Tag: آئی ایس پی آر

راولپنڈی: امریکا کے نمائندہ خصوصی برائے پاکستان اور افغانستان رچرڈ اولسن نے آرمی چیف جنرل راحیل شریف، وزیر داخلہ چوہدری نثار اور وزیرخزانہ اسحاق ڈار سے ملاقیں کیں ۔

آئی ایس پی آر کے مطابق جی ایچ کیو راولپنڈی میں ہونے والی ملاقات میں جنرل راحیل شریف اور امریکی نمائندہ خصوصی رچرڈ اولسن نے خطے کی سیکیورٹی کی اور افغانستان کی موجودہ صورتحال پر تبادلہ خیال کیا ۔

رچرڈ اولسن نے دہشت گردی کیخلاف پاکستان کی کوششوں کی تعریف کی، اس سے پہلے رچرڈ اولسن نے امریکی سفیر کے ہمراہ وزیر داخلہ چوہدری نثار سے ملاقات کی۔

ملاقات میں دو طرفہ تعلقات پر تبادلہ خیال کیا گیا جبکہ وزیر داخلہ نے ایف سولہ طیاروں کی فراہمی کے معاملے پر پاکستان کے تحفظات سے آگاہ کیا۔
رچرڈ اولسن نے افغان مفاہمتی عمل میں پاکستان کی کوششوں کو سراہا۔ رچرڈ اولسن نے وزیر خزانہ اسحاق ڈار سے بھی ملاقات کی،رچرڈ اولسن نے آئی ایم ایف پروگرام کی کامیابی پر پاکستان کو مبارک باد پیش کی۔

راولپنڈی:  آرمی چیف جنرل راحیل شریف کا دورہ چین مکمل ہوگیا، اس موقع پر دونوں جانب سے باہمی تعلقات اور اہم امور پر تبادلہ خیال کیا گیا۔

تفصیلات کے مطابق آرمی چیف آف اسٹاف جنرل راحیل شریف دو روز قبل سرکاری دورہ مکمل کر کے وطن واپس پہنچ گئے، اس دورے میں سی پیک منصوبے اور اقتصادی راہداری سمیت خطے میں امن و امان کی صورتحال حال پر تفصیلی بات چیت کی گئی۔

China Visit-Impressions;Very intense,highly productive,focused visit.Strategic relationship manifested in talks&interactions

— Gen Asim Bajwa (@AsimBajwaISPR) May 17, 2016

  ڈی جی آئی ایس پی آر میجر جنرل عاصم سلیم باجوہ نے اپنے ٹویٹر پیغام میں کہا ہےکہ آرمی چیف کا دورہ چین نہایت بامقصد اور ثمر آور رہا ، اس دورے میں دونوں ممالک کے درمیان اقتصادی تعلقات ، خطے میں امن و استحکام  کے علاوہ اہم  امور پر تبادلہ خیال کیا گیا, اس دورے سے دونوں ممالک کے درمیان اقتصادی تعلقات میں بہتری اور استحکام پیدا ہو گا۔

مزید پڑھیں : آرمی چیف راحیل شریف کی چینی وزیراعظم سے ملاقات

دو روزہ سرکاری دورے میں اقتصادی راہداری اور سی پیک منصوبے کے حوالے سے آنے والی سیکورٹی صورتحال پر تفصیلی بات کی گئی، دونوں ممالک کے سربراہان نے اس بات کا عزم کیا کہ منصوبوں کی کی تکمیل سے دونوں ممالک کو اس کے ثمرات میسر ہونگے۔

روالپنڈی: آرمی چیف نے دورہ اردن کے موقع پر شاہ عبداللہ سپیشل آپریشنز ٹریننگ سینٹر میں اسپیشل آپریشن فورسز کی مشق کا جائزہ لیا۔

آئی ایس پی ترجمان کے مطابق آرمی چیف جنرل راحیل شریف نے کہا ہے کہ پاکستان اور اردن انسداد دہشت گردی آپریشنز میں ایک دوسرے کے تجربات سے مستفید ہونگے،آرمی چیف نے مشق میں شریک اہلکاروں سے ملاقات کی اور اردن سپیشل آپریشنزفورسزکے بہترین تربیتی معیاراور پیشہ وارانہ صلاحیتوں کو سراہا۔

اس موقع پر آرمی چیف جنرل راحیل شریف کا کہنا تھا کہ دونوں ملک انسداددہشتگردی آپریشنزمیں ایک دوسرے کے تجربات سے استفادہ حاصل کریں گے۔اردن کے دورے کے دوران آرمی چیف جنرل راحیل شریف نے اردن کے شاہ عبداللہ دوئم سے ملاقات کی جس میں باہمی دلچسپی کے امور پر تبادلہ خیال کیا گیا۔

آئی ایس پی آر کے مطابق ملاقات میں باہمی دلچسپی کے امور اور خطے کی مجموعی سیکیورٹی کی صورتحال پر تبادلہ خیال کیا گیا،ملاقات کے دوران دونوں ممالک کے درمیان تعاون بڑھانے پر بھی اتفاق کیا گیا ۔

اس موقع پر اردن کے شاہ عبداللہ دوئم نے دہشت گردی کیخلاف جنگ میں پاک فوج کی کامیابیوں کو بھی سراہا۔

پشاور: آرمی چیف جنرل راحیل شریف نے کہا ہے کہ کے پی کے اور فاٹا کے عوام دہشت گردوں کےخلاف غیرمتزلزل عزم کےساتھ کھڑے ہیں ،صوبے کے عوام نے دہشت گردوں کو تنہا کردیا ہے۔

آئی ایس پی آر کے مطابق کور ہیڈ کواٹرز پشاور میں خیبر پختونخوا ایپکس کمیٹی کا اجلاس ہوا، اجلاس میں آرمی چیف جنرل راحیل شریف ،ڈی جی آئی ایس آئی میجر جنرل رضوان اختر،کور کمانڈرپشاور،گورنر کے پی کے اور وزیر اعلیٰ پرویز خٹک اور سینئر صوبائی اور فاٹا سیکرٹریٹ کے افسران نے شرکت کی۔

اجلاس میں وادی شوال میں جاری آپریشن ،کے پی کے میں انٹیلی جنس بنیادوں پرکارروائیوں اور عارضی بے گھرافراد کی واپسی اور طورخم بارڈرمینجمنٹ کاجائزہ لیاگیا۔آرمی چیف جنرل راحیل شریف نے متعلقہ اداروں اوراسٹیک ہولڈرزکے مابین ہم آہنگی کوسراہا۔آرمی چیف نےعلاقے کی تعمیر نو اور پورے سماجی اقتصادی بنیادی ڈھانچے کو بحال کرنے کےلیے قبائلی بھائیوں کے ساتھ اپنے عہد کا اعادہ کیا۔

آئی ایس پی آر ترجمان کے مطابق آرمی چیف جنرل راحیل شریف کا کہنا تھا کہ کے پی کے اور فاٹا کے عوام نے دہشت گردوں کو پیچھے دھکیل کر تنہا کر دیا ہے اور دہشت گردی کے خاتمے کے لیے ان کا عزم غیر متزلزل ہے ۔قبائلی علاقوں میں انفرا سٹرکچر دوبارہ تعمیر کیا جائے گا ۔آرمی چیف نے تمام اسٹیک ہولڈرز، تنظیموں کے درمیان ہم آہنگی کی تعریف کی اور کام کی رفتار کو تیز اور اس کی بہترین معیار کو یقینی بنانے کی ہدایت کی۔

ایپیکس کمیٹی اجلاس میں طورخم میں تمام کراسنگ پوائنٹس پر سرحدی انتظام کو بہتر بنانے،سرحد پار کرنے کے طریقہ کارکے میکنزم کونافذ کرنے،افغانستان سےبھتہ خوری کی کالز کو روکنے کا فیصلہ کیا گیا۔ایپکس کمیٹی اجلاس میں اس بات کا فیصلہ کیا گیا اس مسئلے میں تعاون کے حل کے لیے ایک اعلی سطحی وفد جلد ہی افغان حکام کے ساتھ بات کے لئے کابل کا دورہ کرے گا۔

ایپیکس کمیٹی اجلاس میں گورنر اور وزیر اعلی خیبر پختونخوا نے پاکستان آرمی کی بھرپور حمایت اور تعریف کی اور صوبے میں دہشت گردی اور انتہا پسندی سے چھٹکارا دلانے کے لئے فاٹا اور صوبائی حکومتوں کے عزم کا اعادہ کیا۔