ARYNews.tv | Urdu – Har Lamha Bakhabar

Tag: آئی ایم ایف

  • آئی ایم ایف کا پاور سیکٹر کے گردشی قرضے اور پرائمری بیلنس سرپلس پر تشویش کا اظہار

    آئی ایم ایف کا پاور سیکٹر کے گردشی قرضے اور پرائمری بیلنس سرپلس پر تشویش کا اظہار

    اسلام آباد : عالمی مالیاتی فنڈ (آئی ایم ایف) مشن نے پاور سیکٹر کے گردشی قرضے اور پرائمری بیلنس سرپلس طے شدہ اہداف سے کم ہونے پر تشویش کااظہار کردیا۔

    تفصیلات کے مطابق وزارت خزانہ کے ذرائع کا کہنا ہے کہ آئی ایم ایف اہداف کے مطابق پاور سیکٹر کے گردشی قرضہ اور پرائمری بیلنس سرپلس کے اہداف نامکمل رہے ہیں، وفاق کا پرائمری بیلنس سرپلس کا ٹارگٹ چارسوسترہ ارب کے بجائے چار سو ارب روپے رہا ہے۔

    ذرائع کا کہنا تھا کہ آئی ایم ایف مشن نے پاور سیکٹر کا گردشی قرضے اور پرائمری بیلنس سرپلس پر تشویش کا اظہار کردیا ہے، آئی ایم ایف کیساتھ طے شدہ اہداف کے مطابق پرائمری بیلنس سرپلس 417 ارب طے تھا۔

    ذرائع نے بتایا کہ پرائمری بیلنس سرپلس طے شدہ اہداف سےکم ہونے پر آئی ایم ایف نے تشویش کااظہارکیا جبکہ پالیسی سطح کےمذاکرات میں پاورسیکٹرکےگردشی قرضہ پربھی آئی ایم ایف نے اظہارتشویش کیا۔

    ذرائع کے مطابق پاورسیکٹر گردشی قرضہ پرپالیسی سطح کےمذاکرات میں آئندہ 2 روز میں اہداف پر نظرثانی ہوگی۔

  • آئی ایم ایف کا پاکستان سے اگلا مطالبہ کیا ہوگا؟

    آئی ایم ایف کا پاکستان سے اگلا مطالبہ کیا ہوگا؟

    اسلام آباد : عالمی مالیاتی ادارے آئی ایم ایف اور پاکستان کے درمیان جائزہ مذاکرات کا اگلا دور کل سے شروع ہوگا جس میں امکان ہے کہ ادارے کی جانب سے بڑا مطالبہ بھی کیا جاسکتا ہے۔

    اس حوالے سے ذرائع وزارت خزانہ کا کہنا ہے کہ ایف بی آر، وزارت خزانہ، اسٹیٹ بنک سے پالیسی سطح کے مذاکرات کل بروز پیر سے شروع ہوں گے۔

    ذرائع کے مطابق آئی ایم ایف اپنے مطالبات اور سفارشات سے پاکستانی وفد کو آگاہ کرے گا، اس موقع پر آئی ایم  ایف کی جانب سے ڈومور کا بھی کہا جاسکتا ہے۔

    اس کے علاوہ آئی ایم ایف بیرونی فنانسنگ ضروریات سے متعلق سوالات اور، ٹیکس محصولات سے متعلق آئی ایم ایف مطالبات پیش کرسکتا ہے۔

    وزارت خزانہ ذرائع کا کہنا ہے کہ فارن ایکسچینج ریٹ کے حوالے سےآئی ایم ایف کا نقطہ نظر سامنے آنے کا امکان ہے، پالیسی سطح کے مذاکرات15نومبر تک شیڈول ہیں۔

    پاکستان اور آئی ایم ایف کے تکنیکی سطح مذاکرات ختم ہوچکے ہیں، جس میں آئی ایم ایف کے ساتھ اقتصادی ڈیٹا شیئر کیا گیا، پاکستان پہلے جائزے کی کامیابی سے تکمیل کیلئے پرامید ہے۔

    ذرائع کے مطابق پاکستان پہلےجائزے کیلئےآئی ایم ایف کی تمام اہم شرائط پوری کرچکا ہے، پاک، آئی ایم ایف مذاکرات3ارب ڈالرز کے قلیل مدتی پروگرام کے تحت ہورہے ہیں، جائزے کی کامیابی پر پاکستان کو تقریباً70 کروڑ ڈالر کی دوسری قسط ملے گی۔

    ذرائع کا مزید کہنا ہے کہ پاکستان کو پہلی قسط کی مد میں ایک ارب20کروڑ ڈالر جولائی میں ملے تھے، آئی ایم ایف کے ساتھ6.5ارب ڈالرز کا گزشتہ پروگرام نامکمل ختم ہوگیا تھا، پروگرام30جون2023 کو ختم ہوا، تاہم پاکستان کو2.6ارب ڈالر نہیں مل سکے تھے۔

  • آئی ایم ایف کا کرنسی اسمگلنگ کی کارروائیوں پر اظہار اطمینان، ایس آئی ایف سی کے کردار کی تعریف

    آئی ایم ایف کا کرنسی اسمگلنگ کی کارروائیوں پر اظہار اطمینان، ایس آئی ایف سی کے کردار کی تعریف

    اسلام آباد : عالمی مالیاتی فنڈ (آئی ایم ایف) نے کرنسی اسمگلنگ کی کارروائیوں پر اطمینان کا اظہار کرتے ہوئے ایس آئی ایف سی کےکردار کی تعریف کردی۔

    تفصیلات کے مطابق عالمی مالیاتی فنڈ (آئی ایم ایف) کے ساتھ مذاکرات میں ڈالر کے مقابلے روپے کے ایکسچینج ریٹ سے متعلق امور کا جائزہ لیا گیا۔

    ذرائع نے بتایا کہ کرنسی اسمگلنگ کےسد باب کیلئے اقدامات پر آئی ایم ایف کو بریفنگ دی گئی اور غیرقانونی منی ایکسچینج کمپنیوں کے خلاف کارروائیوں سے بھی آگاہ کیا گیا۔

    آئی ایم ایف نے کرنسی اسمگلنگ کی کارروائیوں پر اطمینان کااظہار کرتے ہوئے ایس آئی ایف سی کی ایپکس کمیٹی کے اقدامات کی تعریف کی۔

    عالمی مالیاتی فنڈ نے کرنسی اسمگلنگ کی روک تھام کیلئےایس آئی ایف سی اورکسٹمزکی کارروائیوں کوسراہتے ہوئے غیرقانونی کرنسی ڈیلرز کےخلاف مشترکہ کارروائیوں پر کا اظہار اطمینان،ذرائع

  • آئی ایم ایف نے قرض کے کوٹے سے متعلق اصلاحات تجویز کر دیں

    آئی ایم ایف نے قرض کے کوٹے سے متعلق اصلاحات تجویز کر دیں

    اسلام آباد: آئی ایم ایف نے قرض کے کوٹے سے متعلق اصلاحات تجویز کر دی ہیں۔

    آئی ایم ایف کے ایک اعلامیے کے مطابق مانیٹری فنڈ نے قرض کے کوٹے سے متعلق اصلاحات تجویز کی ہیں، جس کی منظوری 15 دسمبر کو آئی ایم ایف کا بورڈ آف گورنرز دے گا۔

    ذرائع وزارت خزانہ کا کہنا ہے کہ اس کوٹے میں اضافے سے پاکستان کو بھی فائدہ ہو سکتا ہے، قرض کے لیے کوٹہ بڑھنے سے پاکستان اگلے پروگرام میں فائدہ اٹھا سکتا ہے۔

    آٹو مینوفیکچرنگ کے لیے ایس آئی ایف سی کا مثبت کردار

    وزارت خزانہ کے مطابق موجودہ قرض پروگرام ختم ہونے کے بعد اگلے قرض پروگرام میں کوٹے کا دائرہ بڑھ سکتا ہے، جب کہ پاکستان کوٹا بڑھنے سے 6 سے 9 ارب ڈالر کا قرض لے سکتا ہے۔

    آئی ایم ایف کا ٹیکس کے معاملے میں ڈومور کا مطالبہ

    وزارت کے ذرائع کا کہنا ہے کہ پاکستان موجودہ قرض پروگرام میں توسیع نہیں کرائے گا، اور موجودہ قرض پروگرام مارچ میں مکمل کر لیا جائے گا۔

  • حکومت نے آئی ایم ایف کو گارنٹی محدود کرنے پر مطمئن کر دیا

    حکومت نے آئی ایم ایف کو گارنٹی محدود کرنے پر مطمئن کر دیا

    اسلام آباد: انٹرنیشنل مانیٹری فنڈ (آئی ایم ایف) کے ساتھ مذاکرات میں حکومت کو ایک اور کامیابی ملی ہے، حکومتی گارنٹی محدود کیے جانے پر آئی ایم ایف نے اظہار اطمینان کر دیا ہے۔

    تفصیلات کے مطابق حکومتی گارنٹیوں کا بوجھ 4048 ارب سے کم ہو کر 3852 ارب روپے تک محدود ہو گیا ہے، حکومتی گارنٹیوں میں 232 ارب روپے کمی کی رپورٹ پر آئی ایم ایف مشن کو بریفنگ دی گئی۔

    ذرائع وزارت خزانہ کے مطابق ستمبر 2023 تک حکومتی گارنٹیوں کا بوجھ 4 ہزار ارب روپے تک محدود کیے جانے کا ہدف ملا تھا، آئی ایم ایف شرائط کے مطابق ستمبر تک حکومت کی جانب سے کوئی نئی گارنٹی ایشو نہیں کی گئی۔

    ذرائع نے بتایا کہ آئی ایم ایف کی جانب سے مرکزی بینک سے ادھار قرض نہ لینے کی شرط بھی عائد کی گئی تھی، جس کے مطابق مرکزی بینک سے ادھار قرض نہیں لیا گیا، دوسری طرف بیرونی قرض کی ادائیگیاں بر وقت کی جا رہی ہیں اور ادائیگیوں میں تاخیر نہیں کی گئی۔

    بڑی خبر: آئی ایم ایف نے پاکستان کے فراہم کردہ مالیاتی ڈیٹا پر اطمینان…

    ذرائع وزارت خزانہ کے مطابق اکتوبر کے اختتام تک سنگل ٹریژری اکاؤنٹ کی شرائط پر بھی عمل درآمد کیا جائے گا، ان شرط پر عمل درآمد کا پراسس شروع ہو چکا ہے۔

    واضح رہے کہ وزارت خزانہ حکام کی جانب سے آج بھی آئی ایم ایف مشن کو تکنیکی سطح کے مذاکرات کے دوران بریفنگ دی گئی۔

  • آئی ایم ایف کا نیا مطالبہ، ٹیوب ویل صارفین کے لیے بجٹ سبسڈی ختم کی جائے

    آئی ایم ایف کا نیا مطالبہ، ٹیوب ویل صارفین کے لیے بجٹ سبسڈی ختم کی جائے

    اسلام آباد: آئی ایم ایف نے مذاکرات میں ٹیوب ویل صارفین کے لیے بجٹ سبسڈی ختم کرنے کا نیا مطالبہ کر دیا ہے۔

    تفصیلات کے مطابق آئی ایم ایف کے ساتھ مذاکرات میں بجلی سبسڈی سے متعلق اعداد و شمار کا جائزہ لیا گیا، ذرائع کا کہنا ہے کہ آئی ایم ایف نے ٹیوب ویل صارفین کے لیے بجٹ سبسڈی ختم کرنے کا نیا مطالبہ سامنے رکھ دیا، اور ٹیوب ویل کے لیے سولرائزیشن اسکیم کی تجویز پیش کر دی۔

    ذرائع کے مطابق ٹیوب ویل سولرائزیشن اسکیم پر 90 ارب خرچ ہوں گے، اس کی تجویز آئندہ ماہ وفاقی کابینہ کو پیش کی جا سکتی ہے، اسکیم کے لیے 90 ارب روپے وفاق، صوبہ اور صارف ادا کرے گا، وفاق 30 ارب، متعلقہ صوبہ 30 ارب، 30 ارب ٹیوب ویل صارفین دیں گے۔

    ٹیوب ویل سولرائزیشن اسکیم کو رواں مالی سال شروع کرنے پر بات چیت کی جائے گی اور وزارت توانائی کی وزارت خزانہ، آئی ایم ایف، عالمی بینک سے اس پر مشاورت ہوگی، اسکیم پر عمل درآمد سے بجٹ میں ٹیوب ویلز صارفین کو بجلی استعمال کی مد میں سبسڈی نہیں ملے گی۔

    ذرائع کے مطابق آئی ایم ایف نے ڈسکوز، وزارت توانائی، نیپرا کے درمیان تعاون، فیصلوں پر جلد عمل درآمد کی ہدایت کی ہے۔

  • گزشتہ ایک سال میں قرضوں میں 14 ہزار 506 ارب روپے کا اضافہ ہوا، آئی ایم ایف کو بریفنگ

    گزشتہ ایک سال میں قرضوں میں 14 ہزار 506 ارب روپے کا اضافہ ہوا، آئی ایم ایف کو بریفنگ

    اسلام آباد: آئی ایم ایف کو بریفنگ میں پاکستانی حکام نے بتایا ہے کہ گزشتہ ایک سال میں قرضوں میں 14 ہزار 506 ارب روپے کا اضافہ ہوا ہے۔

    تفصیلات کے مطابق آئی ایم ایف کے ساتھ مذاکرات میں پاکستانی حکام کی جانب سے قرضوں سے متعلق بریفنگ دی گئی، ذرائع کا کہنا ہے کہ آئی ایم ایف کو بریفنگ میں بتایا گیا کہ پاکستان کے قرضوں کا حجم اگست کے آخر تک 63 ہزار 966 ارب روپے تک جا پہنچا ہے۔

    بریفنگ کے مطابق اگست کے آخر تک غیر ملکی قرضوں کا حجم 24 ہزار 174 ارب ڈالر رہا، اور مقامی قرضوں کا حجم 39 ہزار 791 ارب روپے رہا، اور گزشتہ ایک سال میں مجموعی قرضوں میں 14 ہزار 506 ارب روپے کا اضافہ ہوا۔

    آئی ایم ایف مشن کی پاکستان میں سیاسی جماعتوں سے ملاقات کا امکان نہیں

    بریفنگ میں کہا گیا کہ اگست 2022 میں قرضوں کا حجم 49 ہزار 571 ارب روپے تھا، جن میں سے غیر ملکی قرضے 18 ہزار ارب ڈالر تھے، اور مقامی قرضوں کا حجم 32 ہزار 152 ارب روپے تھا۔

  • قرض کی قسط کے لیے آئی ایم ایف کے نئے مطالبات سامنے آگئے

    قرض کی قسط کے لیے آئی ایم ایف کے نئے مطالبات سامنے آگئے

    اسلام آباد : عالمی مالیاتی فنڈ (آئی ایم ایف) نے پاکستان سے ٹیکس وصولی کا پلان مانگ لیا اور کہا تفصیلات دی جائیں کہ کس سیکٹرسے کتنا ٹیکس وصول کیا جا رہا ہے؟

    تفصیلات کے مطابق عالمی مالیاتی فنڈ (آئی ایم ایف) کے نئے مطالبات سامنے آگئے ، آئی ایم ایف نے جون 2024 تک 6670 ارب محصولات جمع کرنے کاپلان مانگ لیا اور کہا پروجیکشن رپورٹ میں تمام سیکٹر سے محصولات کی رپورٹ پیش کی جائے۔

    آئی ایم ایف نے دوٹوک موقف اپنایا کہ ایف بی آر ریونیو اہداف میں ٹیکس شارٹ فال نہیں کرے گا۔

    ذرائع کا کہنا تھا کہ زیرالتوا ٹیکس کیسز میں پیشرفت پر بھی ایف بی آر سے پیر کو رپورٹ طلب کر لی گئی، ٹیکس نیٹ میں شامل 10 لاکھ نئے ٹیکس دہندگان کی تفصیلات آئی ایم ایف سےشیئرکی گئی، ایف بی آرکس سیکٹر سے کتنا ٹیکس وصول کر رہا تفصیلات دی جائیں۔

    4.9 ملین ٹیکس دہندگان کو 10 ملین تک بڑھانے کیلئے آئی ایم ایف کے ساتھ بات چیت ہوئی ہے، آئی ایم ایف اور عالمی بنک کے تعاون سے ٹیکس دہندگان کی تعداد بڑھانے پر مشاورت ہوگی۔

    آئی ایم ایف نے ریونیو محصولات میں شارٹ فال اور ٹیکس چھوٹ کیلئے کوئی گنجائش نہیں دی اور کہا ہے کہ ٹیکس دہندگان کی تعداد بڑھا کر ریونیو محصولات کو بڑھایا جائے، جس کے بعد ایف بی آر آئی ایم ایف کے مطالبات پر رپورٹ پیر کو پیش کرے گا۔
    Super:

  • نگران حکومت نے آئی ایم ایف کی آخری شرط بھی پوری کردی

    نگران حکومت نے آئی ایم ایف کی آخری شرط بھی پوری کردی

    اسلام آباد : نگران حکومت نے آئی ایم ایف کی آخری شرط بھی پوری کردی اور ڈیزل پرلیوی 55 سے بڑھا کر60 روپے فی لیٹر کردی گئی۔

    تفصیلات کے مطابق عالمی مالیاتی فنڈ (آئی ایم ایف) کے ساتھ پہلے جائزہ مذاکرات سے قبل ڈیزل پرلیوی 55 سے بڑھا کر60 روپے فی لیٹر کردی گئی۔

    یٹرول اور ڈیزل پر لیوی بالائی حد تک بڑھائی گئی ہے ، پیٹرول پر فریٹ مارجن 2 روپے 30 پیسے فی لیٹر بڑھا دیا گیا اور پیٹرول پر فریٹ مارجن  5روپے 41 پیسے سے بڑھاکر7 روپے 71 پیسے فی لیٹر کردیا گیا ہے۔

    پیٹرول پرتیل کمپنیوں کا مارجن 47 پیسے فی لیٹر بڑھایا ، جس کے بعد تیل کمپنیوں کا مارجن 7 روپے 41 پیسے سے بڑھا کر 7 روپے 87 پیسے فی لیٹر ہوگیا ہے۔

    پیٹرول پر ڈیلرز مارجن میں 41 پیسے فی لیٹر بڑھایا گیا ، جس سے ڈیلرز مارجن8 روپے 23 پیسے سے بڑھا کر 8 روپے 64 پیسے فی لیٹر کردیا گیا۔

    اس کے ساتھ ڈیزل پر فریٹ مارجن32 پیسے کم کرکے 60 پیسے فی لیٹر اور تیل کمپنیوں کا مارجن 47 پیسے فی لیٹر بڑھا دیا گیا، جس کے بعد ڈیزل پر تیل کمپنیوں کا مارجن 7 روپے 65 پیسے سے بڑھا کر 8 روپے 12 پیسے فی لیٹر ہوگیا۔

    ڈیزل پر ڈیلرز مارجن بھی 41 پیسے فی لیٹر بڑھایا گیا اور ڈیلرز مارجن 8 روپے 64 پیسے فی لیٹر کردیا گیا تاہم پیٹرول اور ڈیزل پر سیلز ٹیکس کی شرح صفر ہے۔

  • آئی ایم ایف کا مطالبہ: صوبے سرپلس بجٹ کا ہدف پورا کرنے میں ناکام

    آئی ایم ایف کا مطالبہ: صوبے سرپلس بجٹ کا ہدف پورا کرنے میں ناکام

    اسلام آباد : بین الاقوامی مالیاتی فنڈ (آئی ایم ایف) کے مطالبے پر 2023-24 کے مالی سال میں صوبے وفاقی حکومت کی طرف سے مقرر کردہ سرپلس بجٹ کے ہدف کو حاصل کرنے میں ناکام رہے۔

    تفصیلات کےمطابق صوبوں کے سرپلس بجٹ میں آئی ایم ایف سے طے شدہ ہدف میں بڑی کمی ہوئی، رواں مالی سال وفاق کا صوبوں سے 750 ارب کے سرپلس بجٹ کا ہدف ہے۔

    دستاویز میں بتایا گیا کہ جولائی تا ستمبر 187 ارب کا سرپلس ہدف تھا، محض 51 ارب روپے ملے، جولائی تا ستمبر سالانہ بنیاد پر صوبائی سرپلس بجٹ میں 166 ارب 62 کروڑ روپے کمی ہوئی۔

    رپورٹ میں کہنا تھا کہ جولائی تا ستمبر 2023 صوبوں کا سرپلس بجٹ 51 ارب 40 کروڑ روپے رہا، گزشتہ سال جولائی تاستمبر صوبوں نے218ارب کا سرپلس بجٹ دیا تھا۔

    جولائی تا ستمبرپنجاب نے28 ارب55کروڑروپےکاخسارے کابجٹ دیا جبکہ گزشتہ سال اسی عرصے میں پنجاب کاسرپلس بجٹ125ارب 22کروڑ روپےتھا۔

    جولائی تا ستمبر سندھ نے 19 ارب10کروڑروپےکاسرپلس بجٹ دیا جبکہ گزشتہ سال اسی عرصے میں سندھ کاسرپلس بجٹ60ارب 29کروڑروپے تھا۔

    اسی طرح جولائی تاستمبربلوچستان کا سرپلس بجٹ71ارب17کروڑ روپے رہا اور گزشتہ سال اسی عرصے میں بلوچستان کاسرپلس بجٹ29 ارب55کروڑ روپے تھا جبکہ جولائی تاستمبر کے پی نے10ارب31کروڑ روپےخسارے کا بجٹ دیا اور گزشتہ سال اسی عرصے میں کے پی کابجٹ تقریباً3ارب روپے سپرپلس تھا۔