Tag: آئی ایم ایف

اسلام آباد : پاکستان نے عالمی مالیاتی فنڈ(آئی ایم ایف) کو آئندہ مالی سال کے دوران پٹرولیم مصنوعات پر لیوی بڑھانے کی یقین دہانی کرادی۔

تفصیلات کے مطابق پاکستان کی جانب سے آئندہ مالی سال کے دوران آئی ایم ایف کو پٹرولیم مصنوعات پر لیوی بڑھانے کی یقین دہانی کرادی گئی۔

ایم ای ایف پی دستاویز میں بتایا گیا کہ پٹرولیم مصنوعات پر لیوی کا ہدف ایک ہزار پینسٹھ ارب روپے تک مقرر کیا جائے گا، رواں مالی سال پٹرولیم لیوی کا ہدف آٹھ سو انہتر ارب روپے سے بڑھا کر نو سو اٹھارہ ارب کیا جا سکتا ہے۔

ذرائع وزارت خزانہ کا کہنا ہے کہ آئندہ مالی سال کے دوران فی لیٹر پٹرولیم مصنوعات پر لیوی بڑھائی جا سکتی ہے، منتخب حکومت سے پہلے اگر یہ فیصلہ کیا گیا تو آرڈیننس بھی لایا جا سکتا ہے۔

ذرائع نے بتایا کہ پٹرولیم مصنوعات کی کھپت بڑھنے سے بھی نو سو آٹھارہ ارب روپے لیوی کا ہدف حاصل کیا جا سکتا ہے۔

دستاویز کے مطابق آئی ایم ایف نے رواں مالی سال کیلئے مزید لیوی بڑھانے کا مطالبہ بھی کیا ہے، وزارت خزانہ اور آئی ایم ایف ،ایم ای ایف پی ڈرافٹ میں ہدف بڑھانے پر متفق ہیں۔

اسلام آباد : عالمی مالیاتی فنڈ (آئی ایم ایف) نے وفاقی ترقیاتی پروگرام پر نظر ثانی کا مطالبہ کردیا اور منصوبوں کے انتخاب کیلئے 5 سالہ پالیسی بنانے کی تجویز دے دی۔

تفصیلات کے مطابق عالمی مالیاتی فنڈ (آئی ایم ایف) نے پاکستان کےوفاقی ترقیاتی پروگرام پر تحفظات کا اظہار کردیا اور کہا پاکستان کاترقیاتی پروگرام دسترس سے باہر ہوگیا۔

آئی ایم ایف نے وفاقی ترقیاتی پروگرام پرنظرثانی کا مطالبہ کرتے ہوئے کہا ہے کہ ترقیاتی منصوبوں کے انتخاب کیلئے پانچ سالہ پالیسی بنائی جائے اور منصوبوں کوفنڈزجاری کرنے کا طریقہ کارتیارکرکے شائع کیا جائے۔

آئی ایم ایف کی پبلک انویسٹمنٹ مینجمنٹ اسیسمنٹ رپورٹ میں کہا گیا ہے تمام ترقیاتی منصوبوں کو مکمل کرنے کیلئے دس اعشاریہ سات ٹریلین روپے درکارہیں، منصوبوں کیلئے درکار فنڈنگ ترقیاتی بجٹ سے چودہ گنا زیادہ ہے۔

رپورٹ میں کہنا تھا کہ گزشتہ بجٹ میں حکومت نے دو اعشار یہ تین ٹریلین روپے کے نئے ترقیاتی منصوبےشروع کئے، ترقیاتی منصوبوں کی منظوری سے قبل ٹیکنیکل اسیسمنٹ ضروری ہے۔