Tag: آئی ایم ایف

اسلام آباد : وزیراعظم شہباز شریف نے آئی ایم ایف کی آخری قسط کے اجرا پر اظہار اطمینان کرتے ہوئے کہا کہ قرض لینا کامیابی نہیں، کامیابی اس دن ہوگی جب قرض سے نجات پائیں گے۔

تفصیلات کے مطابق وزیراعظم شہباز شریف نے آئی ایم ایف کی آخری قسط کے آج اجرا پر اظہار اطمینان کیا۔

شہباز شریف نے کہا کہ آئی ایم ایف کی 1.1 ارب ڈالر کی آخری قسط ملنے سے ملک میں مزید معاشی استحکام آئے گا ، 2016 میں قائد نوازشریف نے آئی ایم ایف پروگرام مکمل کیا تھا، اب ایس بی اے دوسرا پروگرام مکمل ہورہا ہے۔

وزیراعظم کا کہنا تھا کہ پاکستان کو ڈیفالٹ سے بچانے میں آئی ایم ایف سے معاہدہ اہم ثابت ہوا تھا ، پاکستان کے معاشی تحفظ کیلئے تلخ اور مشکل فیصلے کیے، مشکل فیصلوں کےثمرات معاشی استحکام کی صورت سامنے آرہے ہیں۔

انھوں نے کہا کہ اللہ نے معیشت کو بہتر بنانے کا موقع دیا ہے، معیشت کو بہتر بنانے کیلئے پوری جان لڑائیں گے، ملک کو معاشی ترقی دلائیں گے، قرض لینا کامیابی نہیں، کامیابی اس دن ہوگی جب قرض سےنجات پائیں گے۔

وزیراعظم نے وزیرخزانہ محمد اورنگزیب سمیت تمام معاشی ٹیم کی کاوشوں کی تعریف کرتے ہوئے کہا کہ اسی جذبے سے محنت جاری رہی توقرض سے نجات ، معاشی خوشحالی کا دور جلد آئے گا۔

انھوں نے ایم ڈی آئی ایم ایف کا بھی شکریہ ادا کرتے ہوئے کہا کہ جنہوں نے پاکستان کا مشکل وقت میں ساتھ دیا۔

واشنگٹن : انٹرنیشنل مانیٹری فنڈ (آئی ایم ایف) نے 29 اپریل کو ہونے والے ایگزیکٹو بورڈ اجلاس کے شیڈول میں پاکستان کو شامل نہیں کیا۔

تفصیلات کے مطابق بین الاقوامی مالیاتی فنڈ آئی ایم ایف کے ایگزیکٹیو بورڈ کا 29 اپریل تک کا شیڈول جاری کردیا گیا ، آئی ایم ایف بورڈاجلاس کےایجنڈےمیں فی الحال پاکستان کا اقتصادی جائزہ شامل نہیں۔

پاکستان ایگزیکٹو بورڈ سے منظوری کی امید کر رہا ہے ، جس سے ملک کو تقریباً 1.1 بلین ڈالر کے فنڈز حاصل کرنے کی راہ ہموار ہوگی۔

پاکستان اور آئی ایم ایف کے درمیان اسٹاف لیول معاہدہ 20 مارچ 2024 کو طے پایاتھا ، ایگزیکٹو بورڈ کی منظوری سے پاکستان کو 1.1ارب ڈالرکی آخری قسط ملے گی۔

آخری قسط کی حتمی منظوری کے ساتھ ہی 3ارب ڈالر کا اسٹینڈبائی ارینجمنٹ ختم ہوجائے گا ، ایگزیکٹیو بورڈ کا اجلاس اپریل کے آخر میں بلانے کا عندیہ دیا تھا۔

قبل ازیں وزیر خزانہ محمد اورنگزیب نے رائٹرز کو بتایا تھا کہ پاکستان کو امید ہے کہ مئی میں بین الاقوامی مالیاتی فنڈ کے نئے قرضے پر اتفاق ہو جائے گا۔

وفاقی وزیر خزانہ محمد اورنگزیب کا کہنا تھا کہ پاکستان کو کم ازکم 6 ارب ڈالر قرض پروگرام کی توقع ہے، آئی ایم ایف سے موجودہ قرض پروگرام اپریل کے آخر میں ختم ہو گا۔

انھوں نے بتایا تھا کہ قرضوں کی واپسی کیلئے ریٹنگ ایجنسیوں کے ساتھ بات چیت کا آغاز کر دیا ہے ، پاکستان میکرو اکنامک استحکام کیلئے اصلاحاتی ایجنڈے کو انجام دے رہا ہے اقتصادی ترقی کیلئے ضروری ڈھانچہ جاتی اصلاحات کی جا رہی ہیں اصلاحاتی ایجنڈے کو جاری رکھنے کیلئےطویل اور بڑا قرض پروگرام ضروری ہے۔

اسلام آباد : حکومت نے آئی ایم ایف کو نجکاری پروگرام پر کام تیز کرنے کی یقین دہانی کرادی ، 25 ادارے نجکاری کی فعال فہرست میں شامل ہیں۔

تفصیلات کے مطابق وزیرخارجہ اسحاق ڈارنے کابینہ کی نجکاری کمیٹی کا پہلا اجلاس کل طلب کرلیا، کابینہ نجکاری کمیٹی کے اجلاس میں2 نکاتی ایجنڈے پرغور کیا جائے گا۔

ذرائع نے بتایا کہ اجلاس میں نجکاری پالیسی کی تشکیل کی سمری پیش کی جائے گی، نجکاری پروگرام کی موجودہ صورتحال کا جائزہ ایجنڈے میں شامل ہیں جبکہ نجکاری کےجاری پروگرام کی پیشرفت کا جائزہ لیا جائے گا۔

ذرائع کا کہنا ہے کہ حکومت کی آئی ایم ایف کونجکاری پروگرام پرکام تیز کرنے کی یقین دہانی کرادی ہے ، 25 ادارے نجکاری کی فعال فہرست میں شامل ہیں۔

ذرائع نے کہا کہ ہوا بازی شعبےکا ایک ادارہ پی آئی اے نجکاری فہرست میں شامل ہیں ، اس کے علاوہ فنانشل اور ریئل اسٹیٹ سےمتعلق4،4ادارے، انڈسٹریل سیکٹرکے2 ادارے ، توانائی شعبےکے14 ادارے نجکاری پروگرام کا حصہ ہیں۔

نجکاری کے پروگرام میں اسٹیٹ لائف انشورنس کارپوریشن ، بلوکی، حویلی بہادر،گدو اورنندی پورپاورپلانٹس سمیت تمام 10 سرکاری بجلی تقسیم کار کمپنیاں فعال نجکاری فہرست میں شامل ہیں۔

ہاؤس بلڈنگ فنانس کارپوریشن،فرسٹ ویمن بینک ، پاکستان انجینئرنگ کمپنی اور سندھ انجینئرنگ لمیٹڈ بھی فہرست میں شامل ہیں۔