Tag: آئی جی سندھ

کراچی: آئی جی سندھ ڈاکٹر کلیم امام نے سی ویو سے نیم بے ہوشی کی حالت میں لڑکی ملنے کے معاملے کا نوٹس لیتے ہوئے رپورٹ طلب کر لی ہے۔

تفصیلات کے مطابق آج کراچی کے ساحل سمندر پر سی ویو سے لڑکی نیم بے ہوشی کی حالت میں ملی تھی، پولیس نے لڑکی کے ہوش میں آنے کے بعد اس کی مدعیت میں مقدمہ درج کر لیا۔

آئی جی سندھ نے واقعے کا نوٹس لیتے ہوئے ایس ایس پی ساؤتھ انویسٹی گیشن سے رپورٹ طلب کر لی، اور ہدایت کی تفتیش کو انتہائی غیر جانب دار اور نتیجہ خیز بنایا جائے۔

آئی جی سندھ کلیم امام نے سختی سے یہ بھی ہدایت کی کہ واقعے میں ملوث عناصر کو جلد گرفت میں لایا جائے۔

یہ بھی پڑھیں:  کراچی: درخشاں تھانے پرعدالتی بیلف کا چھاپا، 3 خواتین، بچی بازیاب

قبل ازیں، سی ویو سے ملنے والی بے ہوش لڑکی کی مدعیت میں مقدمہ تھانہ درخشاں میں درج کر لیا گیا ہے، پولیس کا کہنا ہے کہ مقدمے میں زیادتی سمیت دیگر دفعات شامل کیے گئے ہیں۔

پولیس کا یہ بھی کہنا ہے کہ متاثرہ لڑکی نے اپنا بیان ریکارڈ کرا دیا ہے، لڑکی کو کار سوار افراد سی ویو پر پھینک کر فرار ہوئے تھے۔

پولیس کے مطابق لڑکی کے بیان کی روشنی میں نامزد ملزمان کے خلاف زیادتی کا مقدمہ درج کر لیا گیا، متاثرہ لڑکی کا کہنا ہے کہ ملزمان نے نشہ آور اشیا کھلا کر زیادتی کی۔ پولیس کے مطابق متاثرہ لڑکی ڈیفینس کی رہایشی ہے۔

متاثرہ لڑکی کا کہنا ہے کہ گزشتہ رات اس کی دوست کرن اور علی عرف عمران گھر آئے اور نشہ آور چیز کھانے میں کھلائی جس کے بعد تشدد کے ساتھ زیادتی کا نشانہ بنایا، ہوش میں آئی تو جناح اسپتال میں تھی۔

پولیس کا کہنا ہے کہ صبح ساڑھے 6 بجے 15 پر بے ہوش لڑکی کی موجودگی کی اطلاع ملی، فوری طور پر لڑکی کو جناح اسپتال منتقل کیا گیا، میڈیکل رپورٹ آنے کے بعد زیادتی کی تصدیق ہوگی، سہیلی کرن کا گھر پر آنا جانا ہے، علی عرف عمران سے متاثرہ لڑکی کی پہلے بھی 2 سے 3 ملاقاتیں ہوئیں، لڑکی کے مطابق مزاحمت کرنے پر تشدد کا نشانہ بھی بنایا گیا، واقعے کی مزید تفتیش جاری ہے۔

کراچی: عید الفطر پر پولیس کی جانب سے سیکورٹی پلان مرتب کر لیا گیا، شہر قائد میں نمازِ عید پر 1367 اجتماعات کی سیکیورٹی پر 15 ہزار پولیس اہل کار تعینات ہوں گے۔

تفصیلات کے مطابق سندھ پولیس نے شہر میں عید کے موقع پر سخت سیکورٹی پلان مرتب کر لیا ہے، موبائل اور موٹر سائیکل پر مامور اہل کار اضافی طور پر تعینات ہوں گے۔

پولیس رپورٹ کے مطابق سندھ کی دیگر پولیس رینج میں 20 ہزار 700 اہل کار تعینات ہوں گے، آئی جی سندھ نے مساجد، عید گاہوں اور کھلے مقامات پر نماز عید سے قبل کلیئرنس کی ہدایت کر دی۔

آئی جی سندھ ڈاکٹر کلیم امام نے محکمے کو ہدایت کی ہے کہ امن کی صورت حال کو کنٹرول میں رکھنے کے تمام تر امور کو یقینی بنایا جائے۔

انھوں نے احکامات جاری کر دیے ہیں کہ ڈیوٹی پوائنٹس کو کسی بھی صورت خالی نہ چھوڑا جائے۔ آئی جی سندھ نے عید کے تینوں دن ٹریفک کی بلا تعطل روانی کی بھی ہدایت کی ہے۔

یہ بھی پڑھیں:  عید قریب آتے ہی کراچی میں ڈکیتیوں کی واردات میں اضافہ ہوگیا

خیال رہے کہ عید قریب آتے ہی شہر قائد میں ڈکیتیوں کی وارداتوں میں اضافہ ہو گیا ہے، چند دن قبل کراچی کے علاقے اورنگی ٹاؤن اقبال مارکیٹ میں دکان پر ڈکیتی کی مزاحمت پر ڈاکوؤں کی فائرنگ سے تین افراد زخمی ہوئے جن میں ایک زخمی دم توڑ گیا۔

گلشن اقبال پولیس نے کارروائی کے دوران دو اسٹریٹ کرمنل گرفتار کیے، ملزمان سے اسلحہ، موٹر سائیکل اور چھینے گئے موبائل فونز برآمد کیے گئے۔

خیال رہے کہ اس سے قبل شہر قائد میں سائٹ سپر ہائی وے پولیس موبائل پر دہشت گردوں نے دستی بم سے حملہ کیا تھا، پولیس کی جوابی کارروائی میں ایک دہشت گرد ہلاک ہوا تھا۔