Tag: آئی ایم ایف شرط

اسلام آباد : حکومت نے رواں مالی سال ایم این ایز کیلئے مختص رقم میں سے بقیہ 29 ارب جاری نہ کرنے کا فیصلہ کرلیا۔

تفصیلات کے مطابق آئی ایم ایف شرط پر عملدرآمد کرتے ہوئے ایس ڈی جیز کیلئے 29 ارب روپے کی رقم روک دی۔

پلاننگ کمیشن کی دستاویز میں بتایا گیا کہ رواں مالی سال ایم این ایز کیلئے مختص رقم میں سےبقیہ 29ارب جاری نہ کرنے کا فیصلہ کیا ہے، مالی مشکلات کے باعث ایم این ایز اسکیموں کیلئے رقم جاری نہیں کی جائے گی۔

دستاویز میں کہنا ہے کہ ترقیاتی پروگرام کے تحت ایم این ایز کیلئے رواں مالی سال 90 ارب روپے مختص کیے، ایس ڈی جیز پروگرام کےتحت رواں مالی سال 61 ارب روپےکی رقم جاری کی گئی۔

ذرائع پلاننگ کمیشن نے کہا کہ گزشتہ مالی سال کے بقایا 20 ارب، رواں مالی سال کے 41 ارب روپے جاری کیے گئے تھے ، ایس ڈی جیز کیلئے رقم کی کٹوتی سے مالیاتی خسارہ کنٹرول کرنے میں مدد ملے گی۔

اسلام آباد : فیڈرل بورڈ آف ریونیو (ایف بی آر ) حکام کی آئی ایم ایف مشن کے ساتھ تکنیکی مذاکرات کی پہلی میٹنگ ہوئی ، جس میں ٹیکس چھوٹ ختم کرنے پر عملدرآمد رپورٹ تیار کرلی گئی ہے۔

تفصیلات کے مطابق ریونیو ہدف، ریفنڈزادائیگیاں اور ٹیکس چھوٹ پر عالمی مالیاتی فنڈ (آئی ایم ایف) مشن سے فیڈرل بورڈ آف ریونیو (ایف بی آر ) کے مذاکرات ہوئے۔

آئی ایم ایف شرط کے مطابق ٹیکس چھوٹ ختم کرنےپرایف بی آرکی عملدرآمد رپورٹ تیار کرلی گئی ہے، رپورٹ میں بتایا گیا کہ جولائی تاستمبرانکم ٹیکس ریفنڈز ادائیگیوں کاہدف حاصل کیا گیا ،ستمبر2023تک انکم ٹیکس ریفنڈز ادائیگیاں250 ارب روپے تک محدود ہونا تھیں۔

ایف بی آر نے ستمبر 2023 تک انکم ٹیکس ریفنڈز ادائیگیوں کو 200 ارب تک محدود کیا، آئی ایم ایف سےشیئرپلان کے مطابق انکم ٹیکس ریفنڈز ادائیگیوں میں بتدریج کم کی جا رہی ہے۔

قرض پروگرام میں رہتےہوئےایف بی آرنےپہلی سہ ماہی کےدوران ٹیکس چھوٹ نہیں دی اور آئی ایم ایف شرائط پر عملدرآمد کرتے ہوئے ایمنسٹی اسکیم بھی نہیں متعارف کرائی گئی،ذرائع

ایف بی آر حکام کی آئی ایم ایف مشن کے ساتھ تکنیکی مذاکرات کی پہلی میٹنگ تھی۔

اسلام آباد : عالمی مالیاتی فنڈ (آئی ایم ایف) کی شرط پر گھریلو گیس صارفین پر دوہرا بوجھ ڈالنے کی تیاری مکمل کرلی گئی، گیس کی قیمتوں میں اضافے کی منظوری آج دی جائے گی۔

تفصیلات کے مطابق نگران وزیر خزانہ ڈاکٹر شمشاد اختر کی زیر صدارت اقتصادی رابطہ کمیٹی کا اجلاس آج شام طلب کرلیا گیا۔

ذرائع نے بتایا ہے کہ ای سی سی اجلاس میں تین نکاتی ایجنڈے پر غور کیا جائے گا، گیس کی قیمتیں بڑھانے کی سمری آج اقتصادی رابطہ کمیٹی اجلاس میں پیش کی جائے گی۔

ذرائع نے کہا ہے کہ آئی ایم ایف کی شرط کو مد نظر رکھتے ہوئے گیس قیمتوں میں اضافہ کیا جائے گا، گھریلو صارفین سمیت صنعتی صارفین کیلئے بھی گیس قیمتوں میں اضافہ کیا جائے گا۔

ذرائع کا کہنا تھا کہ ای سی سی اجلاس میں 10 لاکھ میٹرک ٹن گندم درآمد کی اجازت دیئے جانے کا امکان ہے اور ایرا کیلئے 48 کروڑ 40 لاکھ روپے کی تکنیکی ضمنی گرانٹ کی منظوری متوقع ہے۔

خیال رہے گیس ٹیرف ایک سو تیرانوے فیصد تک بڑھانے اورگھریلو صارفین کیلئے گیس ایک سو باہتر فیصد تک مہنگی کرنے کی تجویز دی ہے۔

پروٹیکڈ صارفین کیلئے فکسڈ ماہانہ چارجز دس سے بڑھا کر چارسو روپے، برآمدی انڈسٹریز ٹیرف 950 روپے، ایکسپورٹ انڈسٹریز ٹیرف 2050 روپے، سی این جی کیلئے گیس قیمت دوہزار پانچ سو پچانوے روپے فی ایم ایم بی ٹی یو بڑھانے کی تجویزہے۔

ماہانہ دو سوکیوبک میٹر سے زائداستعمال پرفکسڈ چارجز1540 روپے بڑھانےکی تجویزدی گئی ہے جبکہ بجلی کارخانوں اور تندوروں کیلئے گیس قیمت برقرار رکھنے کی تجویز ہے، قیمتوں میں اضافے کا اطلاق یکم اکتوبر سے ہوسکتا ہے۔