Tag: آئی ایس پی آر

راولپنڈی : بلوچستان میں دہشت گرد حملوں میں جام شہادت نوش کرنے والے کیپٹن محمد علی قریشی سمیت 4 شہدا کو فوجی اعزاز کے ساتھ سپرد خاک کردیا گیا۔

تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے بلوچستان میں دہشتگردحملوں میں جام شہادت نوش کرنے والےشہدا کو ان کے آبائی علاقوں سپرد خاک کردیا گیا۔

آئی ایس پی آر کا کہنا ہے کیپٹن محمدعلی قریشی شہید کو لاہور میں فوجی اعزازکیساتھ سپردخاک کیاگیا جبکہ نائیک عطااللہ شہید کو ضلع مردان سپاہی محمد سلیم شہید کو میانوالی اور سپاہی محمد بشیر شہید کو ملتان میں فوجی اعزازکیساتھ سپردخاک کیا۔

ترجمان نے کہا کہ بلوچستان کاامن اور ،ترقی سبوتاژ کرنےکی کوششوں کوناکام بنانےکیلئےپرعزم ہیں ، ہمارےشہداکی عظیم قربانیاں کسی صورت رائیگاں نہیں جائیں گی۔

یوم استحصال پر مسلح افواج کی قیادت کی جانب سے مقبوضہ کشمیر کے غیور عوام کے ساتھ یکجہتی کا اظہار کیا گیا ہے۔

آئی ایس پی آر کی جانب سے جاری بیان کے مطابق چیئرمین جوائنٹ چیفس آف اسٹاف کمیٹی، سروسز چیفس اور مسلح افواج نے خصوصی پیغام دییا ہے، مسلح افواج کی قیادت کا کہنا ہے کہ کشمیریوں کی حق خود ارادیت کی جائز اور طویل جدوجہد کی مکمل حمایت کرتے ہیں۔

بھارتی فورسز کی عالمی قوانین اور انسانی حقوق کی مسلسل خلاف ورزیاں قابل مذمت ہیں، فوجی لاک ڈاؤن اور آبادیاتی حیثیت بدلنے کی غیرقانونی کوششوں کی شدید مذمت کرتے ہیں۔

آئی ایس پی آر نے بیان میں کہا کہ ہندوستانی حکومت کے جارحانہ بیانات بھی قابل مذمت ہیں، بھارت کا ریاستی جبر اور انسانی بحرانوں کو ہوا دینا علاقائی استحکام کیلئے مستقل خطرہ ہے۔

خطے کا پائیدار امن یو این قراردادوں اور کشمیریوں کی امنگوں کے مطابق تنازع کے حل میں ہے، مسلح افواج مقبوضہ کشمیر کے شہدا کو غیرمعمولی قربانیوں پر خراج تحسین پیش کرتی ہے۔

آئی ایس پی آر کا اپنے بیان میں مزید کہنا تھا کہ مسلح افواج کشمیریوں کی سیاسی، اخلاقی اور انسانی بنیاد پر حمایت جاری رکھے گی۔

راولپنڈی : پاکستان نے اقوام متحدہ کے امن مشنز میں خدمات اور قربانی دینے والے بہادروں کو خراج تحسین پیش کیا۔

تفصیلات کے مطابق پاک فوج کے شعبہ تعلقات عامہ ( آئی ایس پی آر) کی جانب سے عالمی امن کیلئے کوشاں اقوام متحدہ کے امن دستوں کے عالمی دن پر اپنے پیغام میں کہا کہ ادنیا سمیت پاکستان میں ”اقوام متحدہ کے امن دستوں کا عالمی دن منا یا جا رہا ہے،ا پاکستانی قوم بہادروں کو خراج تحسین پیش کرتی ہے۔

آئی ایس پی آر کا کہنا تھا کہ پاکستان کو اقوام متحدہ کے قیام امن کیلئےاپنی دیرینہ وابستگی پرفخر ہے، 1960 سے لیکر ابتک پاکستان نے 29ممالک میں اقوامِ متحدہ کے 48 امن مشنز میں حصہ لیا، پاکستان نے اقوام متحدہ کے امن مشنزمیں 2لاکھ35ہزار فوجیوں کو تعینات کیا۔

ترجمان نے کہا کہ پاکستان یواین امن مشن میں اپنی افواج کے ذریعے سب سے زیادہ تعاون کرنیوالا ملک ہے، پاکستانی امن دستے مصیبت زدہ علاقوں میں امن کی بحالی تک کام جاری رکھیں گے۔

آئی ایس پی آر نے بتایا کہ اقوام متحدہ کے امن مشنز کے دوران 181 پاکستانی اہلکاروں نے جانوں کی قربانیاں دیں، پاکستان اقوام متحدہ کی صنفی مساوات سے متعلق حکمت عملی پر کاربند رہے گا اور خواتین کی شمولیت بڑھانے سے متعلق پاکستان یو این یونیفارم جینڈر پیرٹی اسٹریٹجی پر کار بند رہے گا۔

پاک فوج کا کہنا تھا کہ پاکستان عالمی امن کیلئے خدمات اور قربانی دینے والوں کو خراج تحسین پیش کرتاہے، یو این پیس مشنز میں پاکستان کی شمولیت بین الاقوامی سلامتی سے وابستگی کا اظہار ہے ، پاکستانی امن مشنز مشکلات سے گھرے خطوں میں بہتری کیلئے کردار ادا کرتے رہیں گے۔