Tag: آئی ایم ایف مشن چیف

اسلام آباد : عالمی مالیاتی فنڈ (آئی ایم ایف) سے معاہدے کے بعد پاکستان کیلئے اضافی 5ارب 6کروڑ ڈالر فنڈنگ کی راہ ہموار ہوگئی۔

تفصیلات کے مطابق عالمی مالیاتی فنڈ (آئی ایم ایف) پاکستان کے مشن چیف نیتھن پورٹر نے امریکی جریدے بلومبرگ سے بات چیت کرتے ہوئے کہا کہ آئی ایم ایف کی جانب سے اسٹینڈ بائی ارینجمنٹ کیلئے تین ارب ڈالر کی منظوری دی گئی ہے، جس میں سے ایک ارب بیس کروڑ ڈالر پاکستان کو فراہم کر دیے گئے ہیں۔

نیتھن پورٹر کا کہنا تھا کہ اس رقم سے الیکشن سے پہلے زرمبادلہ ذخائر کو استحکام مل سکے گا اور آئی ایم ایف معاہدے کے بعد پاکستان کو اضافی پانچ ارب ساٹھ کروڑ ڈالر کی فنانسنگ جلد مل جائے گی۔۔

آئی ایم ایف مشن چیف نے کہا کہ پاکستان کومزید رقم عالمی بینک، ایشین انفرسٹرکچرانویسٹنمنٹ بینک اوراسلامک ڈیولپمنٹ بینک سے ملے گی، اس سے پاکستان ڈیفالٹ سے بچ سکے گا اور زرمبادلہ کے ذخائر میں اضافہ ہوگا۔

ان کا کہنا تھا کہ پاکستان کو دوست ممالک سے تین ارب ڈالرسے مل چکےہیں جبکہ تین ارب سترکروڑ ڈالر جلد مل جائیں گے جبکہ فچ نے بھی پاکستان کی فنانشل ریٹنگ کو بہتر کردیا ہے۔

اسلام آباد : وزیرمملکت برائے خزانہ عائشہ غوث پاشا نے آئی ایم ایف مشن چیف کا بیان پاکستان کے داخلی معاملات میں مداخلت قرار دے دیا۔

تفصیلات کے مطابق وزیر مملکت برائے خزانہ عائشہ غوث پاشا نے میڈیا سے گفتگو کرتے ہوئے کہا کہ آئی ایم ایف مشن چیف کا بیان غیر معمولی نوعیت کا ہے، مشن چیف نیھتن پورٹرکا بیان داخلی معاملات میں مداخلت ہے۔

عائشہ غوث پاشا کا کہنا تھا کہ پاکستان قانون کے مطابق ہی چل رہا ہے،پاکستان کےاندرونی معاملات میں مداخلت آئی ایم ایف کامینڈیٹ نہیں۔

وزیر مملکت نے کہا کہ قرض پروگرام میں تاخیرپاکستان،آئی ایم ایف دونوں کے مفاد میں نہیں، وزیراعظم نےایم ڈی آئی ایم ایف کو شرائط ،پروگرام مکمل کرنےکی یقین دہانی کرائی، امید ہےنئے بجٹ سے پہلے اسٹاف لیول معاہدہ ہو جائے گا۔

انھوں نے بتایا کہ 30جون کو آئی ایم ایف پروگرام ختم ہو جائے گا، آئی ایم ایف سے ڈیل نہ ہوئی تو وزارت خزانہ آنکھیں بند کرکے نہیں بیٹھی،ہروقت پلان بی بھی ہوتا ہے لیکن ہماری ترجیح آئی ایم ایف پروگرام ہے۔

بجٹ کے حوالے سے عائشہ غوث پاشا نے کہا کہ نئے مالی سال کا بجٹ الیکشن ایئر بجٹ ہوگا، نیا بجٹ 9 جون کے حساب سے تیار کیا جارہا ہے، نئے بجٹ میں عوام کو ریلیف دیا جائے گا۔

وزیر مملکت برائے خزانہ کا کہنا تھا کہ کوشش ہوگی عام آدمی پر مزید بوجھ نہ ڈالا جائے،آئی ایم ایف پاکستان کو ٹارگٹڈ سبسڈی کی اجازت دیتا ہے۔