Tag: آئی سی سی چیئرمین

چیمپئنز ٹرافی کا معامل تعطل کا شکار ہے لیکن آئی سی سی چیئرمین جے شاہ یہ تنازع حل کرنے کی ذمہ داری ادا کرنے کے بجائے آسٹریلیا چلے گئے۔

آئی سی سی چیمپئنز ٹرافی پاکستان میں 19 فروری سے 9 مارچ تک ہونا ہے۔ تاہم بھارت کی ہٹ دھرمی کے باعث ایونٹ میں دو ماہ رہ جانے کے باوجود شیڈول کا اعلان نہیں ہو سکا ہے۔

انٹرنیشنل کرکٹ کونسل کا ایونٹ ہونے کے باعث یہ آئی سی سی چیئرمین کی ذمہ داری ہے کہ وہ اس تنازع کو حل کریں لیکن حال ہی میں آئی سی سی چیئرمین کا عہدہ سنبھالنے والے بھارت سے تعلق رکھنے والے جے شاہ یہ تنازع حل کرکے اپنی ذمہ داری حل کرنے کے بجائے آسٹریلیا پہنچ گئے ہیں۔

بھارتی کرکٹ ویب سائٹ کے مطابق آئی سی سی چیئرمین جے شاہ برسبین پہنچ گئے ہیں اور ان کے ہمراہ بھارتی کرکٹ بورڈ کے عبوری سیکریٹری دیو جیت سائیکیا بھی موجود ہیں۔

رپورٹ میں کہا گیا ہے کہ جے شاہ ممکنہ طور پر اولمپکس کی میٹنگ میں شرکت کریں گے جبکہ وہ آسٹریلیا اور بھارت کے درمیان تیسرا ٹیسٹ میچ (باکسنگ ڈے ٹیسٹ) بھی دیکھیں گے۔

واضح رہے کہ بھارت چیمپئنز ٹرافی کے لیے پاکستان آنے سے انکاری ہے جب پاکستان نے اس کا حل فیوژن ماڈل دے کر ڈھونڈٓ ہے اور تجویز دی ہے کہ پاکستان اور بھارت میں ہونے والے ایونٹس میں 2027 تک دونوں ٹیمیں ایک دوسرے کے ملک نہیں آئیں گی اور میچز نیوٹرل وینیو پر کھیلے جائیں گے۔

تاہم آئی سی سی اور بھارت کی جانب سے اب تک اس حوالے سے کوئی جواب نہیں آیا ہے۔

دوسری جانب چیمپئنز ٹرافی کے معاملات بیچ میں چھوڑ کر جے شاہ کے دورہ آسٹریلیا نے کئی سوالات کو جنم دے دیا ہے جب کہ کرکٹ آسٹریلیا کو آئی سی سی کے معاملات میں بی سی سی آئی کا حامی سمجھا جا رہا ہے۔

https://urdu.arynews.tv/champions-trophy-pcb-stands-firm-in-talks-icc-indian-board/

لاہور: انٹرنیشنل کرکٹ کونسل (آئی سی سی) کے چیئرمین گریگ بارکلے اور چیف ایگزیکٹو جیف ایلڈرائس قذافی اسٹیڈیم پہنچ گئے۔

ذرائع کا کہنا ہے کہ آئی سی سی عہدیدار چیئرمین مینجمنٹ کمیٹی نجم سیٹھی ودیگر عہدیداروں سے ملاقات کرینگے، اس ملاقات میں بھارت میں ورلڈ کپ اور دیگر معاملات پر بات چیت ہو گی۔

ذرائع نے بتایا کہ  آئی سی سی کے چیئرمین اور سی ای او اس ملاقات میں ایشیا کپ سمیت پاکستان میں ہونے والی چیمپئنز ٹرافی پر بھی تبادلہ خیال ہوگا۔

دوسری جانب پی سی بی کی جانب سے آئی سی سی وفد کے دورے کو اہم قرار دیا جا رہا ہے۔