاک فوج کے تعلقات عامہ کے ادارے (آئی ایس پی آر) کے ڈی جی میجر جنرل آصف غفور نے سماجی رابطے کی ویب سائٹ ٹویٹر پر سپہ سالار پاک فوج قمر باجوہ کے نئے سال سے متعلق بیان کو شائع کیا ہے۔

    اپنے بیان میں آرمی چیف کا کہنا تھا کہ ایک کامیاب سال بیت گیا ہے ایک اور نیا سال نئے اہداف اور مقابلوں کے ساتھ آن پہنچا ہے ، پاک فوج ان اندرونی و بیرونی اور غیر معمولی چیلینجوں کا مقابلہ کرنے کی مکمل صلاحیت رکھتی ہے۔

    انہوں نے کہا کہ پاک فوج مشکلات اور مسائل کو چیلینج کے طور پر لیتی ہے اور انہیں حاصل کرنے کے لیے اپنی تمام تر پیشہ ورانہ مہارت کو بروئے کار لاتے ہوئے ان چیلینجز کو مواقعوں میں تبدیل کرنے کی مکمل صلاحیت رکھتی ہے۔

    آرمی چیف نے مزید کہا کہ کوئی بھی پاکستان کے عزم کو شکست نہیں دے سکتا، ہم نے اہداف کا ایک حصہ طے کر لیا اور انشااللہ باقی کا کام بھی متحد ہو کرسرانجام دیں گے۔

    آرمی چیف جنرل قمر باجوہ نے کہا کہ دنیا کی کوئی بھی طاقت پاکستان کے عزم و حوصلوں کو شکست نہیں دے سکتا اور انشااللہ سال 2018 پاکستان میں دہشت گردی کے خاتمے کا سال ہوگا۔

     

  • کسی بھارتی فوجی نے لائن آف کنٹرول عبورنہیں کی، میجرجنرل آصف غفور

    کسی بھارتی فوجی نے لائن آف کنٹرول عبورنہیں کی، میجرجنرل آصف غفور

    راولپنڈی : پاک فوج کے شعبہ تعلقات عامہ آئی ایس پی آر کے ڈائریکٹر جنرل میجر جنرل آصف غفور نے کہا ہے کہ کسی بھی بھارتی فوجی نے لائن آف کنٹرول عبورنہیں کی، بھارتی میڈیا کا دعویٰ محض اپنے ناظرین کو خوش کرنے کیلئے ہے۔

    یہ بات انہوں نے سماجی رابطے کی ویب سائٹ ٹوئٹر پر اپنے تازہ پیغام میں کہی۔

    تفصیلات کے مطابق کلبھوشن ڈرامے کے بعد بھارتی میڈیا کا ایک اورسفید جھوٹ بے نقاب ہوگیا، انڈین میڈیا نے اپنے پروپیگنڈے میں دعویٰ کیا تھا کہ بھارتی فوجیوں نے لائن آف کنٹرول عبور کرکے پاکستان میں کارروائی کی۔

    جواب میں ڈی جی آئی ایس پی آر نے کہا ہے کہ کسی بھی بھارتی فوجی نے لائن آف کنٹرول عبورنہیں کی، بھارتی میڈیا کا جھوٹ خود کو برتر ثابت کرنے اور اپنے ناظرین کو خوش کرنے کی بھونڈی کوشش ہے، ان کا مزید کہنا تھا کہ انڈین میڈیا کا نیا دعویٰ ان کی شکست کا تسلسل ہے۔

    اس حوالے سے بریگیڈیئر (ر) حارث نواز نے اے آر وائی نیوز سے خصوصی گفتگو کرتے ہوئے کہا کہ بھارتی میڈیا نے واویلا مچایا ہوا ہے، فوجیوں میں اتنی ہمت نہیں کہ پاکستانی سرحد عبور کر سکیں۔

    بھارتی فوج نہتے اور بے گناہ معصوم بچوں اور خواتین پر گولیاں چلاتی ہے، بھارتی فوج نے ایل اوسی پرفائرنگ کرکے بچوں اور عورتوں کو شہید کیا۔

    ان کا مزید کہنا تھا کہ اس سے قبل بھارت پاکستان میں سرجیکل اسٹرائیکل کا جھوٹا دعویٰ بھی کرتا رہاہے، بھارتی میڈیا ایسی خبریں چلا کر اپنے شہریوں کا حوصلہ بڑھانے کی کوشش کرتا ہے۔

    اے آر وائی نیوز سے گفتگو کرتے ہوئے تجزیہ کار طلعت مسعود نے کہا کہ بھارتی میڈیا کےبیانات میں کوئی صداقت نہیں ہوتی، بھارت اس قسم کے دعوے اکثر کرتا رہتا ہے، بھارت اپنے لوگوں کومطمئن کرنے کیلئے ایسےبیانات دیتا ہے۔

    مزید پڑھیں: ایل او سی پر بھارتی اشتعال انگیزی، فائرنگ سے تین فوجی شہید

    یاد رہے کہ گزشتہ روز پاکستان کی جانب سے انسانی جذبہ کے تحت بھارتی جاسوس کلبھوشن یادیو کو اس کی اہلیہ اور والدہ کے ساتھ ملاقات کروانے کے بعد بھارتی میڈیا کو دنیا کے سامنے پاکستان کی نیک نامی ہضم نہیں ہو رہی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • ایل او سی پر بھارتی اشتعال انگیزی، فائرنگ سے تین فوجی شہید: آئی ایس پی آر

    ایل او سی پر بھارتی اشتعال انگیزی، فائرنگ سے تین فوجی شہید: آئی ایس پی آر

    راولپنڈی:‌ بھارتی فوج کی جانب سے ایک بار پھر بین الاقوامی قوانین کی خلاف ورزی کرتے ہوئے ایل اوسی پر بلااشتعال فائرنگ کی گئی، جس میں تین فوجی جوان شہید ہوگئے۔

    آئی ایس پی آر کے مطابق بھارتی فوج نے راولا کو ٹ سیکٹر پر بلااشتعال فائرنگ کی، بھارتی فوج کی فائرنگ سے ایک فوجی جوان شدید زخمی ہوا، جب کہ تین فوجی شہید ہوگئے۔

    یہ بھی پڑھیں: بھارتی دہشت گردکلبھوشن کی اہلیہ اوروالدہ سےملاقات

    یاد رہے کہ یہ افسوس ناک واقعہ اسی روز پیش آیا، جب پاکستان نے انسانی ہمدردی کے تحت بھارتی جاسوس کلبھوشن یادو سے اس کی اہلیہ اور والدہ کی ملاقات کروائی تھی۔

    اس مثبت اقدام کا جواب بھارت کی افسوس ناک اشتعال انگیزی کی صورت میں‌ سامنے آیا، جس میں‌ پاک فوج کے تین جواب شہید ہوگئے۔