Tag: آئی ایم ایف پروگرام

اسلام آباد : بھارت کی جانب سے آئی ایم ایف پروگرام کو سیاست زدہ کرنے کی کوشش ناکام ہوگئی، آئی ایم ایف پروگرام کے خلاف منفی بیانیہ بھارت کی عالمی قوانین کی خلاف ورزی ہے۔

تفصیلات کے مطابق بھارت کو عالمی سطح پر ایک اور ناکامی کا سامنا ہے، بھارت کی جانب سے آئی ایم ایف پروگرام کو سیاست زدہ کرنے کی کوشش ناکام ہوگئی۔

ذرائع نے بتایا کہ پاکستان نے بھارت کی جانب سے اس اقدام کو مسترد کر دیا، پاکستان معاشی ترقی کے لیے آئی ایم ایف کے ساتھ مل کر کام کرنا چاہتا ہے اور میکرو اکنامک استحکام کو برقرار رکھنے کے لیے پورے عزم سے کام کررہا ہے۔

ذرائع کا کہنا تھا کہ آئی ایم ایف پروگرام کے خلاف منفی بیانیہ بھارت کی سندھ طاس معاہدے کی غیر قانونی معطلی کی طرح عالمی قوانین کی خلاف ورزی ہے،بھارت کا یہ رویہ خطے میں عدم استحکام کا باعث بن رہا ہے۔

ذرائع نے کہا کہ بھارتی عدم برداشت خطے میں توازن کو خراب کر رہی ہے،آئی ایم ایف پروگرام میں بھارتی مداخلت کسی صورت منظورنہیں، پاکستان اپنی معیشت کو مسلسل مستحکم کرنےکی کوششیں کررہاہے، بھارت مسلسل عالمی قوانین اوردوسرے ملکوں کے حقوق کی خلاف ورزی کررہا ہے۔

مشیر وزارت خزانہ خرم شہزاد نے خبر رساں ایجنسی روئٹر کو انٹرویو میں کہا کہ پاکستان کیلئے آئی ایم ایف کا پروگرام ٹریک پر ہے، بھارت اپنے مفاد اور سیاست کیلئے آئی ایم ایف کو سیاست زدہ کرنے کی کوشش کررہا ہے، جو بھارت کے اپنے لئے شرمندگی کا باعث ہے، آئی ایم ایف کبھی سیاست کا شکار نہیں ہوا۔

یاد رہے ایک سرکاری ذریعے نے روئٹرز کو بتایا تھا کہ بھارت نے پاکستان کو دیے گئے قرضوں پر آئی ایم ایف کے ساتھ تحفظات کا اظہار کیا اور اس پر نظرثانی کا مطالبہ کیا تھا۔

کراچی : گورنر اسٹیٹ بینک جمیل احمد کا کہنا ہے کہ حکومت نے آئی ایم ایف پروگرام کی تمام مالی یقین دہانیاں حاصل کرلیں ،ستمبر میں اپنا مقدمہ پیش کریں گے۔

تفصیلات کے مطابق گورنراسٹیٹ بینک جمیل احمد نے ماہرین کی پوسٹ مانیٹری پالیسی پر بریفنگ دیتے ہوئے کہا کہ حکومت نےآئی ایم ایف پروگرام کی تمام مالی یقین دہانی حاصل کرلی ہیں، آئی ایم ایف پروگرام کے حصول میں مزیدکوئی رکاوٹ نہیں ہے۔

جمیل احمد کا کہنا تھا کہ پاکستان ستمبر2024 میں آئی ایم ایف اجلاس میں اپنا مقدمہ پیش کرےگا، پاکستان کورواں مالی سال26.20ارب ڈالراداکرنےہیں اور مالی سال کی ادائیگیوں میں16.3ارب ڈالررول اوور ہوں گے۔

گورنر اسٹیٹ بینک نے کہا کہ مارچ تک14.1ارب ڈالرواجب اداہوں گے، مارچ تک8.3ارب ڈالررول اوورہونگے اور مارچ تک بقایا5.8ارب ڈالرماہانہ80کروڑسے1ارب ڈالراداکرِیں گے۔

انھوں نے بتایا کہ جولائی سےستمبرتک4ارب ڈالرسیٹل کرچکےہیں، جولائی سےستمبرتک1.7ارب ڈالرادا،2.3ارب ڈالررول اوور کئے۔

خیال رہے آئی ایم ایف بورڈ میٹنگ پچیس ستمبر کو طے پا گئی ہے، آئی ایم ایف پاکستان کے لیے مزید قرض پروگرام کی توثیق کرے گا۔

انٹرنیشنل مانیٹری فنڈ کی ڈائریکٹر جولی کوزیک نے اشارہ دے دیا ہے ، آئی ایم ایف سے سات ارب ڈالر قرض پروگرام تین سال کیلئے ہوگا۔

لاہور : وزیر اعلیٰ پنجاب مریم نواز نے آئی ایم ایف کے مثبت ردعمل کو معاشی ترقی کیلئے خوش آئند قرار دیتے ہوئے کہا کہ حالیہ پروگرام آخری ثابت ہوگا۔

تفصیلات کے مطابق وزیر اعلیٰ پنجاب مریم نواز نے آئی ایم ایف ایگزیکٹوبورڈاجلاس کیلئےوزیراعظم کی کاوشوں کوخراج تحسین پیش کرتے ہوئے آئی ایم ایف کےمثبت ردعمل کومعاشی ترقی کیلئےخوش آئند قرار دے دیا۔

مریم نواز نے کہا کہ وزیر اعظم اورانکی ٹیم نےمعاشی بحران سےنمٹنےکیلئےناقابل فراموش کرداراداکیا، پاکستان کی معیشت بلندپروازکےلئےٹیک آف پوزیشن میں آچکی ہے، آئی ایم ایف کاحالیہ پروگرام آخری ثابت ہوگا اور وہ وقت دورنہیں جب پاکستان کامعاشی قوت کےطورپرظہورہوگا۔

وزیراعلیٰ پنجاب کا کہنا تھا کہ حکومت نوازشریف کی قیادت میں عوام کومعاشی مشکلات کےحل کیلئےکوشاں ہے ، معیشت کامستحکم ہونےکےبعدترقی کی جانب گامزن ہوناخوش آئندامرہے۔

انھوں نے کہا کہ مسلم لیگ ن ہی پاکستان کےعوام کی امیدوں کامحورہے، معاشی پالیسی ریٹ میں کمی سےکاروبار اورمعیشت پرمثبت اثرات مرتب ہوں گے ، سرمایہ کاروں کا اعتماددن بدن بڑھ رہا ہے۔

انھوں نے مزید بتایا کہ پنجاب میں ضروری اشیا خوردونوش کےنرخ دیگرصوبوں کی نسبت سب سےکم ہیں ، مہنگائی میں کمی آنے سے عوام نے سکھ کا سانس لیا۔

کراچی : آئی ایم ایف پروگرام کے بعد سرمایہ کاروں کا اعتماد بحال ہوگیا ، پروگرام سے اب تک 100انڈیکس میں 10.78فیصدکا اضافہ ہوچکا ہے۔

تفصیلات کے مطابق پاکستان اسٹاک ایکسچینج کی ہفتہ وار رپورٹ جاری کردی گئی ، رپورٹ میں بتایا کہ پاکستان اسٹاک ایکسچینج کےکاروباری ہفتے میں مثبت رجحان رہا۔

رپورٹ میں کہنا تھا کہ آئی ایم ایف پروگرام کے بعد سرمایہ کاروں کا اعتماد بحال ہوا اور آئی ایم ایف پروگرام کے بعد اب تک 100انڈیکس میں 10.78فیصدکا اضافہ ہوچکا ہے۔

ایک ہفتے میں 100 انڈیکس 853 پوائنٹس اضافے سے 45920 پر بند ہوا، اس عرصے میں 1 ارب 78 کروڑ شیئرز کا کاروبار کیا گیا جبکہ 45 ہزار 61 کروڑ روپے مالیت کا کاروبار کیا گیا اور مارکیٹ کیپٹلائزیشن ایک ہفتے میں 91 ارب بڑھ کر6963 ارب روپے ہوگیا۔

خیال رہے گذشتہ روز پاکستان اسٹاک مارکیٹ میں مثبت رجحان رہا تھا اور ہنڈرڈ انڈیکس چھیالیس ہزار کی نفسیاتی حد کو ٹچ کر گیا تھا، انڈیکس پانچ سو بائیس پوائنٹس اضافےکے ساتھ پینتالیس ہزار نو سو بیس پوائنٹس پر بند ہوئی۔

ماہرین کا کہنا تھا اسٹاک مارکیٹ میں تیزی کی وجہ آئی ایم ایف معاہدہ ہے، جس کی وجہ سے سرمایہ کاروں کا اعتماد بحال ہوا ہے۔

اسلام آباد : تحریک انصاف نے آئی ایم ایف پروگرام پر رد عمل دیتے ہوئے کہا معاہدے تک پہنچنے کیلئے قوم ایک سال سے پی ڈی ایم کی نااہلی کا بوجھ برداشت کر رہی ہے۔

تفصیلات کے مطابق ترجمان تحریک انصاف نے آئی ایم ایف پروگرام پر رد عمل دیتے ہوئے کہا کہ شہبازشریف اورکابینہ معاہدےپرایسےجشن منارہےجیسے3 ارب ڈالرخیرات کی صورت ملنےوالےہوں، پی ڈی ایم کے مطابق تمام معاشی مسائل کا حل صرف آئی ایم ایف پروگرام میں ہے۔

ترجمان کا کہنا تھا کہ پی ٹی آئی حکومت میں یہی لوگ آئی ایم ایف کیساتھ معاہدے کوملک دشمنی قرار دیتے تھے، معاہدے تک پہنچنے کیلئے قوم ایک سال سے پی ڈی ایم کی نااہلی کا بوجھ برداشت کر رہی ہے ، آئی ایم ایف ایگزیکٹوبورڈ 12 جولائی کو اجلاس میں اسٹاف لیول معاہدے کی منظوری دے گا۔

پی ٹی آئی نے کہا کہ روس سےسستا تیل آنے کے باوجود ڈیزل کی قیمت میں 7روپے50پیسےاضافہ کیاگیا، اسحاق ڈار خود بتا چکےپٹرولیم لیوی کی مد میں پٹرولیم مصنوعات کی قیمتیں مزید بڑھائی جائیں گی۔

ترجمان کے مطابق آئی ایم ایف پروگرام کا طےہونا مثبت پیش رفت ہے لیکن اس کے آگے کیا کرنا ہے؟ حکومت کے پاس کوئی فنڈز نہیں، ترجیح صرف آئی ایم ایف اوردیگر ممالک سےرقم اکٹھی کرنا ہے، ترجمان

تحریک انصاف نے مزید کہا کہ معاشی اصلاحات کے حوالےسے پی ڈی ایم حکومت کے پاس کوئی روڈ میپ نہیں، ایسا لگتا ہے حکومت کاپلان بی محض بیرونی سرمایہ کاری کے ذریعے معیشت کو سدھارنا ہے۔