Tag: آئی ایس پی آر

  • آپریشن ضرب عضب میں اچھی پیش رفت ہو رہی ہے، ترجمان پاک فوج

    آپریشن ضرب عضب میں اچھی پیش رفت ہو رہی ہے، ترجمان پاک فوج

    راولپنڈی: پاک فوج کے ترجمان میجر جنرل عاصم سلیم باجوہ کا کہنا ہے کہ خیبر ایجنسی میں شدت پسندوں کے خلاف کارروائی مکمل کر لی گئی ہے جبکہ شمالی وزیرستان میں کارروائی کا پہلا مرحلہ بھی مکمل ہوگیا ۔

    انہوں نے بتایا کہ آپریشن ضرب عضب میں اچھی پیش رفت ہو رہی ہے۔ ہمارے اہداف حاصل ہو رہے ہیں۔ ہم جتنا جلد ممکن ہو آپریشن کو مکمل کرنا چاہتے ہیں۔

    آئی ایس پی آر کے ترجمان عاصم سلیم باجوہ برطانوی خبر رساں ادارے سے بات چیت کرتے ہوئے کہا کہ ابتدائی مرحلے میں شدت پسندوں کی جانب سے مزاحمت کا سامنا کرنا پڑا ہے۔

    شوال میں کارروائی کے بارے میں فوجی ترجمان کا کہنا تھا کہ آپریشن کے بعد صورتحال پاک فوج کے کنٹرول میں ہے افغانستان فرار ہو جانے والے عسکریت پسندوں کے بارے میں جنرل عاصم کا کہنا تھا کہ ان کی نشاندہی کے باوجود ان کیخلاف کاروائی نہیں کی گئی۔

  • پاک فوج کو پورے ملک کی سکیورٹی پر کنٹرول حاصل ہے، عاصم سلیم باجوہ

    پاک فوج کو پورے ملک کی سکیورٹی پر کنٹرول حاصل ہے، عاصم سلیم باجوہ

    راولپنڈی : ڈی جی آئی ایس پی آرعاصم سلیم باجوہ نے کہا ہے کہ ضرب عضب آپریشن کے بعد پاک فوج کو پورے ملک کی سکیورٹی پر کنٹرول حاصل ہے ۔

    غیر ملکی اخبار کو انٹرویو دیتے ہوئے ترجمان پاک فوج میجر جنرل عاصم سلیم باجو ہ نے کہا کہ آپریشن ضرب عضب کی وجہ سے پاکستان میں اب کوئی نو گو ایریا باقی نہیں رہا ،بلکہ فوج نے تمام قبائلی علاقوں تک بھی رسائی حاصل کر لی ہے ۔

    ان کا کہنا تھا کہ دور دراز علاقوں میں پولیو کے قطرے پلانے کی مہم میں فوج سیکیورٹی فراہم کر رہی ہے۔

    ڈی جی آئی ایس پی آرنے کہا کہ قبائلی علاقوں میں پولیو کے خاتمے کے لے فنڈز دینے پر متحدہ عرب امارات کے شکرگزار ہیں،انہوں نے کہا کہ قبائلی علاقوں میں دہشتگردی کے خطرے کے باوجود پولیو مہم کامیاب رہی۔

  • جنرل راحیل شریف سے چینی نائب وزیر کی ملاقات

    جنرل راحیل شریف سے چینی نائب وزیر کی ملاقات

    راولپنڈی : پاک فوج کے سربراہ جنرل راحیل شریف سے چین کے وزارت اسٹیٹ سیکیورٹی کے نائب وزیر ڈونگ ہیزژھو نے ملاقات کی، جس میں باہمی دلچسپی کے امور پر تبادلہ خیال کیا گیا۔

    چین کے نائب وزیر برائے اسٹیٹ سیکیورٹی نے جنرل ہیڈ کوارٹرز راولپنڈی کا دورہ کیا۔

    آئی ایس پی آر کے ترجمان کے مطابق ملاقات کے دوران باہمی دلچسپی کے امور سمیت علاقائی سیکیورٹی کے معاملات اور پاک چین اقتصادی راہداری کے امور زیر غور آئے۔

    ذرائع کے مطابق پاک فوج کے سربراہ جنرل راحیل شریف کی طرف سے اس موقع پر چینی نائب وزیر کو پاکستان کےمختلف منصوبوں پر کام کرنے والے چینی انجینئروں اور حکام کی بھرپور سکیورٹی سمیت پاک چین اقتصادی راہداری کے حوالے سے بھرپور تعاون کی یقینی دہانی کرائی۔

  • جنرل راحیل شریف کی سری لنکن آرمی چیف سے ملاقات

    جنرل راحیل شریف کی سری لنکن آرمی چیف سے ملاقات

    راولپنڈی:  پاک فوج کے سربراہ جنرل راحیل شریف نے کولمبو میں سری لنکن فوج کے سربراہ سے ملاقات کی اور باہمی تعاون اور تربیت کے امورپر تبادلہ خیال کیا۔

    پاک فوج کے سربراہ جنرل راحیل شریف جو سرلنکا کے دورے پر ہیں ، انہوں نے کولمبو میں اپنے ہم منصب سری لنکن آرمی چیف لیفتیننٹ جنرل اے ڈبلیو جے سی ڈی سلوا سے ملاقات کی۔

    پاک فوج کے شعبہ تعلقات عامہ آئی ایس پی آر کے مطابق ملاقات میں باہمی دلچسپی اور پیشہ وارانہ امور، دو طرفہ دفاعی تعاون کو مزید فروغ دینے اور دہشت گردی کے خلاف جنگ میں ایک دوسرے کے تجربات سے استفادہ کرنے سے متعلق امور پر تبادلہ خیال کیا گیا۔

    اس موقع پر سری لنکن آرمی چیف نے دہشت گردی خلاف پاک فوج کے آپریشن ضرب عضب میں ملنے والی کامیابیوں کو سراہا۔

    ان کا کہنا تھا کہ آپریشن ضرب عضب میں پاکستان کی کامیابیاں قابل قدر ہیں ،شدت پسندی کے خلاف آپریشن سے خطے میں امن و امان کی صورتحال بہتر ہوگی ،سراہا۔

    آرمی چیف نے سری لنکن بحریہ کے سربراہ وائس ایڈمرل ایس جے ایم جے سے بھی ملاقات کی۔ اس سے پہلے سری لنکا کے آرمی ہیڈ کوارٹرز پہنچنے پر سری لنکن فوج کے چاک و چوبند دستے نے آرمی چیف کو گارڈ آف پیش کیا۔

  • سانحہ مستونگ کے ملزمان کیفرکردار تک پہنچائیں گے، میجرجنرل اظہرنوید

    سانحہ مستونگ کے ملزمان کیفرکردار تک پہنچائیں گے، میجرجنرل اظہرنوید

    کوئٹہ : قائم مقام کمانڈر سدرن کمانڈ میجر جنرل اظہر نوید حیات خان نے کہا ہے کہ مستونگ واقعے میں ملوث درندہ صفت لوگوں کو کیفر کردار تک پہنچانے کے لئے آخری حدتک جائیں گے ۔

    وہ سانحہ مستونگ کے اسباب اور اس سے پیدا ہونے والی صورتحال سے متعلق کوئٹہ میں منعقدہ سیکورٹی کانفرنس سے خطاب کررہے تھے۔

    آئی ایس پی آر کے مطابق کانفرنس میں آئی جی پولیس بلوچستان،ایڈیشنل آئی پولیس ،کمشنر کوئٹہ ڈویژن اور دیگر حکام نے شرکت کی ۔

    کانفرنس میں سانحہ مستونگ سے پیدا ہونے والی صورتحال سے نمٹنے کے لئے لائحہ عمل مرتب کیا گیا ،شرکاء کانفرنس نے واقعے کی مذمت کرتے ہوئے کہا کہ واقعے کے ذمہ دار بھارتی خفیہ ادارے (را) کے ایجنڈے پر عمل پیر اہیں ۔

    کانفرنس سے خطاب کرتے ہوئے قائم مقام کمانڈر سدرن کمانڈ میجر جنرل اظہر نوید حیات خان نے کہا کہ سانحہ کے ذمہ داروں کو کیفر کردار تک پہنچانے کے لئے آخری حد تک جائیں گے ۔

    انہوں نے کہا کہ عوام اپنے درمیان دشمنوں کو پہچانیں اور اپنی صفوں میں اتحاد قائم رکھیں۔

  • شمالی وزیر ستان، فضائی کارروائی میں 15 شدت پسند ہلاک

    شمالی وزیر ستان، فضائی کارروائی میں 15 شدت پسند ہلاک

    دتہ خیل : پاک فوج نے آپریشن ضرب عضب کے دوران  فضائی کارروائی کرتے ہوئے دتہ خیل میں پندرہ شدت پسندوں کو ہلاک کر دیا۔

    تفصیلات کے مطابق شمالی وزیرستان میں پاک فوج نے ایک کارروائی میں پندرہ شدت پسند موت کے گھاٹ اتار دیئے۔

    آئی ایس پی آر کے مطابق شمالی وزیرستان کے علاقے دتہ خیل میں پاک فوج نے جیٹ طیاروں سے بمباری کرکے غیر ملکی سمیت پندرہ دہشت گرد موت کے گھاٹ اتاردیئے ۔

    بمباری سے شدت پسندوں کے کئی ٹھکانے بھی تباہ ہو گئے۔

  • آرمی چیف جنرل راحیل شریف نےایئر ڈیفنس فائرنگ رینج کا دورہ کیا

    آرمی چیف جنرل راحیل شریف نےایئر ڈیفنس فائرنگ رینج کا دورہ کیا

    کراچی : آرمی چیف جنرل راحیل شریف کا کراچی کے قریب ایئر ڈیفنس فائرنگ رینج کا دورہ ایف ایم 90 کروز میزائل سمیت ہر ٹارگٹ کو نشانہ بنا سکتاہےْ

    آئی ایس پی آر کی جانب سے اعلامیے کے مطابق آرمی چیف نے ایف ایم 90ایئرڈ یفنس میزائل سسٹم سے فائرنگ کا مشاہدہ کیا ہےْ

    ایف ایم 90ایئرڈ یفنس میزائل سسٹم کو حال ہی میں فوج میں شامل کیا گیا ہے، ایف ایم 90 ایئرڈیفنس سسٹم، ڈرونز اور گائیڈڈ میزائل سمیت کئی اہداف کو نشانہ بنا سکتاہے۔

    آئی ایس پی آر کے مطابق تجربے کےساتھ ہی نئے میزائل دفاعی سسٹم کی تربیت مکمل ہوگئی۔

  • وزیرستان اور خیبرایجنسی میں کارروائی 44 دہشت گرد ہلاک

    وزیرستان اور خیبرایجنسی میں کارروائی 44 دہشت گرد ہلاک

    خیبرایجنسی : وزیرستان اور خیبر ایجنسی میں فضائی کارروائی کے دوران چوالیس دہشت گردوں کو ہلاک کر دیا گیا۔

    آئی ایس پی آر کےمطابق خیبرایجنسی کی وادی تیراہ میں فضائی کارروائی کے دوران اٹھائیس دہشت گردہلاک اور ان کے ٹھکانے تباہ کر دئے گئے ۔

    دتہ خیل میں فضائی آپریشن میں میں سولہ غیرملکی دہشت گردہلاک ہوئے شمالی وزیرستان کےمغربی علاقوں سوئی خیل منڈی اور وانا میں جیٹ طیاروں کی بمباری میں آٹھ دہشت گرد ہلا ک ہو ئے تھے۔

    سیکیورٹی ذرائع کےمطابق خیبرایجنسی کی وادی تیراہ میں دہشت گردوں کے ٹھکانوں پر جیٹ طیاروں کی بمباری سے  ان کے کئی ٹھکانے بھی تباہ کردیئے گئے۔

    پاک فوج نے خیبر ایجنسی میں آپریشن خیبر ٹو میں تیزی لاتے ہوئے بڑی کامیابی حاصل کی ہے۔

      یاد رہے کہ دسمبر2014 کو پشاور میں آرمی پبلک اسکول میں دہشت گردوں کے حملے میں 133 سے زائد بچوں سمیت 150 افراد کی ہلاکت کے بعد شدت پسندوں کے خلاف آپریشن تیز کر دیا گیا ہے۔

  • الطاف حسین کارکنوں کو اسلحہ اٹھانے پر اکساتے ہیں، عمران خان

    الطاف حسین کارکنوں کو اسلحہ اٹھانے پر اکساتے ہیں، عمران خان

    اسلام آباد : تحریک انصاف کے سربراہ عمران خان نے الطاف حسین کے بیان کو تنقید کا نشانہ بناتے ہوئے کہا ہے کہ پاک فوج کے خلاف نفرت انگیز بیان پرحکومت کی خاموشی قابل قبول نہیں۔

    کپتان ایم کیو ایم کے قائد  الطاف حسین کے بیان پر خوب گرجے اور برسے۔ عمران خان کا کہنا تھا کہ برطانوی شہری کی نفرت انگیز تقاریر سے پیمرا قوانین کی دھجیاں اڑا ئی جارہی ہیں ۔

    انہوں نے سوال کیا کہ حکومت کے بجائے آئی ایس پی آر کو کیوں بیان جاری کرنا پڑا؟ ریاستی اداروں کا دفاع حکومت کی ذمہ داری ہے۔

    ان کا کہنا تھا کہ الطاف حسین کارکنوں کو اسلحہ اٹھانے پر اکساتے رہے ہیں۔ کپتان نے وزیر اعظم کوبھی آڑے ہاتھوں لیتے ہوئے کہا کہ ان کو اپنے ملک کے بجائے دوسرے ملکوں کی سیکیورٹی پر زیادہ تشویش ہے۔

    انہوں نے کہا کہ اے پی سی میں اتفاق کیا گیا تھا کہ تمام سیاسی جماعتوں کے عسکری ونگز کے خلاف کارروائی کی جائے گی۔

    عمران خان نے کہا کہ حکومت راؤ انوار کی پریس کانفرنس پر خاموش کیوں ہےان کے ثبوتوں پر اب تک کارروائی کیوں نہیں کی گئی۔

  • دہشت گردی کےخاتمےکاعمل مکمل کریں گے، جنرل راحیل شریف

    دہشت گردی کےخاتمےکاعمل مکمل کریں گے، جنرل راحیل شریف

    جہلم : آرمی چیف جنرل راحیل شریف نے کہا ہے کہ پاک فوج کسی بھی قسم کی جارحیت کا مقابلہ کرنےکوتیارہے۔

    ان خیالات کا اظہار انہوں نے ٹلہ فائرنگ رینج کے دورے کے موقع پر کیا، آئی ایس پی آر کے مطابق آرمی چیف نے تقریب سے خطاب کرتے ہوئے کہا کہ  قوم دہشت گردی ختم کرنےکیلئےافواج پاکستان کے ساتھ ہے۔

    انہوں نے اس عزم کا اظہار کیا کہ ہرقیمت پر ملک سے دہشت گردی کےخاتمےکاعمل مکمل کریں گے، اس موقع پرآرمی چیف نے پیشہ وارانہ تربیت کےمعیارپرتوجہ مرکوزکرنے کی خصوصی ہدایت  کی،

    جنرل راحیل شریف نے کہا کہ زمانہ امن میں کی جانےوالی تیاریاں  اور مشقیں جنگ کوروکنےکی ضامن ہیں،آرمی چیف جنرل راحیل شریف نے مشقوں میں شریک جوانوں کےپیشہ وارانہ معیارکوسراہا۔ اس موقع پر آرمی چیف کو جنگی مشقوں کے حوالے سے بریفنگ بھی دی گئی۔