Tag: آئی جی خیبر پختونخواہ ثنااللہ عباسی

پشاور : آئی جی خیبر پختونخواہ ثنااللہ عباسی کا کہنا ہے کہ پشاور دھماکے کی تفتیش جاری ہے، معلومات شیئر نہیں کرسکتا، سی ٹی ڈی نے چھتیس افراد کی نشاندہی کی ہے۔

تفصیلات کے مطابق آئی جی خیبر پختونخواہ ثنااللہ عباسی نے میڈیا سے گفتگو کرتے ہوئے کہا دیر اور باجوڑ میں بھی کچھ لوگ پکڑے گئے ہیں، ملزمان کو ان کے جرائم کی سزا ضرور ملے گی۔

ثنااللہ عباسی کا کہنا تھا کہ پشاور دھماکے کی تفتیش جاری ہے، معلومات شیئر نہیں کرسکتا، تیس ہزارمساجد ار چار ہزار مدارس ہیں، مدرسے میں حملے سے متعلق تھریٹ نہیں تھا۔

آئی جی خیبر پختونخواہ نے مزید کہا تھا کہ تھریٹ موصول ہونے پر گزشتہ روز بھی میٹنگ کی تھی، مدرسے پر حملے کا بہت دکھ ہے، سی ٹی ڈی نے چھتیس افراد کی نشاندہی کی ہے، سی ٹی ڈی نے متعددحملے ناکام بھی بنائے جونہیں بتائے گئے۔

یاد رہے پشاور کے علاقے دیرکالونی کے مدرسہ میں دھماکہ کےنتیجے میں سات افراد شہید اور چھیانوے سے زائد زخمی ہوگئے، دھماکہ اتنا زوردارتھا کہ پوری عمارت لرزاٹھی۔

پشاور کے مدرسے میں دھماکے کی تحقیقات جاری ہیں، پولیس کے مطابق دھماکا ٹائم ڈیوائس کے ذریعے کیا گیا، جس میں پانچ سے چھ کلو کا بارودی مواد شامل تھا جبکہ اے آئی جی بم ڈسپوزل کاکہنا ہے کہ دھماکہ منظم گروپ کی کارروائی لگتا ہے۔