سابق بھارتی کرکٹر محمد کیف کا موجودہ پاکستانی فاسٹ بولرز سے متعل کہنا ہے کہ وہ ’نرم خو‘ ہیں، ان میں سابق پاکستانی پیسرز والی کوئی بات نہیں۔
ورلڈکپ میں پاکستانی ٹیم کی شرمناک پرفارمنس کے بعد سابق مڈل آرڈر بیٹر نے سماجی رابطے کی ویب سائٹ پر اپنے خیالات کا اظہا کرتے ہوئے کہا کہ عالمی کپ میں پاکستانی کرکٹ ٹیم میں جیت کا جذبہ نظر نہیں آیا، پاکستانی پیسرز کافی نرم مزاج تھے۔
سوشل میڈیا پلیٹ فارم ایکس پر ٹوئٹ کرتے ہوئے محمد کیف نے لکھا کہ ’محسوس ہوتا ہے کہ یہ پاکستانی ٹیم بہت نرم خو تھی، یہ فاسٹ بولرز مخالف کے لیے کافی اچھے تھے۔‘
انھوں نے کہا کہ ’وسیم، وقار، شعیب بیٹرز کو ڈراتے تھے۔ وہ آپ کو گھورتے، یہاں تک کہ جملے بھی کستے تھے۔ بابر، شاہین، رؤف میں اس بات کی کمی تھی، یہ لوگ بہت دوستانہ لگ رہے تھے۔‘
Somehow feel this Pakistan team was too soft, their pacers too nice. Wasim, Waqar, Shoaib were intimidating. They would stare at you, even sledge. Babar, Shaheen, Rauf – they lacked that aura, they looked too friendly. #CWC2023
— Mohammad Kaif (@MohammadKaif) November 13, 2023
موجودہ ایونٹ میں پاکستان 9 میچز میں صرف 4 جیت پایا جبکہ اسے 5 میچز میں شکست فاش کا سامانا کرنا پڑا۔ ورلڈکپ میں پاکستانی ٹیم کو پہلی بار افغانستان کے ہاتھوں بھی ہار سہنی پـڑی
یہ لگاتار تیسرا ورلڈکپ ہے جس میں گرین شرٹس سیمی فائنل میں جگہ بنانے میں ناکام رہے ہیں۔ 2011 میں آخری بار قومی ٹیم آئی سی سی ورلڈکپ مقابلوں کے سیمی فائنل میں پہنچی تھی۔
