Tag: آئی ایس پی آر

  • فیصل آباد میں کومبنگ آپریشن،6دہشت گرد گرفتار

    فیصل آباد میں کومبنگ آپریشن،6دہشت گرد گرفتار

    فیصل آباد: صوبہ پنجاب کےشہر فیصل آباد میں سیکورٹی فورسز نے کومبنگ آپریشن کے دوران 6 دہشت گرد گرفتار کرلیے.

    تفصیلات کے مطابق پاک فوج کے شعبہ ابلاغ عامہ ’’آئی ایس پی آر‘‘ کے جاری کردہ بیان کے مطابق قانون نافذ کرنے والے ادارے کے اہلکاروں نے فیصل آباد اور گرد و نواح کے مختلف علاقوں میں کومبنگ آپریشن کے دوران 6 دہشت گردوں کو گرفتار کرلیا.

    *کور کمانڈر کانفرنس، کومبنگ آپریشن کا جامع منصوبہ منظور

    آئی ایس پی آر کے مطابق گرفتار دہشت گردوں میں خودکش بمباروں کے ہینڈلر بھی شامل ہیں جبکہ ایک دہشت گرد خود کش حملہ آوروں کو بھرتی کرتا تھا،یہ تمام دہشت گرد 2014 سے واچ لسٹ پر تھے.

    *لاہور میں‌ کومبنگ آپریشن: دو اہم کمانڈر سمیت 11 گرفتار

    یاد رہے کہ گزشتہ ہفتے پنجاب کے دارالحکومت لاہور کے علاقے شاہدرہ میں‌ سیکورٹی فورسز کی جانب سے کومبنگ آپریشن کے بعد کالعدم تنظیم کے دو کمانڈروں سمیت گیارہ شدت پسندوں‌ کو گرفتار کیا گیا تھا.

    واضح رہے کہ سانحہ کوئٹہ کے بعد ملک بھر میں دہشت گردوں اور ان کے سہولت کاروں کے خلاف کارروائیوں میں شدت آئی ہے.

  • خیبر ایجنسی آپریشن کامیابی سے جاری، 6 دہشت گرد ہلاک 2 ٹھکانے تباہ

    خیبر ایجنسی آپریشن کامیابی سے جاری، 6 دہشت گرد ہلاک 2 ٹھکانے تباہ

    خیبرایجنسی: پاک افغان سرحد کے قریب وادی رجگال، وادی نارے ناؤ اور ستار کلے میں پاک فوج کا زمینی اور فضائی آپریشن 6 دہشت گرد ہلاک ہوگئے۔

    فوج کے تعلقات عامہ آئی ایس پی آر کی جانب سے جاری کردہ اعلامیے کے مطابق سیکیورٹی فورسز کا خیبرایجنسی 3 کامیابی سے جاری ہے، پاک فوج کے جوانوں نے اتوار کے روز وادی رجگال، نارے ناؤ اور ستار کلے میں زمینی اور فضائی آپریشن کیا۔پاک فوج کی تازہ کارروائیوں میں دہشت گردوں کے 2 ٹھکانے تباہ کیے گئے جبکہ فائرنگ کے تبادلے  6 دہشت گردوں کو ہلاک کیا۔

    پڑھیں: خیبرایجنسی میں فضائی کارروائی، شدت پسندوں کے 9 ٹھکانے تباہ

    واضح رہے پاک فوج کی جانب سے پاک افغان بارڈر سے متصل خیبر ایجنسی کی وادی رجگال میں دہشت گردوں کے خلاف آپریشن جاری ہے، جس میں اب تک دہشت گردوں کی کمین گاہیں اور خفیہ گزر گاہیں تباہ کی جاچکی ہے۔

    مزید پڑھیں:   دہشت گردوں کے سلیپر سیلز ختم کریں گے، آرمی چیف کا راجگال میں جوانوں سے خطاب

    آرمی چیف آف اسٹاف جنرل راحیل شریف نے جمعے کے روز وادی رجگال کا دورہ کیا اور اگلے مورچوں پر تعینات فوجی جوانوں سے ملاقات کرکے اُن کے عزم اور بلند حوصلے کی تعریف کی تھی، آرمی چیف نے فوجی جوانوں کی ماہرانہ صلاحیتوں کو سراہتے ہوئے کہا تھا کہ ’’اس آپریشن سے  سرحد کے دونوں طرف دہشت گردوں کی نقل و حرکت پر نظر رکھنے میں آسانی رہے گی‘‘۔

    آرمی چیف جنرل راحیل شریف نے اگلے مورچوں پر تعینات جوانوں کو ہدایت دی تھی کہ وہ چوکس رہیں اور دشمن پر نظر رکھیں، اُن کا مزید کہنا تھاکہ ’’ملک میں دہشت گردوں کا کوئی مقام نہیں چھوڑا جائے گا اور عوام کے تعاون سے ملک میں امن قائم کیا جائے گا‘‘۔

  • خیبر ایجنسی میں فضائی کارروائی، 11 دہشت گرد ہلاک

    خیبر ایجنسی میں فضائی کارروائی، 11 دہشت گرد ہلاک

    باجوڑ: پاک فوج کی خیبر ایجنسی میں فضائی کارروائی کے دوران 11 دہشت گرد ہلاک اور متعدد زخمی ہوئے جبکہ دہشت گردوں کے 8 ٹھکانے بھی تباہ ہوگئے۔

    انٹر سروسز پبلک ریلیشنز(آئی ایس پی آر) کے مطابق پاک فوج کے طیاروں نے خیبر ایجنسی کے علاقوں بابر کچکول، نرے نائو، طور سپیرا ودیگر میں طیاروں کے ذریعے بمباری کی جس کے نتیجے میں دہشت گردوں کے آٹھ ٹھکانے تباہ ہوگئے اور 11دہشت گردے مارے گئے۔

    ترجمان کے مطابق فضائی کارروائی میں چار دہشت گرد زخمی بھی ہوئے ہیں۔

    دو روز قبل بھی خیبرایجنسی میں افغان بارڈر پر سیکیورٹی فورسز کی جانب سے بری اور فضائی کارروائی کی گئی تھی جس میں جیٹ طیاروں کی بمباری سے شدت پسندوں کے 9 ٹھکانے تباہ ہوگئے تھے،یہ کارروائی راجگال ویلی کے مقام پرکی گئی تھی۔

    یہ بھی پڑھیں:خیبرایجنسی میں فضائی کارروائی، شدت پسندوں کے 9 ٹھکانے تباہ

    انہی دنوں وادی راجگال میں بارودی سرنگ کے دھماکے میں فوج کے دو اہلکار شہید ہوگئے جن کی جمعرات کو نماز جنازہ ادا کردی گئی اور ان کے جسد خاکی تدفین کے لیے آبائی علاقوں میں روانہ کردیے گئے۔

    مزید پڑھیں: خیبرایجنسی : بارودی سرنگ کے دھماکے میں جاں بحق جوانوں کی نمازِ جنازہ ادا

  • دہشت گردی کے خلاف پاکستان سمیت چارملکی فوجی اتحاد

    دہشت گردی کے خلاف پاکستان سمیت چارملکی فوجی اتحاد

    اسلام آباد : پاکستانی فوج نے انسداد دہشت گردی کے لیے تشکیل دیئے گئے چار ملکی فوجی اتحاد کو خوش آئند قرار دیتے ہوئے کہا ہے کہ اس سے دہشت گردی کے خلاف خطے کی سطح پر کی جانے والی کوششوں کو تقویت ملے گی۔

    واضح رہے کہ رواں ہفتے پاکستانی فوج کے سربراہ جنرل راحیل شریف نے چین کا دورہ کیا تھا جہاں دہشت گردی کے خلاف اتحاد کا اعلان کیا گیا جس میں چین، افغانستان، تاجکستان اور پاکستان شامل ہیں۔

    اس موقع پرافغان نیشنل آرمی کے جنرل قدم شاہ شمیم، چین کے جنرل فینگ فنگہوئی، پاکستانی فوج کے سربراہ جنرل راحیل شریف اور تاجکستان کی طرف سےاول نائب وزیر دفاع میجر جرنل ای اے گوبدرزودا شریک تھے۔

    پاکستان کے سرکاری میڈیا کے مطابق فوج کے ترجمان لفٹیننٹ جنرل عاصم سلیم باجوہ نے کہا ہے کہ چار ملکی اتحاد نے دہشت گردوں کے مالی وسائل روکنے کے طریقہ کار کے علاوہ خطے سے دہشت گردی کے خاتمے کے لیے بھی اقدامات کا فیصلہ کیا ہے۔

    اُنھوں نے مزید کہا کہ چاروں ممالک نے دہشت گردی کے خاتمے کے لیے مربوط رابطوں، کارروائیوں اور فورسز کی تربیت پر اتفاق کیا ہے۔

    واضح رہے کہ پاکستان اور افغانستان کو تو بدترین دہشت گردی کا سامنا رہا ہے تاہم چین کو بھی اپنے مغربی علاقے سنکیانگ میں ایسے ہی خطرات کا سامنا ہے۔

    دوسری جانب امریکی محکمہ خارجہ کے ترجمان مارک ٹونر سے روزانہ کی نیوز بریفنگ میں دہشت گردی کے خلاف چار ملکی فوجی اتحاد کی تشکیل سے متعلق ردعمل جاننے کے لیے سوال پوچھا گیا تو انھوں نے جواب دیا کہ وہ اس اتحاد کو غیر مفید نہیں سمجھتے۔

  • آرمی چیف کی 12 دہشت گردوں کو پھانسی دینے کے فیصلے کی توثیق

    آرمی چیف کی 12 دہشت گردوں کو پھانسی دینے کے فیصلے کی توثیق

    راولپنڈی : آرمی چیف جنرل راحیل شریف نے 12 دہشت گردوں کی سزائے موت کے فیصلے کی توثیق کردی ہے، تمام ملزمان ملک بھر میں دہشت گردی سمیت سنگین جرائم میں ملوث تھے۔

    آئی ایس پی آر کے مطابق مذکورہ دہشت گرد ملک بھر میں دہشت گردی کی مختلف کارروائیوں میں ملوث تھے اور تمام افراد نے دوران سماعت دہشت گردی کی سنگین وارداتوں کا اعتراف کیا ہے، تمام افراد کے خلاف فوجی عدالت میں کیس چلایا گیا جہاں تمام گواہوں اور ثبوتوں کو مد نظر رکھتے ہوئے پھانسی کی سزا دینے کا فیصلہ کیا گیا۔

    پھانسی کی سزا پانے والے دہشت گردوں میں قیوم ولد سعید، حسن ڈار، بہرام شیر، اسحاق، عزیزالرحمان، آصف، طیب، اکبر، ایاز  سمیت دیگر افراد شامل ہیں، آئی ایس پی آر کے مطابق دہشت گردوں کا تعلق تحریک طالبان اور دیگر دہشت گرد تنظیموں سے ہے۔

    آئی ایس پی آر نے مزید کہا کہ دہشت گرد قیوم ولد سعید پاک فوج کے افسران اور جوانوں کے قتل میں ملوث رہا جبکہ دیگر دہشت گرد اغوا برائے تاوان، بم دھماکوں سمیت دیگر سنگین جرائم میں ملوث پائے گئے ہیں۔

    پاک فوج کے تعلقات عامہ نے مزید تصدیق کی ہے کہ دہشت گردوں کی کارروائیوں سے کئی شہری جاں بحق ہوئے ہیں اور انہیں آپریشن ضرب عضب کے دوران ملک کے مختلف علاقوں سے گرفتار کیا گیا۔

  • عمر نرے عرف خالد خراسانی ڈرون حملے میں‌مارا گیا، آئی ایس پی آر کی تصدیق

    عمر نرے عرف خالد خراسانی ڈرون حملے میں‌مارا گیا، آئی ایس پی آر کی تصدیق

    راولپنڈی : ڈی جی آئی ایس پی آر جنرل عاصم باجوہ نے کہا ہے کہ عمر نرے عرف خلیفہ عمر عرف خالد خراسانی افغانستان میں ہونے والے امریکی ڈرون حملے میں ہلاک ہوگیا۔

    تفصیلات کے مطابق ڈی جی آئی ایس پی آر میجر  جنرل عاصم باجوہ نے سماجی رابطے کی ویب سائٹ پر ٹوئٹ کرتے ہوئے کہا ہے کہ امریکی حکام نے  تصدیق کی ہے کہ عمر نرے امریکی ڈرون حملے میں ہلاک ہوگیا ہے۔

    انہوں نے مزید کہا ہے کہ آرمی چیف آف اسٹاف جنرل راحیل شریف کو افغانستان میں تعینات امریکی کمانڈر نے بذریعہ ٹیلی فون اطلاع کر کے گزشتہ دنوں افغانستان میں ہونے والے ڈرون حملے میں طالبان کے اہم کمانڈر کی ہلاکت کی تصدیق کردی ہے‘‘۔

    عاصم باجوہ نے مزید کہا ہے کہ ’’عمر نرے عرف خالد خراسانی سانحہ آرمی پبلک اسکول، باچا خان یونیورسٹی پر حملوں کا ماسٹر مائنڈ تھا‘‘۔

    مزید پڑھیں :       پاک افغان سرحد پر ڈرون حملہ، چار مشتبہ دہشت گرد ہلاک

    دوسری جانب پینٹا گون سے جاری بیان میں مارک ٹونر نے امریکی ڈرون حملے میں ہلاک ہونے والے دہشت گرد عمر نرے کی تصدیق کرتے ہوئے اسے اہم کامیابی قرار دیا ہے، مارک ٹونر نے مزید کہا کہ ’’دہشت گردی کے خلاف آرمی چیف جنرل راحیل شریف کے اقدامات قابل تحسین ہیں‘‘۔

    انہوں نے مزید کہا کہ ’’دہشت گردی کے خلاف راحیل شریف کا عزم اور ہمت قابل تحسین ہے، اس سے خطے میں امن و امان قائم کرنے میں بہت مدد مل رہی ہے، تاہم انہوں نے کہا کہ جنرل راحیل شریف کی مدتِ ملازمت میں توسیع کے حوالے سے کوئی تبصرہ نہیں کروں گا‘‘۔

    مارک ٹونر نے پریس کانفرنس میں دہشت گردی سے ہونے والے نقصانات پر بات کرتے ہوئے کہا کہ ’’پاکستان کو بھی دہشت گردی کے باعث ناقابل تلافی نقصانات کا سامنا کرنا پڑا ہے تاہم خطے میں امن و امان کے لیے پاکستان کا کردار امریکا کے لیے بہت اہم ہے، دونوں ممالک مستقبل میں بھی ایک دوسرے کے ساتھ تعلقات بحال رکھیں گے‘‘۔

    واضح رہے دو روز قبل پاک افغان سرحد کے قریب امریکی ڈرون حملہ کیا گیا تھا، امریکی حکام نے دعویٰ کیا تھا کہ ڈرون حملے میں تحریک طالبان افغانستان کے اہم کمانڈر سمیت 3 کارندے ہلاک کیے گئے تھے، پاکستانی سیکورٹی حکام نے اس بات کی تصدیق کی تھی کہ امریکی ڈرون طیاروں نے خیبرایجنسی کے ضلع ننگر ہار کے نزدیگ افغان علاقے نازیان میں ایک گاڑی کو نشانہ بنایا تھا۔

    یاد رہے دو سال قبل پشاور میں واقع آرمی پبلک اسکول میں دہشت گردوں کے حملے سے 132 طلبا سمیت 141 افراد شہید ہوئے تھے جبکہ رواں سال جنوری میں چارسدہ میں واقع باچا خان یونیورسٹی پر حملے سے پروفیسر سمیت 20 افراد شہید ہوگئے تھے۔

    قبل ازیں فوجی عدالت نے سانحہ آرمی پبلک اسکول میں ملوث 6 دہشت گردوں کو پھانسی کی سزا سنائی جاچکی ہے۔

  • آئی  ایس پی آر کا فوج کی حمایت میں آویزاں پوسٹرز سے اظہار لاتعلقی

    آئی ایس پی آر کا فوج کی حمایت میں آویزاں پوسٹرز سے اظہار لاتعلقی

    اسلام آباد:آئی ایس پی آر نے مختلف شہروں میں فوج کی حمایت میں لگے ہوئے پوسٹر سے متعلق وضاحت جاری کرتے ہوئے کسی بھی طرح کے تعلق سے انکار کردیا ۔

    انٹر سروسز پبلک ریلیشنز (آئی ایس پی آر) کے ڈائریکٹر جنرل عاصم سلیم باجوہ نے سماجی رابطے کی ویب سائٹ پر ٹوئٹ کیا ہے کہ ایسے کسی بھی قسم کے پوسٹر سے فوج یا کسی متعلقہ ادارے کا کوئی تعلق نہیں۔

    اے آر وائی نیوز کے نمائندے لئیق الرحمن کے مطابق ملک کے تقریباً14 شہروں میں یہ پوسٹر و بینرز آویزاں کیے گئے جن کے بارے میں فوج نے عوام میں پھیلے ہوئے اس تاثر کو غلط قرار دیا ہے کہ یہ پوسٹرز فوج نے آویزاں کرائے۔

    یہ بھی پڑھیں : راولپنڈی : آرمی چیف کی تصاویر والے بینرز مختلف شہروں میں آویزاں

    واضح رہے کہ گزشتہ روز ملک کے مختلف شہروں میں نامعلوم افراد کی جانب سے شہر بھر میں آرمی چیف کے حق میں بینر آویزاں کیے گیے جس میں اُن سے اپیل کی گئی ہے کہ ’’اب آ بھی جاؤ‘‘، سیاسی تجزیہ نگاروں کے مطابق یہ بینرز الیکشن کمیشن میں رجسٹرڈ ایک جماعت کی جانب سے لگائے گئے ہیں۔

    سیاسی جماعتوں کے رہنماؤں کی جانب سے ان بینرز کے حوالے سے شدید تحفظات پائے جاتے ہیں جبکہ وفاقی وزیر اطلاعات و نشریات پرویز رشید نے اس حوالے سے ردعمل دیتے ہوئے کہا کہ ’’راحیل شریف کی مدتِ ملازمت میں توسیع کے حوالے سے کچھ بھی کہنا قبل از وقت ہوگا‘‘۔

  • راولپنڈی : آرمی چیف جنرل راحیل شریف کا لائن آف کنٹرول کادورہ

    راولپنڈی : آرمی چیف جنرل راحیل شریف کا لائن آف کنٹرول کادورہ

    راولپنڈی : آرمی چیف جنرل راحیل شریف نے لائن آف کنٹرول کے کے سیکٹر کیل اور باغ کے اگلے مورچوں کا دورہ کیا اور جوانوں سے ملاقات کی.

    پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے لائن آف کنٹرول کا دورہ کیا جہاں کور کمانڈر لیفٹیننٹ جنرل ملک ظفر اقبال نے ان کا استقبال کیا،جبکہ پاک فوج کے سربراہ جنرل راحیل شریف نے کیل اور باغ سیکٹرز میں اگلے مورچوں پر تعینات جوانوں کو عید کی مبارکباد دی اور ان کے ساتھ کچھ وقت گزارا.

    چیف آف آرمی اسٹاف جنرل راحیل شریف کا کہنا تھا کہ ایل او سی پر موجود چاک و چوبند جوانوں کا حوصلہ قابل ستائش ہے.

    ڈی جی آئی ایس پی آر کے مطابق جنرل راحیل شریف نے مادر وطن کے دفاع کے لیے پاک فوج کے افسروں اور جوانوں کی عظیم قربانیوں کو خراج تحسین پیش کرتے ہوئے کہا کہ لائن آف کنٹرول پرتعینات فوجی دستوں کی آپریشنل تیاریاں اور عزم قابل تعریف ہے.

  • دفتر خارجہ میں افغان ناظم الامور کی طلبی، طور خم فائرنگ پر احتجاج

    دفتر خارجہ میں افغان ناظم الامور کی طلبی، طور خم فائرنگ پر احتجاج

    اسلام آباد: دفتر خارجہ نے طور خم سرحد پر بلا اشتعال فائرنگ کے واقعہ کا سخت نوٹس لیتے ہوئے افغان ناظم الامور کو طلب کرکے واقعہ پر احتجاج کیا ہے۔

    دفتر خارجہ سے جاری کردہ بیان کے مطابق گزشتہ رات طور ختم سرحد پر بلااشتعال فائرنگ کے واقعے کو حکومت نے انتہائی سنجیدگی سے لیا ہے اور افغان ناظم الامور کو دفتر خارجہ طلب کرکے اپنا احتجاج ریکارڈ کرایا ہے۔ ترجمان دفتر خارجہ کے مطابق حکومت پاکستان نے افغان حکومت پر واضح کیا ہے کہ واقعے کو ہرگز پس پشت نہیں ڈالا جائے گا، افغان حکومت واقعہ کی فوری اور شفاف تحقیقات کرکے ملوث سرحدی حکام کے خلاف کارروائی کرے۔

    ترجمان دفتر خارجہ نے کہا ہے کہ ایسے واقعات  سے دونوں ممالک کے درمیان کشیدگی میں اضافہ ہوگا، ہم افغانستان سے بہتر تعلقات چاہتے ہیں جس کے لیے دونوں ممالک کو اقدامات کرنے ہوں گے۔

    اس حوالے سے  مشیر خارجہ سرتاج عزیز نے کہا ہے کہ پاکستان دہشت گردی سے سب سے زیادہ متاثر ہونے والا ملک ہے ، دکھ کی اس گھڑی میں متاثرین کے ساتھ ہیں۔

    ڈائریکٹر جنرل آئی ایس پی آر نے کہا ہے کہ افغان فوج طور خم سرحد پر زیر تعمیر گیٹ پر فائرنگ کررہی ہے ، گیٹ پاکستانی حدود میں 37میٹر کے فاصلے پر زیر تعمیر ہے ،گیٹ تعمیر کرنے کا مقصد دہشت گردوں کی بلا روک ٹوک آمد کو بند کرنا ہے تاکہ پاکستان میں امن کا قیام یقینی بنایا جاسکے۔

    آئی ایس پی آر کے مطابق طور خم سرحد پر پاکستانی علاقے میں واقع گیٹ پر افغان سیکیورٹی فورسز نے نو بج کر بیس منٹ پر بلا اشتعال فائرنگ شروع کردی، جس کا پاکستانی فورسز نے بھرپور جواب دیا، افغان سیکورٹی فورسز کی بلااشتعال فائرنگ اور مارٹر گولوں کے استعمال سے دو سیکیورٹی اہلکاروں سمیت نو پاکستانی شہری زخمی ہوئے۔

    فائرنگ کے نتیجے میں دونوں اطراف کشیدگی بڑھ گئی جس کے طورخم اورلنڈی کوتل میں کرفیو نافذ کردیا گیا ہے۔

  • ملک دشمن عنا صر کو باہر نکال پھینکیں گے، راحیل شریف

    ملک دشمن عنا صر کو باہر نکال پھینکیں گے، راحیل شریف

    کوئٹہ: پاک فوج کے سپہ سالار جنرل راحیل شریف نے کہا ہے ملک دشمن عناصر کو باہر نکال پھینکیں گے۔

    ڈی جی آئی ایس پی آر عاصم سلیم باجواہ کے ٹوئٹ کے مطابق کوئٹہ میں آرمی چیف جنرل راحیل شریف کو ہیڈکوارٹرسدرن کمانڈمیں بلوچستان میں سیکیورٹی کی صورتحال بریفنگ دی گئی ۔

    آرمی چیف نے سیکیورٹی اداروں کی کوششوں کو سراہتے ہوئے کہا بلوچستان میں غیرملکی نیٹ ورک توڑناانٹیلی جنس ایجنسیوں کی بڑی کامیابی ہے،آرمی چیف نے کہا پاکستان کےخلاف ہرسازش متحد ہوکرنا کام بنادی جائے گی۔

    اس سے قبل کوئٹہ میں سدرن کمانڈہیڈکواٹرزکےدورے میں آرمی چیف نے کہا تھا آپریشن ضرب عضب آخری مرحلےمیں داخل ہو چکاہے، انٹیلیجنس بیسڈآپریشن کے ساتھ کا مبنگ آپریشن بھی جاری ہے۔

    آرمی چیف جنرل راحیل شریف کا کہنا تھا پاک فوج نےتن تنہا دہشتگردی کے خالف جنگ میں سب سےزیادہ قربانیاں دی ہیں، ہماری قربانیاں دنیامیں کسی بھی فوج سےزیادہ ہیں،پاک فوج کی سربراہی پر فخرہے، دہشت گردی اور انتہا پسندی کا خاتمہ کرکےدم لیں گے۔