Tag: آئی ایس پی آر

راولپنڈی : بلوچستان کے علاقے مچھ اور کولپور میں کلیئرنس آپریشن میں 24 دہشت گرد مارے گئے، ہلاک دہشت گردوں میں شہزاد بلوچ، عطااللہ، صلاح الدین اور عبدالودود شامل ہیں۔

تفصیلات کے مطابق مسلح افواج کے شعبۂ تعلقاتِ عامہ (آئی ایس پی آر) کی جانب سے بلوچستان کے علاقے مچھ اور کولپور دہشت گردحملوں کی مزید تفصیلات جاری کردی گئی۔

آئی ایس پی آر نے بتایا کہ قانون نافذ کرنیوالے اداروں کی بروقت مزاحمت سے دہشت گردوں کاحملہ پسپا ہوا، دہشت گردوں کو مؤثر آپریشن کے ذریعے نشانہ بنایا گیا۔

ترجمان کا کہنا تھا کہ گزشتہ 3 روز کے دوران کلیئرنس آپریشن میں 24 دہشت گرد مارے گئے، ہلاک دہشت گردوں میں شہزاد بلوچ، عطااللہ، صلاح الدین اور عبدالودود شامل ہیں۔

آئی ایس پی آر نے بتایا کہ مزید ہلاک دہشت گردوں کی شناخت کا عمل جاری ہے ، فائرنگ کے تبادلے میں قانون نافذ کرنیوالے اداروں کے 4 اہلکار اور 2 شہری بھی شہید ہوئے۔

پاک فوج کے ترجمان نے کہا کہ سیکیورٹی اداروں کامؤثر جواب دہشتگردی کیخلاف جنگ میں بےلوث عزم کاثبوت ہے، سیکیورٹی فورسز ملک میں امن یقینی بنانے کیلئے کندھے سے کندھا ملا کر کھڑی ہیں۔

راولپنڈی : سیکیورٹی فورسز کے ڈیرہ اسماعیل خان اور جنوبی وزیرستان میں انٹیلی جنس بیسڈ آپریشنز میں 3 دہشت گرد مارے گئے جبکہ ایک جوان شہید ہوگیا۔

تفصیلات کے مطابق پاک فوج شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ سیکیورٹی فورسز نے ڈیرہ اسماعیل خان کے علاقے کلاچی میں انٹیلی جنس بیسڈ آپریشن کیا، اس دوران شدید فائرنگ کے تبادلے کے بعد دو دہشت گرد مارے گئے۔

آئی ایس پی آر نے بتایا کہ سیکیورٹی فورسز نے جنوبی وزیرستان کے علاقے کوٹ اعظم میں بھی ایک اور کارروائی کی، جس کے دوران ایک اور دہشت گرد مارا گیا، دونوں آپریشنز میں ہلاک ہونے والے تینوں دہشت گردوں سے اسلحہ اور گولہ بارود بھی برآمد کرلیا گیا ہے۔

ترجمان کا کہنا تھا کہ ہلاک دہشت گرد سیکورٹی فورسز اور معصوم شہریوں کے خلاف دہشت گردی کی متعدد کارروائیوں میں ملوث تھے۔

دریں اثناء شمالی وزیرستان کے علاقے غریوم میں ایک دیسی ساختہ بم پھٹنے سے راولپنڈی کے 26 سالہ سپاھی سپاہی شاہ زیب شہید ہوگئے، علاقے میں ممکنہ طور پر موجود کسی بھی دہشت گرد کے خاتمے کے لئے سینی ٹائزیشن آپریشنز بھی کئے گئے۔

ترجمان کے مطابق سیکیورٹی فورسز دہشت گردی کی لعنت کے خاتمے کے لئے پرعزم ہیں اور بہادر سپاہیوں کی یہ قربانیاں ہمارے عزم کو مزید مضبوط کرتی ہیں۔

آپریشن کےنتیجےمیں 2دہشت گرد مارےگئے،آئی ایس پی آر
سیکیورٹی فورسزکی جنوبی وزیرستان کےعلاقےکوٹ اعظم میں بھی کارروائی
کارروائی کےدوران ایک دہشت گردماراگیا،آئی ایس پی آر
آپریشنزکے دوران ہتھیار،گولہ باروداوردیگرسامان برآمد ،آئی ایس پی آر
شمالی وزیر ستان کےعلاقےرزیوم میں آئی ای ڈی پھٹنےسےسپاہی شاہ زیب شہید،آئی ایس پ

علاقے میں موجودکسی بھی دہشت گردکےخاتمےکےلئےسینی ٹائزیشن آپریشنزکئےگئے
سیکیورٹی فورسزدہشت گردی کی لعنت کے خاتمے کےلئے پرعزم ہیں
بہادرسپاہیوں کی یہ قربانیاں ہمارےعزم کو مزید مضبوط کرتی ہیں

آواران : بلوچستان ضلع آواران کے علاقہ کھورو میں سیکیورٹی فورسز اور دہشت گردوں کے درمیان فائرنگ کے تبادلے میں دو دہشت گرد ہلاک اور 2 جوان شہید ہوگئے۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ بلوچستان میں سیکیورٹی فورسز اور دہشت گردوں کے درمیان فائرنگ کا تبادلہ ہوا، واقعہ بلوچستان ضلع آواران کےعلاقہ کھورومیں پیش آیا۔

آئی ایس پی آر کا کہنا تھا کہ اس دوران فورسز نے موثرانداز میں دہشت گردوں کے ٹھکانے کو نشانہ بنایا، فائرنگ کے تبادلے میں دو دہشت گرد ہلاک اور دو زخمی ہوئے۔

ترجمان نے بتایا کہ فائرنگ کے تبادلے نائب صوبیدار آصف عرفان اور سپاہی عرفان علی نے بہادری سے لڑتے ہوئے جام شہادت نوش کیا، شہید سینتیس سالہ نائب صوبیدار آصف کا تعلق اوکاڑہ سے تھا جبکہ شہید بائیس سالہ سپاہی عرفان علی سرگودھا کا رہنے والا تھا۔

آئی ایس پی آر کا کہنا ہے کہ علاقے میں ممکنہ دہشت گردوں کے خاتمے کیلئے سرچ آپریشن کیا گیا، سیکیورٹی فورسز دہشت گردی کی لعنت کے خاتمے کے لئے پرعزم ہے، ہمارے بہادرسپاہیوں کی قربانیاں عزم کو مزید مضبوط کرتی ہیں۔