Tag: آئی ایم ایف

اسلام آباد: پاکستان اور عالمی مالیاتی فنڈ (آئی ایم ایف) کے درمیان قلیل مدتی قرض پروگرام کے جائزہ مذاکرات کا پہلا دور مکمل ہوگیا جس کے بعد آئی ایم ایف نے ڈو مور کا مطالبہ کیا ہے۔

پاکستان اور عالمی مالیاتی فنڈ (آئی ایم ایف) نے کھاد کارخانوں کو رعایتی نرخ پر گیس کی فراہم بند کرنے اور ٹیکس چوری روکنے کیلئے اقدامات کی ہدایت کردی۔

ذرائع وزارت خزانہ نے بتایا کہ آئی ایم ایف وفد نے فرٹیلائزر پلانٹس کو سستی گیس کی فراہمی پر تشویش کا اظہار کیا ہے اور فرٹیلائزر پلانٹس کو سستی گیس کی فراہمی کو جلد ختم کرنے کا مطالبہ بھی کیا ہے۔

آئی ایم ایف نے رئیل اسٹیٹ سیکٹر، مینوفیکچرر شعبے اور ریٹیلرز پر مزید ٹیکس لگانے اور رئیل اسٹیٹ سیکٹر کو دستاویزی بنا کر ٹیکس سسٹم میں لانے کا مطالبہ بھی کیا۔

قرض پروگرام کی آخری قسط: پاکستان اور آئی ایم ایف کے درمیان مذاکرات کا آغاز آج سے ہوگا

ذرائع نے بتایا کہ آئی ایم ایف نے عالمی مارکیٹ میں کموڈیٹی پرائس مستحکم اور پاکستان میں نرخ بڑھنے پر بھی تشویش کا اظہار کیا ہے۔

آئی ایم ایف وفد کی وزیر توانائی، ایف بی آر افسران اور بے نظیر انکم سپورٹ پروگرام حکام سے میٹنگز ہوئیں، جس میں وزارت توانائی حکام کی گردشی قرضہ، ٹیرف آؤٹ لُک، کاسٹ سائیڈ ریفامز پر بریفنگ دی گئی جبکہ ایف بی آر حکام نے ٹیکس ایڈمنسٹریشن اور ٹیکس پالیسی پر بریفنگ دی۔

ذرائع وزارت خزانہ نے بتایا کہ بے نظیر انکم سپورٹ پروگرام میں رجسٹرڈ افراد، آؤٹ لُک اور ڈویلپمنٹ پر وفد کو بریفنگ دی گئی اس کے علاوہ وفد کو رئیل اسٹیٹ سیکٹر میں ٹیکسیشن اور ریٹیلرز کیلئے ٹیکس میکنزم پر بریفنگ دی۔

ذرائع نے بتایا کہ رئیل سیکٹر پر آئی ایم ایف وفد کی اسٹیٹ بینک حکام سے بات چیت ہوئی، آئی ایم ایف وفد نے رئیل اسٹیٹ سیکٹر کو دستاویزی بنا کر ٹیکس سسٹم میں لانے کا مطالبہ کیا ہے۔

اسلام آباد : قرض پروگرام کے لیے پاکستان اور آئی ایم ایف کے درمیان مذاکرات کا آغاز آج ہوگا، آخری قسط میں پاکستان کو1.1ارب ڈالر مل جائیں گے۔

تفصیلات کے مطابق آئی ایم ایف کا جائزہ مشن مذاکرات کیلئے پاکستان پہنچ گیا،قرض پروگرام کیلئے پاکستان کے آئی ایم ایف وفد سے مذاکرات کا آغاز آج سے ہوگا۔

مذاکرات میں آئی ایم ایف کے موجودہ قرض پروگرام کی آخری قسط سے متعلق بات چیت کی جائے گی، پاکستان نے موجودہ قرض پروگرام کی آخری قسط کیلئے تمام اہداف پورے کرلیے ہیں۔

ذرائع کا کہنا ہے کہ آئی ایم ایف کا وفد وزیر خزانہ محمد اورنگزیب سے تعارفی ملاقات کرے گا ،ملاقات میں گورنر اسٹیٹ بینک اور سیکرٹری خزانہ بھی شامل ہوں گے، ملاقات کے بعد مذاکرات کا باقاعدہ آغاز ہوگا، ذرائع

وزارت خزانہ کے اعلامیے میں کہا گیا ہے کہ آئی ایم ایف کےساتھ بات چیت آج سے اٹھارہ مارچ تک ہوگی، آئی ایم ایف پاکستان سے موجودہ اور نئے قرض پروگرام پر بات کرے گا۔

ذرائع نے بتایا ہے کہ موجودہ قرض پروگرام کی آخری قسط لینےکےلیےمزیدکوئی شرط عائد نہیں ہوگی، موجودہ قرض پروگرام کےتحت کوئی نیا منی بجٹ نہیں آئے گا۔

وزیرخزانہ محمداورنگزیب کا کہنا تھا کہ آئی ایم ایف سے قرض پروگرام کی آخری قسط میں کوئی رکاوٹ نہیں، آئی ایم ایف سےملکی تاریخ کا سب سے طویل مدت کا پروگرام لینا چاہتے ہیں۔

انھوں نے کہا تھا کہ ٹیکس نظام میں شفافیت حکومت کی اولین ترجیحات میں شامل ہے، قومی آمدنی میں ٹیکس کا حصہ دس فیصد تک پہنچانا چاہتے ہیں۔

محمداورنگزیب نے مزید کہا تھا کہ کوئی سوئچ نہیں جودبائیں تو معاشی استحکام کےثمرات شروع ہوجائیں، حکومت کو سب سے پہلے اپنے گھر کو درست کرنا ہوگا،اپنے اخراجات میں کمی لاناہوگی۔

اسلام آباد : پاکستان نے آئی ایم ایف کےپاس قرض کےنئےپروگرام میں جانے کا فیصلہ کرلیا، قرض کا نیا پروگرام آئی ایم ایف کی کڑی شرائط پر ملنے کا امکان ہے۔

تفصیلات کے مطابق نئی حکومت نے آئی ایم ایف کے پاس قرض کے نئے پروگرام میں جانے کا فیصلہ کرلیا ، وزارت خزانہ نے وزیراعظم کی ہدایات پر اقدامات شروع کردیئے ہیں۔

ذرائع نے بتایا کہ آئی ایم ایف سےبات چیت کیلئےفوری رجوع کیا جائے گا، قرض کا نیا پروگرام 6 سے 8 ارب ڈالرز کا ہوسکتا ہے تاہم قرض کا نیا پروگرام آئی ایم ایف کی کڑی شرائط پر ملنے کا امکان ہے۔

ذرائع وزارت خزانہ کا کہنا ہے کہ آئی ایم ایف کیساتھ مذاکرات کیلئےشیڈول طےکیاجائےگا، آئی ایم ایف کےنئےپروگرام میں جاناناگزیر ہے، بڑھتے قرضے اور لئے گئے قرضوں کی ادائیگی بڑا چیلنج ہے۔

ذرائع وزارت خزانہ نے کہا ہے کہ برآمدات میں اضافے،مقامی وسائل پیداکرنےتک آئی ایم ایف پروگرام میں رہناضروری ہے، توازن ادائیگی اور ذخائرمستحکم رکھنےکےلئےآئی ایم ایف پروگرام میں جاناہوگا۔

حکومت کو بجلی،گیس کی قیمتوں میں اضافے کےمزید سخت فیصلےکرنا ہوں گے جبکہ بیرونی مالیاتی خطرات کامقابلہ کرنےکیلئے مارکیٹ ایکسچینج ریٹ اہم ہے۔

معاشی اصلاحات پرپیش رفت اورسخت مانیٹری پالیسی کی ضرورت ہوگی جبکہ خسارے کاشکار سرکاری اداروں میں اصلاحات درکارہیں ساتھ ہی ماحولیاتی تبدیلیوں کامقابلہ کرنے کےاقدامات کرنا ہوں گے۔

آئی ایم ایف کا موجود قرض پروگرام بھی مکمل کرنا ہوگا ،آئی ایم ایف کاقلیل مدتی قرض پروگرام اپریل میں ختم ہوگا، قلیل مدتی پروگرام کےتحت دوسراجائزہ مذاکرات ابھی ہوناباقی ہے۔

آئی ایم ایف کے ساتھ دوسرے جائزہ مذاکرات رواں ماہ ہونےکا امکان ہے، موجودہ قرض پروگرام کے تحت پاکستان کو 1ارب20 کروڑڈالرز ملناباقی ہیں۔

اسلام آباد : آئی ایم ایف کا مذاکراتی وفد منتخب حکومت بننے کے بعد فروری کے آخری ہفتے یا مارچ کے اوائل میں پاکستان آئے گا۔

تفصیلات کے مطابق آئی ایم ایف کو پاکستان میں بننے والی نئی منتخب حکومت سے مذاکرات کی جلدی ہے، آئی ایم ایف کا مذاکراتی وفد منتخب حکومت بننے کے بعد فروری کے آخری ہفتے یا مارچ کے اوائل میں پاکستان آئے گا۔

ذرائع کا کہنا ہے کہ موجودہ قرض پروگرام کی آخری قسط کے لیے صرف نئی منتخب حکومت سے ہی بات چیت ہوگی، آئی ایم ایف کا وفد نگراں حکومت سے آخری قسط کے لیے مذاکرات کرنے میں سنجیدہ نہیں۔

موجودہ قرض پروگرام کے تحت آخری قسط میں ایک ارب دس کروڑ ڈالر موصول ہونا ہیں، نگران حکومت نے آئی ایم ایف کے تمام اہداف حاصل کر لئے ہیں، نگران حکومت کی کارکردگی کی وجہ سے منتخب حکومت کو بات چیت میں آسانی ہوگی۔

آئی ایم ایف اورنئی منتخب حکومت میں بات چیت فروری کے آخری ہفتے یا مارچ کے پہلے ہفتے میں ہو سکتی ہے۔

خیال رہے آئی ایم ایف 3 ارب ڈالر پروگرام میں پاکستان کو 1.9 ارب ڈالر قرض دے چکا ہے ، جولائی میں آئی ایم ایف نے کہا تھا آخری جائزہ رپورٹ نئی حکومت کیساتھ ہو گی۔

موجودہ آئی ایم ایف اسٹینڈ بائی پروگرام 12 اپریل کو ختم ہو رہا ہے، مارچ تک دوسرا جائزہ مکمل ہو جاتا ہے تو1.1 ارب ڈالر اپریل تک ملنے کی امید ہے۔

اسلام آباد : آئی ایم ایف نے پی آئی اے کی نجکاری کیلئے قرض ری شیڈولنگ پلان منظور کر لیا، پی آئی اے کے قرض ری شیڈول پلان کیلئے حتمی منظوری وفاقی کابینہ سے لی جائے گی۔

تفصیلات کے مطابق آئی ایم ایف نے پی آئی اے کی نجکاری کیلئے قرض ری شیڈولنگ پلان منظور کر لیا۔

نجکاری کمیشن کے ذرائع کا کہنا ہے گزشتہ روز وزارت نجکاری وخزانہ کے حکام اور آئی ایم ایف کے درمیان ورچوئل مذاکرات کامیاب رہے، پی آئی اے کے قرض ری شیڈول پلان کیلئے حتمی منظوری وفاقی کابینہ سے لی جائے گی۔

ذرائع نے بتایا کہ آئی ایم ایف نے پی آئی اے کی نجکاری کا پلان منظور کر لیا، آئی ایم ایف نے ایک سال کیلئے حکومت پاکستان کو پی آئی اے قرض پر سود ادا کرنے کیلئے اتفاق کیا ہے، دوسو اسی ارب قرض پر بینکوں کو حکومت پاکستان بارہ فیصد شرح سود پر ایک سال کیلئے ادا کرے گی۔

ذرائع کے مطابق آئی ایم ایف نے کہا ہے بینکوں کو پی آئی اے کے قرض پر سود کی ادائیگیوں کا بوجھ ایک سال سے زائد عرصے کیلئے نہیں ہوگا، پی آئی اے کی نجکاری ایک سال کے عرصے میں کرکے قرض ادائیگیوں کا پلان مرتب کیا جائے گا۔

نجکاری کمیشن ذرائع کا کہنا تھا کہ نجکاری کے بعد روزویلٹ ہوٹل اور پی آئی اے کے ڈیوڈنڈ سے قرض ادائیگیوں کا پلان مرتب کیے جانے کا امکان ہے، کابینہ سے منظوری پر کمرشل بینکوں کیجانب سے پی آئی اے پر ادائیگیوں کا چارج ختم ہونے سے نجکاری جلد ہو گی۔

پی آئی اے قرض ری شیڈولنگ پلان پر رواں ہفتے کے دوران آئی ایم ایف سے مزید بھی بات چیت جاری رہے گی۔