جدہ:آرمی چیف جنرل قمر باجوہ تین روزہ سرکاری دورے پر سعودی عرب پہنچ گئے ہیں جہاں ان کا استقبال سعودی نائب وزیر دفاع نے کیا۔

پاک فوج کے تعلقات عامہ کے ادارے (آئی ایس پی آر) کے مطابق پاک فوج کے سربراہ جنرل قمر باجوہ آج تین روزہ سرکاری دورے پر سعودی عرب پہنچ گئے ہیں،آرمی چیف اعلی سعودی فوجی اور سول حکام سے ملاقات کریں گے اور دو طرفہ باہمی دل چسپی کےامور پر تبادلہ خیال کریں گے۔

ذرائع کا کہنا ہے کہ جدہ ایئرپورٹ پر آرمی چیف جنرل قمر باجوہ کا پُر تپاک استقبال سعودی نائب وزیرِ دفاع محمد بن عبداللہ نے کیا۔

یاد رہے کہ آرمی چیف جنرل قمر باجوہ کا عہدہ سنبھالنے کے بعد کسی بھی غیر ملک کا یہ پہلا سرکاری دورہ ہے جس سے پاک سعودی تعلقات کی اہمیت کا اندازہ لگایا جا سکتا ہے۔

واضح رہے کہ سابق آرمی چیف راحیل شریف کی ریٹائرمنٹ کے بعد جنرل قمر باجوہ نے 29 نومبر کو پاک فوج کی سربراہی کی کمان سنبھالی تھی۔

راولپنڈی : آئی ایس پی آر کے ترجمان کے مطابق میجرجنرل آصف غفور کو ڈی جی آئی ایس پی آر تعینات کردیا گیا ہے جب کہ میجرجنرل عبداللہ  ڈوگرکو کمانڈنٹ پی ایم اے مقرر کیا گیا ہے۔

پاک فوج کے تعلقات عامہ کے ادارے (آئی ایس پی آر) کے مطابق پاک فوج میں تقرری اور تبادلوں کا سلسلہ جاری ہے جس کے تحت میجر جنرل آصف غفور کو نیا ڈی جی آئی ایس پی آر مقرر کردیا گیا ہے جب کہ میجرجنرل عبداللہ ڈوگرکو کمانڈنٹ پاکستان ملٹری اکیڈمی، میجرجنرل سید عدنان کو جی او سی لاہوراور میجر جنرل ظفراللہ خان کو جی او سی پنوں عاقل تعینات کردیا گیا ہے۔

اس کے علاوہ میجر جنرل فدا ملک ڈی جی لاجسٹکس، میجر جنرل نادرخان ڈی جی پرسونل سروسز اور میجر جنرل ظفراقبال جی او سی آرمڈ ڈویژن گوجرانوالہ مقرر کردیے گئے ہیں۔

لیفٹننٹ جنرل شاہد بیگ مرزا کورکمانڈر کراچی مقرر

واضح رہے کہ میجر جنرل آصف غفور اس وقت سوات میں ڈویژن کمانڈر ہیں جو سبکدوش ہونے والے ڈی جی آئی ایس پی آر لیفٹننٹ جنرل عاصم سلیم باجوہ کی جگہ ذمہ داریاں سنبھالیں گے۔

نئے ڈی جی رینجرز سندھ اور آئی جی ایف سی بلوچستان کی تعیناتی

یاد رہے اس سے قبل لیفٹننٹ جنرل شاہد بیگ مرزا کورکمانڈر کراچی، میجر جنرل محمد سعید کو ڈی جی رینجرز سندھ اور میجر جنرل ندیم انجم کو آئی جی ایف سی بلوچستان تعینات کیا گیا تھا۔

راولپنڈی: پاک فوج کے 7 میجر جنرلز کو لیفٹیننٹ جنرل کے عہدے پر ترقی دے دی گئی۔ لیفٹیننٹ جنرل ندیم رضا کو کور کمانڈر راولپنڈی تعینات کردیا گیا اور لیفٹیننٹ جنرل سرفراز ستار کو کور کمانڈر ملتان بنادیا گیا ہے جبکہ لیفٹیننٹ جنرل ظفر اقبال کو ڈائریکٹر جنرل جوائنٹ اسٹاف مقرر کردیا گیا ہے۔

تفصیلات کے مطابق پاک فوج کے 7 میجر جنرلز کو لیفٹیننٹ جنرل کے عہدے پر ترقی دی گئی ہے۔

آئی ایس پی آر کے مطابق لیفٹیننٹ جنرل کے عہدے پر ترقی پانے والوں میں آئی جی ایف سی بلوچستان میجر جنرل شیرافگن اور ڈی جی رینجرز سندھ میجر جنرل بلال اکبر شامل ہیں۔

High level transfers and postings in Pakistan Army by arynews

سات میجر جنرلز سے لیفٹیننٹ جنرل کے عہدے پر ترقی پانے والوں میں کمانڈنٹ پی ایم اے میجر جنرل ندیم رضا، ڈی جی ڈبلیو اینڈ آر جی ایچ کیو میجر جنرل ہمایوں عزیز بھی شامل ہیں۔

 ترقی پانے والوں میں میجر جنرل قاضی اکرم، میجر جنرل نعیم اشرف اور میجر جنرل محمد افضل بھی شامل ہیں۔اطلاعات کے مطابق لیفٹیننٹ جنرل ندیم رضا کو کور کمانڈر راولپنڈی تعینات کردیا گیا اور لیفٹیننٹ جنرل سرفراز ستار کو کور کمانڈر ملتان بنادیا گیا ہے جبکہ لیفٹیننٹ جنرل ظفر اقبال کو ڈائریکٹر جنرل جوائنٹ اسٹاف مقرر کردیا گیا ہے۔

راولپنڈی : ترکمانستان کے ویزردفاع نے آرمی چیف جنرل راحیل شریف سے ملاقات میں پیشہ ورانہ امور اور خطے کی بدلتی صورتِ حال پر تبادلہ خیال کیا۔

آئی ایس پی آر کے ترجمان کے مطابق ترکمانستان کے وزیر دفاع اور سیکرٹری قومی سلامتی نے آج جنرل ہیڈ کوارٹرز راولپنڈی میں چیف آف آرمی اسٹاف جنرل راحیل شریف سے ملاقات کی اور شہدائے یاد گار پر پھولوں کے گُل دستے چڑھائے جب کہ پاک فوج کے دستے نے معزز مہمانِ گرامی کو گارڈ آف آنر پیش کیا۔

آرمی چیف اور ترکمانستان کے وزیر دفاع کے درمیان ہونے والی ملاقات میں پیشہ ورانہ مہارت اور باہمی دلچسپی سے متعلق امور زیر بحث لائے گئے اور خطے کی مجوعی بدلتی صورتِ حال پر باہمی تعاون پر اتفاق کیا گیا۔

آرمی چیف سے ہونے والی ملاقات میں ترکمانستان کے وزیر دفاع نے دہشت گردی کےخلاف جنگ میں پاک فوج کی قربانیوں کو سراہتے ہوئے کہا کہ پاک فوج دنیا کی بہترین فورس ہے جو دہشت گردی کے خاتمے کے لیے اپنا بھرپور کردار ادا کررہی ہے۔

ترکمانستان کے وزیرِ دفاع کا مزید کہنا تھا کہ دہشت گردی کے خلاف جنگ اور بالخصوص آپریشن ضربِ عضب میں پاک آرمی کی کامیابی دنیا پھر کے فورسز کے لیے مشعلِ راہ ہے۔

پشاور: جنوبی وزیرستان میں بارودی سرنگ کے دھماکے میں ایک میجر جاں بحق جبکہ 6 اہلکار زخمی ہو گئے۔

پاک فوج کے شعبہ تعلقات عامہ آئی ایس پی آر کے مطابق جنوبی وزیرستان کی تحصیل وانا میں سرچ آپریشن کے دوران بارودی سرنگ کا دھماکہ ہوا۔ دھماکے کی زد میں آکر میجر عمران جاں بحق ہوئے۔

آئی ایس پی آر کے مطابق واقعے میں 6 فوجی زخمی بھی ہوئے جن میں ایک لیفٹننٹ بھی شامل ہے۔

آئی ایس پی آر کی جانب سے بیان میں کہا گیا ہے کہ دھماکے کے بعد علاقے میں سرچ آپریشن جاری ہے تاہم تاحال کوئی گرفتاری عمل میں نہیں آئی۔

واضح رہے کہ سنہ 2014 میں پاک فوج کی جانب سے شمالی وزیرستان میں آپریشن ضرب عضب کا آغاز کیا گیا تھا۔ آپریشن میں بیشتر علاقے کو اب کلیئر کیا جا چکا ہے تاہم سرچ آپریشن ابھی بھی جاری ہیں۔