ARYNews.tv | Urdu – Har Lamha Bakhabar

Tag: آئی ایس پی آر

  • قومی ترقی کے لیے عزمِ صمیم اوراتحادِ کامل کی ضرورت ہے، آرمی چیف

    قومی ترقی کے لیے عزمِ صمیم اوراتحادِ کامل کی ضرورت ہے، آرمی چیف

    راولپنڈی : آرمی چیف قمر باجوہ نے کہا ہے کہ طویل سفر کے بعد چیلنجز پر قابو پا چکے ہیں تاہم خطرات کے پیش نظر اعلیٰ تربیتی معیار اور آپریشن کی تیاریاں ناگزیر ہیں.

    پاک فوج کے تعلقات عامہ کے شعبے آئی ایس پی آر کے مطابق ان خیالات کا اظہار سربراہ پاک فوج نے منگلا اسٹرائیک کور کے دورے کے موقع پر افسران اور جوانوں سے خطاب کرتے ہوئے کیا.

    آرمی چیف جنرل قمرجاوید باجوہ نے اپنی تقریر کے دوران قائد اعظم کے اقوال کا حوالہ دیتے ہوئے کہا کہ دنیا کی کوئی طاقت پاکستان کے وجود کو ختم نہیں کرسکتی بس ملکی مفاد کیلئے قوم اور اداروں کو مربوط اندازمیں کام کرنا ہوگا جس کے بعد انشااللہ پاکستان جلد اقوام عالم کی صف اول میں شامل ہوگا.

    آرمی چیف نے جوانوں کے بلند عزم،  جواں حوصلے اور اعلیٰ تربیتی معیار کو سراہتے ہوئے کہا کہ مغربی سرحد پر فرائض کے باوجود روایتی خطرے کو نظر انداز نہیں کر سکتے اور ملکی ناقابل تسخیر دفاع کے لیے پیشہ ورانہ مہارت میں اضافے کے لیے ہمہ جہت ٹریننگ اور جدید بنیادوں پر منصوبہ بندی کی اشد ضرورت ہے.

    آئی ایس پی آر کے مطابق آرمی چیف نے اپنے دورے کے دوران منگلا کورمیں جاری مشقوں کامعائنہ کیا اور پیشہ ورانہ مہارت اور سخت ٹریننگ میں مشغول جوانوں اور افسران کے عزم و حوصلے کی تعریف کی اور بالخصوص جوانوں کے حوصلوں کو سراہا اس موقع پر کور کمانڈر لیفٹیننٹ جنرل اظہر صالح نے آرمی چیف کااستقبال کیا جب کہ آئی جی ٹریننگ اینڈ ایولیویشن لیفٹیننٹ جنرل ہدایت الرحمان بھی اُن کے ہمراہ موجود تھے.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • چوکی پرحملہ، پاک فوج کی جوابی کارروائی، 5 دہشت گرد ہلاک،ایک اہلکارشہید

    چوکی پرحملہ، پاک فوج کی جوابی کارروائی، 5 دہشت گرد ہلاک،ایک اہلکارشہید

    راولپنڈی : خیبر ایجنسی میں سرحد پار سے دہشت گردوں کے حملوں میں پانچ دہشت گرد ہلاک جب کہ ایک جوان نے مردانہ وار لڑتے ہوئے جام شہادت نوش کی۔

     تفصیلات کے مطابق خیبرایجنسی میں پاکستانی چوکیوں پر سرحد پار سے دہشت گردوں نے حملہ کردیا جسے پاک فوج کے جوانوں نے دلیرانہ مقابلہ کرتے ناکام بنادیا، دہشت گردوں کو بھاری نقصان اُٹھانا پڑا۔

    پاک فوج کے شعبہ تعلقات عامہ (آئی ایس پی آر) کے مطابق حملہ آوروں نے  افغان سرحدی علاقے سے خیبر ایجنسی میں قائم پاکستانی چیک پوسٹوں پر فائرنگ کی جسے مستعد پاک فوج کے جوانوں نے ناکام بناتے ہوئے 5 دہشت گردوں کو واصل جہنم کیا جب کہ پاک فوج کے ایک جوان نے شہادت کا درجہ حاصل کیا۔

    آئی ایس پی آر کے مطابق دہشت گردوں کے ساتھ مقابلہ کے دوران جام شہادت نوش کرنے والے پاکستانی فوجی اہلکار سپاہی محمد الیاس شہید ہوگئے ہیں جب کہ پاک فوج کی مؤثر اور بروقت کارروائی میں 5 دہشت گرد بھی ہلاک اور 4 زخمی ہوئے ہیں۔

    آئی ایس پی آر کا مزید کہنا تھا کہ دہشت گردوں نے افغان سرحدی علاقوں میں افغانستان حکومت کا کنٹرول نہ ہونے کا فائدہ اٹھائے ہوئے راجگال وادی میں کئی مقامات پر نئی قائم کردہ چوکیوں کو نشانہ بنایا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاک ایران سرحد امن اور دوستی کی سرحد ہے، جنرل قمرجاوید باجوہ

    پاک ایران سرحد امن اور دوستی کی سرحد ہے، جنرل قمرجاوید باجوہ

    راولپنڈی : آرمی چیف جنرل قمرجاوید باجوہ نے کہا ہے کہ پاک ایران سرحد امن اور دوستی کی سرحد ہے، بہتر سیکیورٹی مینجمنٹ سے دہشت گردی سے مؤثر طور پر نمٹا جاسکتا ہے۔

    ان خیالات کا اظہار انہوں نے دورہ ایران کے موقع پر ایران کی سیاسی وعسکری حکام سےملاقات کے دوران کیا، پاک فوج کے شعبہ تعلقات عامہ (آئی ایس پی آر ) کے مطابق آرمی چیف نے ایرانی صدر اور وزیرخارجہ سے ملاقاتیں کی ہیں۔

    ملاقات میں پاکستان اورایران کے درمیان وفود کی سطح پر بات چیت کی گئی، آرمی چیف نے ایرانی قیادت سے ملاقات میں جیو اسٹریٹجک صورتحال پر بھی تبادلہ خیال کیا۔

    آئی ایس پی آر کے مطابق ملاقاتوں میں باہمی تعاون اوررابطوں کو مزید بڑھانے پر اتفاق کیا گیا، اس کے علاوہ افغان صورتحال، خطے میں داعش کے بڑھتےہوئےخطرات پر بھی گفتگو کی گئی۔

    ایرانی حکام نے دہشت گردی کیخلاف جنگ میں پاکستان کی کامیابیوں کوسراہتے ہوئے اعتراف کیا کہ پاکستان خطے میں قیام امن کیلئے اپنامثبت کردار ادا کررہا ہے۔

    آرمی چیف نے کہا کہ پاکستان، ایران برادر ممالک اور تاریخی ثقافت کے حامل ہیں، بہتر سیکیورٹی مینجمنٹ سے دہشت گردی سے مؤثرطور پرنمٹا جاسکتا ہے۔

    بعد ازاں آرمی چیف نے جنرل اسٹاف ہیڈ کوارٹرز میں یادگار شہداء پرحاضری دی اور پھولوں کی چادر چڑھائی، ایرانی قیادت نے دورہ ایران پر آرمی چیف کا شکریہ ادا کیا۔

  • آپریشن ردالفساد، درہ آدم خیل سے بھاری تعداد میں اسلحہ برآمد

    آپریشن ردالفساد، درہ آدم خیل سے بھاری تعداد میں اسلحہ برآمد

    راولپنڈی : ملک بھر میں فسادیوں کیخلاف آپریشن ردالفساد کامیابی سے جاری ہے، سیکیورٹی فورسز نے درہ آدم خیل میں اسنیپ چیکنگ کےدوران بھاری تعداد میں اسلحہ برآمد کرکے تین ملزمان کو گرفتار کرلیا۔

    تفصیلات کے مطابق جنوبی وزیرستان ایجنسی میں خفیہ اطلاعات پر آپریشن کیا گیا، آپریشن میں مختلف نوعیت کے ہتھیاراورگولیاں برآمد کرلی گئیں۔

    سیکیورٹی فورسزنے کامیاب کارروائی کرتے ہوئے درہ آدم خیل میں اسنیپ چیکنگ کےدوران ایک گاڑی کے خفیہ خانوں سے بھاری تعداد میں اسلحہ برآمد کرلیا۔

    پاک فوج کے شعبہ تعلقات عامہ (آئی ایس پی آر) کے مطابق بر آمد ہونے والے اسلحے میں ایس ایم جیز، 30 بور اورنائن ایم ایم کے پستول شامل ہیں۔

    مزید پڑھیں: آپریشن ردالفساد، 14غیرملکی گرفتار،اسلحہ و گولہ بارود برآمد

    اس کے علاوہ ہتھیاروں میں چھوٹی مشین گن، پسٹل، رائفلز اورگولیاں بھی برآمد کی گئیں ہیں، سیکیورٹی فورسز نے موقع سے تین افراد کو بھی حراست میں لےلیا ہے۔

    مزید پڑھیں: بلوچستان، دہشت گردوں کے چھ ٹھکانے تباہ، پانچ گرفتار

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • چارمیجرجنرلز کو اگلےعہدوں پر ترقی دے دی گئی

    چارمیجرجنرلز کو اگلےعہدوں پر ترقی دے دی گئی

    راولپنڈی : آئی ایس پی آر نے کہا ہے کہ عمدہ کارکردگی دکھانے والے 4 میجر جنرلز کو لیفٹیننٹ جنرلز کے عہدے پر ترقی دے دی گئی ہے ۔

    تفصیلات کے مطابق پاک فوج میں ترقی و تقرری کا سلسلہ جاری ہے، کاکردگی میں مزید نکھار لانے کے لیے کی جانے والی ان ترقی و تقریوں کے تحت آج 4 میجر جنرلز کو اگلے عہدوں پر ترقی دے دی گئی.

    پاک فوج کے تعلقات عامہ کے شعبے (آئی ایس پی آر) کے مطابق لیفٹیننٹ جنرل کے عہدے پر ترقی پانے والے میجر جنرلز میں میجرجنرل ماجداحسان، میجرجنرل عامرعباسی ، میجرجنرل عبداللہ ڈوگر اور میجرجنرل محمود الزماں شامل ہیں۔

    آئی ایس پی آر کا مزید کہان ہے کہ ترقی پانے والے میجر جنرل ماجد احسان کو لیفٹیننٹ جنرل کے عہدے پر ترقی دینے کے بعد نیشنل ڈیفنس یونیورسٹی کا سربراہ تعینات کر دیا گیا ہے جب کہ میجر عبداللہ ڈوگر کو ترقی کے بعد کور کمانڈر ملتان کی ذمہ داری سونپی گئی ہے جب کہ میجرجنرل عامرعباسی اور میجرجنرل محمود الزماں تعیناتی کے منتظر ہیں جن کی تعیناتی جلد ہی کردی جائے گی.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ڈرون حملے پاکستانی نہیں افغانستان کے سرحدی علاقوں میں ہوئے، آئی ایس پی آر

    ڈرون حملے پاکستانی نہیں افغانستان کے سرحدی علاقوں میں ہوئے، آئی ایس پی آر

    راولپنڈی : آئی ایس پی آر نے کہا کہ پاکستانی حدود میں کرم ایجنسی میں امریکی ڈرون حملے کی اطلاعات غلط ہیں اور پاک افغان بارڈر پر کوئی فضائی حدود کی خلاف ورزی نہیں ہوئی۔

    پاک فوج کے تعلقات عامہ ادارے (آئی ایس پی آر) کے مطابق افغانستان کے علاقے خوست اور پکتیا میں ریزولوٹ اسپورٹ مشن اور افغان فورسز کے آپریشنز کے دوران گزشتہ 24 گھنٹوں میں متعدد ڈرون حملے کیے گئے جس میں متعدد دہشت گردوں کی ہلاکتوں کی خبریں موصول ہو رہی ہیں۔

    آئی ایس پی آر نے واضح کیا کہ کرم ایجنسی میں ڈرون حملے کی خبریں جھوٹ پر مبنی ہیں اور پاکستانی حدود میں کہیں بھی کوئی ڈرون حملہ نہیں ہوا ہے، پاک فوج اپنے سرحدی علاقوں میں مکمل طور پر الرٹ ہیں اور پاک فوج افغان بارڈر پرمستعدی سے فرائض انجام دے رہی ہے۔

    آئی ایس پی آر نے کہا کہ آرمی چیف قمر باجوہ کے دورہ افغانستان کے بعد پاک افغان فورسز کے درمیان کوآرڈینیشن کاعمل مزید تیز ہوا ہے اور انٹیلی جنس شیئرنگ کے ساتھ ساتھ مربوط باہمی رابطوں سے مشترکہ دشمن کوشکست دینے میں مدد ملے گی۔

    خیال رہے پاک افغان سرحدی علاقے میں افغانستان کے علاقوں میں قائم افغان طالبان کے ٹھکانوں پر ڈرون حملوں کے نتیجے میں کمانڈر سمیت پانچ سے آٹھ طالبان جنگجو ہلاک ہو گئے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاک فوج کا کامیاب آپریشن، 5 غیر ملکی بازیاب، والدین کا پاک فوج کوخراج تحسین

    پاک فوج کا کامیاب آپریشن، 5 غیر ملکی بازیاب، والدین کا پاک فوج کوخراج تحسین

    راولپنڈی: پاک فوج نے ایک اور شاندار کامیاب آپریشن کرتے ہوئے 5 غیر ملکی مغویوں کو بازیاب کروالیا جنہیں سنہ 2012 میں افغانستان سے اغوا کیا گیا تھا,مغویوں کے والدین نے اپنے پیاروں کی بازیابی پر پاک فوج کو خراج تحسین پیش کرتے ہوئے دل کی گہرائیوں سے شکریہ ادا کیا۔

    پاک فوج کے شعبہ تعلقات عامہ آئی ایس پی آر کے مطابق مغویوں میں کینیڈین شہری، اس کی امریکی اہلیہ اور 3 بچے شامل ہیں۔

    آئی ایس پی آر کے مطابق مغویوں کو سنہ 2012 میں افغانستان سے اغوا کیا گیا تھا۔ امریکی ایجنسیاں کئی سال سے یرغمالیوں کی تلاش میں تھیں۔ اس دوران امریکی حکام کی جانب سے اطلاع دی گئی تھی کہ مغویوں کو کرم ایجنسی منتقل کیا جارہا ہے۔

    پاک فوج کی کارروائی مغویوں کی افغانستان سے کرم ایجنسی منتقلی کے دوران پیش آئی۔

    آئی ایس پی آر کے مطابق بازیاب کروائے گئے یرغمالی مکمل طور پر محفوظ ہیں۔ کامیاب کارروائی امریکی اور پاک فوج کی بروقت انٹیلی جنس شیئرنگ کا نتیجہ ہے۔

    آئی ایس پی آر کا مزید کہنا تھا کہ پاک فوج دہشت گردی کے ناسور کے خلاف بھرپور کارروائی کرتی رہے گی۔

    دوسری جانب بازیاب ہونے والے کینیڈین شہری جوشوا کے والدین نے اپنے بیٹے، بہو اور پوتے پوتیوں کی باحفاظت بازیابی پر پاک فوج کیلئےدل کی گہرائیوں سے شکریہ ادا کرتے ہوئے کہا کہ پہلے بازیابی کی خبر ملی تو خوشی کا ٹھکانہ نہ تھا لیکن 20 منٹ بعد دوسری کال آئی تو جوشوا خود لائن پر تھا، 5 سال میں پہلی بار بیٹےکی آواز سنی تو بڑا سکون ملا۔

    جوشوا کی والدہ نے بتایا کہ بچے اپنے دادا اور دادی سے ملنے کے لئے بے چین ہیں اور ہم بھی اپنے پیاروں سے ملنے کے لیے بیتاب ہیں اور ہم ایک بار پھر کینیڈا میں پاکستان کے ہائی کمشنر کے ممنون ہیں اور بالخصوص پاک فوج کے بہادر سپاہیوں کے دل کی گہرائیوں سے شکر گزار ہیں جنہوں نے اپنی جان خطرے میں ڈال کر ہمارے پیارے بازیاب کیے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایف سی نےبلوچستان میں دہشت گردی کا بڑا منصوبہ ناکام بنادیا

    ایف سی نےبلوچستان میں دہشت گردی کا بڑا منصوبہ ناکام بنادیا

    روالپنڈی: صوبہ بلوچستان کے مختلف علاقوں میں ایف سی نے کارروائیوں کے دوران 1300 کلو گرام دھماکہ خیز مواد اوربھاری مقدار میں اسلحہ برآمد کرلیا۔

    پاک فوج کے شعبہ تعلقات عامہ آئی ایس پی آر کے مطابق ایف سی نے بلوچستان میں کوہلو، اوچ، نصیرآباد، راضی نلہ، گرندانی میں آپریشن کے دوران 1300 کلو گرام دھماکہ خیز مواد تحویل میں لے لیا۔

    آئی ایس پی آر کا کہنا ہے کہ ایف سی کی جانب سے کیے گئے آپریشن میں مختلف نوعیت کے ہتھیار، گولیاں، راکٹس سمیت نقشے اور مواصلاتی آلات بھی برآمد کرلیے گئے۔

    خیبرپختونخواہ اور بلوچستان میں سیکورٹی فورسز کی کارروائیاں‘اسلحہ وگولہ بارود برآمد

    خیال رہے کہ گزشتہ ماہ 9 ستمبر کو سیکورٹی فورسز نےآتوخیل مہمند ایجنسی اور اپردیر میں کارروائیوں کے دوران بھاری مقدار میں اسلحہ، راکٹ لانچر، دستی بم برآمد کیے تھے۔

    بلوچستان: کالعدم تنظیم کے ٹھکانے پر چھاپہ، بھاری تعداد میں اسلحہ برآمد

    یاد رہے کہ 15 جون کو ایف سی نے خفیہ اطلاع پر ژوب کے علاقے سمبازہ میں کالعدم تنظیم کے ٹھکانے پر چھاپہ مار کر بڑی تعداد میں اسلحہ اور گولہ بارود برآمد کیا تھا۔

    آئی ایس پی آر کے مطابق برآمد اسلحے میں 49 آر پی جی سیون راکٹ،6 مائنز ، 5 آئی ای ڈیز، اینٹی ایئر کرافٹ گن،49 فیوز،95 بکس اینٹی ایئر کرافٹ گن راؤنڈز شامل تھے۔

    باجوڑایجنسی میں دہشت گردی کا منصوبہ ناکام بنادیا گیا، آئی ایس پی آر

    واضح رہے کہ دو ماہ قبل سیکورٹی فورسز نے باجوڑایجنسی میں دہشت گردی کا منصوبہ ناکام بناتے ہوئے بھاری تعداد میں گولہ بارود، آر پی جی اور ایس ایم جی ، خودکش جیکٹس، ریموٹ کنٹرول بم، دستی بم ،بال بیئرنگ کے گیارہ باکس برآمد کیے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • رینجرزکی پنجاب کےمختلف شہروں میں کارروائیاں‘ 27 افراد گرفتار

    رینجرزکی پنجاب کےمختلف شہروں میں کارروائیاں‘ 27 افراد گرفتار

    راولپنڈی : پنجاب رینجرز اور قانون نافذ کرنے والے اداروں نے پنجاب کے مختلف شہروں میں کارروائیوں کے دوران 27 افراد کو گرفتار کرکے اسلحہ برآمد کرلیا۔

    پاک فوج کے شعبہ تعلقات عامہ آئی ایس پی آر کے مطابق رینجرز نے پنجاب میں دیگر قانون نافذ کرنے والے اداروں کے ساتھ کارروائیاں کرتے ہوئے 27 افراد کو گرفتار کرکے غیرقانونی اسلحہ برآمد کرلیا۔

    آئی ایس پی آر کے مطابق پنجاب رینجرز اور قانون نافذ کرنے والے اداروں نے اسلام آباد، ڈیرہ غازی خان ،سیالکوٹ، لاہور، بہاولنگر،ملتان، بہاولپورسمیت رحیم یار خان میں انٹیلی جنس معلومات پر آپریشنز کیے۔

    پنجاب میں کالعدم جماعتوں کےخلاف رینجرز کارروائی کرے گی

    خیال رہے کہ رواں برس 19 فروری کووزیراعلیٰ پنجاب کی زیرصدارت ایپکس کمیٹی کے اجلاس میں کالعدم تنظیموں کےخلاف پنجاب میں آپریشن کرنےکافیصلہ کیا گیا تھا۔

    پشین میں دھماکا خیزمواد سے بھری گاڑی ضبط، ماسٹرمائنڈ گرفتار

    یاد رہے کہ گزشتہ روز فرنٹیئر کور بلوچستان نے شمالی پشین کے علاقے طورے شاہ سے دھماکہ خیز مواد سے بھری گاڑی کو تحویل میں لیا تھا جس کے ماسٹر مائنڈ اور اس کے دو ساتھیوں کو بھی حراست میں لیا گیا تھا۔

    لاہورمیں سی ٹی ڈی کی کارروائی‘ 5 دہشت گرد ہلاک

    واضح رہے کہ صوبہ پنجاب کے دارالحکومت لاہور میں سی ٹی ڈی نے کارروائی کرتے ہوئے 5 دہشت گردوں کو ہلاک کردیا جبکہ 3 ملزمان فرار ہونے میں کامیاب ہوگئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • آرمی چیف جنرل قمرجاوید باجوہ ایک روزہ دورے پرکابل روانہ

    آرمی چیف جنرل قمرجاوید باجوہ ایک روزہ دورے پرکابل روانہ

    راولپنڈی : آرمی چیف جنرل قمر جاوید باجوہ ایک روزہ دورے پر کابل روانہ ہوگئے جہاں وہ افغان صدر اور فوجی حکام سے ملاقاتیں کریں گے۔

    پاک فوج کے شعبہ تعلقات عامہ آئی ایس پی آر کے مطابق پاک فوج کے سربراہ جنرل قمرجاوید باجوہ ایک روزہ دورے پر کابل روانہ ہوگئے جہاں وہ افغان صدر اشرف غنی سے ملاقات کریں گے۔

    آئی ایس پی آر کا کہنا ہے کہ آرمی چیف جنرل قمر جاوید باجوہ ایک روزہ دورے کے دوران افغان آرمی چیف سمیت دیگر عسکری حکام سے بھی ملاقات کریں گے۔

    مزید پڑھیں: امریکی وزیردفاع کے کابل پہنچتے ہی ایئرپورٹ پرحملہ

    یاد رہے کہ 3 روز قبل امریکی وزیردفاع جیمزمیٹس کے افغانستان پہنچتے ہی کابل ایئرپورٹ کے قریب راکٹ سے حملہ کیا گیا تھا، طالبان نے راکٹ حملے کی ذمہ داری قبول کی تھی۔

    افغانستان کو محفوظ بنانے کے لیے کوشش کریں گے‘ جیمزمیٹس

    واضح رہے کہ امریکی وزیردفاع جیمزمیٹس نے افغان صدر اشرف غنی سے ملاقات کے بعد مشترکہ پریس کانفرنس کرتے ہوئے کہا تھا کہ اتحادیوں کے ساتھ مل کر افغانستان کو محفوظ بنانے کے لیے کوشش کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔