ARYNews.tv | Urdu – Har Lamha Bakhabar

Tag: آئی سی سی

  • پاک بھارت ویمنز کرکٹ سیریز کا معاملہ، اہم فیصلے کی تیاری

    پاک بھارت ویمنز کرکٹ سیریز کا معاملہ، اہم فیصلے کی تیاری

    لاہور: بھارت میں سیریز کے لیے پاکستانی ویمن ٹیم کی میزبانی سے انکار کے باوجود انٹرنیشنل کرکٹ کونسل نے بھارتی ٹیم کو بھی 3 پوائنٹس دے دیے۔

    تفصیلات کے مطابق آئی سی سی نے حیران کن فیصلہ کرتے ہوئے پاکستان اور بھارت کی ویمن ٹیموں کو سیریز کے 3، 3 پوائنٹس دے دیے جس پر پاکستان کرکٹ بورڈ کو شدید تحفظات ہیں۔

    ذارئع کا کہنا ہے کہ پاکستانی بورڈ فیصلے سے متعلق آئی سی سی میں اپیل کرنے پر غور کررہا ہے، پاکستان سے کھیلنے سے انکار کے باوجود بھارت کو پوائنٹس دیے گئے۔

    ذرائع پی سی بی نے کہا کہ پاکستان ہمیشہ بھارت سے کھیلنے کو تیار ہے، وکلا سے مشاورت کے بعد اپیل کا فیصلہ کیا جائے گا۔ خیال رہے کہ اصولی طور پر بھارت کو تین پوائنٹس نہیں ملنے چاہیئے تھے۔

    واضح رہے کہ بھارت نے گزشتہ برس پاکستان ویمن کرکٹ ٹیم کی میزبانی کرنا تھی لیکن حکومت کی جانب سے اجازت نہ ملنے پر بھارتی بورڈ نے سیریز کی میزبانی سے انکار کر دیا تھا۔

  • بنگلادیش نے بھارت کو ہرا کر انڈر19 ورلڈکپ جیت لیا

    بنگلادیش نے بھارت کو ہرا کر انڈر19 ورلڈکپ جیت لیا

    جوہانسبرگ: بنگلادیش نے بھارت کو ہرا کر آئی سی سی انڈر 19 ورلڈکپ جیت لیا۔

    بنگلادیش پہلی بار انڈر 19 ورلڈکپ کا چیمپئن بن گیا، فائنل میں دفاعی چیمپئن بھارت کو 3 وکٹوں سے شکست دے کر بنگال ٹائیگرز نے اپنی حکمرانی قائم کر لی۔

    فیصلہ کن معرکے میں بنگلادیش نے ڈک ورتھ لوئس میتھڈ کے تحت بھارت کو ہرایا، بنگلادیش کو 46 اوورز میں 170 رنز کا ہدف ملا جو اس نے کپتان اکبر علی کی ذمہ دارانہ بیٹنگ کی بدولت 7 وکٹوں پر حاصل کر لیا۔

    جنوبی افریقا کے شہر پوچی فیسٹروم میں کھیلے جارہے ہیں ایونٹ کے فائنل میں بھارت نے پہلے بیٹنگ کرتے ہوئے 177 رنز بنائے اور اس کی پوری ٹیم 48 اوور میں پویلین لوٹ گئی۔

    بنگلادیشی بولرز کی نپی تلی بولنگ کے سامنے مضبوط بھارتی بیٹنگ لائن ریت کی دیوار ثابت ہوئی، اوپنر جیسوال کے سوال کوئی بیٹسمین بڑی اننگز نہ کھیل سکا۔

    جیسوال نے 88 رنز بنائے اور ٹاپ اسکورر رہے جب کہ ورما 38 اور جوریل نے 22 رنز بنائے، بھارتی ٹیم کے 8 کھلاڑی ڈبل فیگرز میں بھی داخل نہ ہوسکے۔

    بنگلادیش کی جانب سے اویش ڈاسک نے سب سے زیادہ 3 کھلاڑیوں کو آؤٹ کیا، شریف الاسلام اور تنظیم حسن نے 2،2 وکٹیں حاصل کیں۔

    ہدف کے تعاقب میں بنگلادیشی اوپنرز نے 50 رنز کا اوپننگ اسٹینڈ فراہم کیا تاہم پہلی وکٹ گرنے کے بعد لائن لگ گئی اور صرف 85 کے مجموعے پر آدھی ٹیم پویلین لوٹ گئی، جس کے بعد کپتان اکبر علی نے ٹیم کو سنبھالا اور اینڈ پر جم گئے.

    بنگلادیش کی چھٹی وکٹ 102 اور ساتویں وکٹ 143 رنز پر گری تاہم کپتان مرد میدان کی طرح ڈٹے رہے اور ٹیل اینڈرز کے ساتھ اسکور کو ہدف کے قریب لے گئے.

    اس دوران بارش ہوگئی اور ڈک ورتھ لوئس میتھڈ کے تحت بنگلادیش نے 3 وکٹوں سے میدان مار لیا.

     

  • بنگلہ دیش کرکٹ بورڈ کا ٹیسٹ سیریز پاکستان میں کھیلنے سے صاف انکار

    بنگلہ دیش کرکٹ بورڈ کا ٹیسٹ سیریز پاکستان میں کھیلنے سے صاف انکار

    کراچی: بنگلہ دیش کرکٹ بورڈ نے ٹیسٹ سیریز پاکستان میں کھیلنے سے صاف انکار کردیا، پی سی بی نے آئی سی سی کا دروازہ کھٹکھٹانے کا فیصلہ کرلیا۔

    تفصیلات کے مطابق بنگلہ دیش بورڈ نے پی سی بی سے آنکھیں موڑ لی اور پاکستان میں ٹیسٹ سیریز کھیلنے سے صاف انکار کرتے ہوئے کہا کہ کھلاڑی اور آفیشلز ٹیسٹ سیریز کے لیے رضامند نہیں ہیں۔

    بنگلہ دیش کرکٹ بورڈ کے صدر نظم الحسن کا کہنا ہے کہ کھلاڑیوں اور کوچنگ اسٹاف سے بات ہوئی ہے، وہ دورے کے لیے تیار نہیں ہیں، ایسے میں پاکستان نہیں جاسکتے۔

    مزید پڑھیں: بھارت کا بنگلہ دیش پر دباؤ، پاکستانی کھلاڑی نشانہ بن گئے

    پاکستان کرکٹ بورڈ نے انٹرنیشنل کرکٹ کونسل (آئی سی سی) سے رجوع کرنے کا فیصلہ کرلیا، پی سی بی کا کہنا ہے کہ بنگلہ دیش دورہ نہ کرنے کی ٹھوس وجہ بیان نہیں کرسکا، بنگلہ دیشی ٹیم نہ آئی تو آئی سی سی کے پاس جائیں گے۔

    پی سی بی کا کہنا ہے کہ سری لنکن ٹیم پاکستان سے مطمئن ہوکر گئی تھی، غیرملکی آفیشلز نے بھی پاکستان میں انتظامات پر اطمینان کا اظہار کیا، بنگلہ دیش آئے اسے بھی مکمل سیکیورٹی فراہم کی جائے گی۔

    واضح رہے کہ بنگلہ دیش کرکٹ بورڈ کا کہنا تھا کہ ٹی ٹوینٹی سیریز کے لیے بھی ابھی حتمی فیصلہ ہونا ہے، یاد رہے کہ بنگلہ دیش کرکٹ ٹیم کو فیوچر ٹور پروگرام کے تحت آئندہ ماہ پاکستان میں سیریز کھیلنی ہے۔

  • آئی سی سی نے سپر اوور کا قانون بدل دیا

    آئی سی سی نے سپر اوور کا قانون بدل دیا

    دبئی: انٹرنیشنل کرکٹ کونسل (آئی سی سی) نے سپر اوور کا قانون بدل دیا۔

    تفصیلات کے مطابق انٹرنیشنل کرکٹ کونسل نے سپر اوور کے قانون میں تبدیلی کردی جس کے بعد زیادہ باؤنڈریز پر ٹیم کو فاتح قرار دینے کا قانون ختم ہوگیا ہے۔

    آئی سی سی رپورٹ کے مطابق سپر اوور میں زیادہ رنز بنانے والی ٹیم اب فاتح ہوگی، سپر اوور میں میچ برابر رہا تو ایک اور سپر اوور کرایا جائے گا۔

    دوسری جانب انٹرنیشنل کرکٹ کونسل نے ویمن ایونٹس کی انعامی رقم میں 26 لاکھ ڈالرز کا اضافہ کردیا جس کے مطابق ویمن ورلڈ ٹی ٹوینٹی کی فاتح ٹیم کو 10 لاکھ ڈالرز ملیں گے اور رنر اپ ٹیم کو 5 لاکھ ڈالرز ملیں گے۔

    واضح رہے کہ لارڈز میں کھیلے گئے ورلڈ کپ فائنل کے آخری اوور میں انگلینڈ کو 15 رنز درکار تھے، بین اسٹوکس 14 رنز بناسکے اور میچ برابر ہوگیا تھا۔

    مزید پڑھیں: ورلڈ کپ فائنل کا سپر اوور جمی نیشم کے کوچ کی جان لے گیا

    اس کے بعد سپر اوور میں میچ کا فیصلہ ہونا تھا، سپر اوور میں انگلینڈ نے 15 رنز بنا کر نیوزی لینڈ کو 16 رنز کا ہدف دیا جس کے تعاقب میں نیوزی لینڈ کی ٹیم بھی 15 رنز بناسکی اور میچ برابر ہوگیا، جس کے بعدزیادہ باؤنڈریز پر انگلینڈ کو ورلڈ کپ فائنل کا فاتح قرار دیا گیا تھا۔

    یاد رہے کہ زیادہ باؤنڈریز پر انگلینڈ ٹیم کی جیت کو مداحوں کی جانب سے متنازع قرار دیا جارہا تھا اور آئی سی سی پر شدید تنقید کی گئی تھی۔

    خیال رہے کہ قومی ٹیم ورلڈ کپ 2019 میں بڑی ٹیموں کو ہرانے کے باوجود رن ریٹ کی بنیاد پر 5ویں نمبر پر آئی تھی اور سیمی فائنل کھیلنے سے محروم رہی تھی۔

  • آئی سی سی نے زمبابوے اور نیپال پر عائد پابندی ختم کردی

    آئی سی سی نے زمبابوے اور نیپال پر عائد پابندی ختم کردی

    دبئی: انٹرنیشنل کرکٹ کونسل (آئی سی سی) نے زمبابوے اور نیپال پر عائد پابندی ختم کردی۔

    تفصیلات کے مطابق آئی سی سی نے زمبابوے اور نیپال پر عائد پابندی اٹھالی جس کے بعد زمبابوے انڈر 19 ورلڈ کپ اور آئی سی سی سپر لیگ میں حصہ لے سکے گا۔

    نیپال کی ٹیم 2016 سے معطل تھی، آئی سی سی نے مذاکرات کے بعد نیپال کی رکنیت بھی مشروط طور پر بحال کردی ہے۔

    آئی سی سی نے کرکٹ میں حکومتی مداخلت کے باعث رواں سال جولائی میں زمبابوے کو کرکٹ سرگرمیوں میں حصہ لینے سے روک دیا تھا۔

    انٹرنیشنل کرکٹ کونسل کے چیئرمین ششانک منوہر نے کہا کہ میں زمبابوے کے وزیر کھیل کا شکر گزار ہوں کہ وہ زمبابوین کرکٹ کی بحالی کے لیے کیے گئے اپنے وعدوں پر پورا اترے ہیں۔

    مزید پڑھیں: زمبابوے کی بین الاقوامی کرکٹ رکنیت ختم

    انہوں نے کہا کہ زمبابوین کرکٹ کو فنڈ کی فراہمی دوبارہ بحال کردی جائے گی۔

    یاد رہے کہ زمبابوے کرکٹ میں ایک عرصے سے حکومتی مداخلت کا سلسلہ جاری تھا جس سے ٹیم کی کارکردگی تنزلی کا شکار تھی اور وہ ورلڈ کپ 2019 کے لیے بھی کوالیفائی کرنے میں ناکام رہی تھی۔

    بورڈ کے معاملات میں حکومتی مداخلت کو رواں سال جون میں باقاعدہ آئینی شکل دی گئی جس کے تحت پورے کرکٹ بورڈ اور اس کے ایم ڈی کو معطل کردیا گیا تھا اور اسی امر کو دیکھتے ہوئے آئی سی سی نے زمبابوے کی رکنیت معطل کی تھی۔

    زمبابوین کرکٹ ٹیم پر پابندی کا فیصلہ لندن میں ہونے والی آئی سی سی سالانہ کانفرنس میں کیا گیا تھا۔

  • ون ڈے رینکنگ، محمد عامر ٹاپ ٹین بولرز میں شامل، بابر اعظم کی تیسری پوزیشن

    ون ڈے رینکنگ، محمد عامر ٹاپ ٹین بولرز میں شامل، بابر اعظم کی تیسری پوزیشن

    دبئی: آئی سی سی نے ون ڈے کی نئی رینکنگ جاری کردی جس کے مطابق محمد عامر نے کیریئر کی بہترین پوزیشن حاصل کرلی ہے اور بابر اعظم نے تیسری پوزیشن مزید مستحکم بنالی۔

    تفصیلات کے مطابق آئی سی سی نے پاکستان اور سری لنکا کے درمیان کھیلی جانے والی ون ڈے سیریز کے اختتام پر ون ڈے رینکنگ جاری کی ہے، محمد عامر کیریئر کی بہترین ساتویں پوزیشن پر آگئے ہیں، بابر اعظم تیسرے نمبر پر براجمان ہیں۔

    فاسٹ بولر محمد عامر نے 6 درجہ لمبی چھلانگ لگائی اور ساتویں پوزیشن پر پہنچ گئے، فاسٹ بولر عثمان شنواری کی رینکنگ بھی بہتر ہوئی وہ 28 درجہ ترقی کے ساتھ 43ویں نمبر پر آگئے ہیں۔

    بھارتی کرکٹ ٹیم کے کپتان ویرات کوہلی اب بھی دنیا کے بہترین بیٹسمین ہیں اور ان کا پہلی پوزیشن پر قبضہ برقرار ہے، بھارت کے روہت شرما دوسرے نمبر پر موجود ہیں۔

    بولرز رینکنگ میں بھارت کے جسپریت بمراہ کی پہلی پوزیشن برقرار ہے، بیٹسمینوں میں پاکستان کے بابر اعظم کی تیسری پوزیشن پر برقرار ہیں جبکہ فخر زمان 16ویں نمبر پر براجمان ہیں۔

    ٹیم رینکنگ میں انگلینڈ کی پہلی پوزیشن برقرار ہے، بھارت دوسرے، نیوزی لینڈ تیسرے، آسٹریلیا چوتھے، جنوبی افریقا پانچویں، پاکستان چھٹے، بنگلہ دیش ساتویں، سری لنکا آٹھویں، ویسٹ انڈیز نویں اور افغانستان دسویں نمبر پر براجمان ہے۔

    ٹاپ فائیو آل راؤنڈرز کی رینکنگ میں بنگلہ دیش کے شکیب الحسن پہلے، انگلینڈ کے بین اسٹوکس دوسرے، افغانستان کے محمد نبی تیسرے، پاکستان کے عماد وسیم چوتھے اور افغانستان کے راشد خان پانچویں نمبر پر موجود ہیں۔

  • پاک سری لنکا سیریز، آئی سی سی نے میچ آفیشلز کا اعلان کردیا

    پاک سری لنکا سیریز، آئی سی سی نے میچ آفیشلز کا اعلان کردیا

    دبئی: انٹرنیشنل کرکٹ کونسل نے پاکستان اور سری لنکا کے درمیان سیریز کے لیے ڈیوڈ بون کو میچ ریفری مقرر کردیا۔

    تفصیلات کے مطابق پاکستان کی سیکیورٹی پر آئی سی سی کا اعتماد بھی بڑھنے لگا ہے، آئی سی سی نے پاکستان اور سری لنکا کے درمیان سیریز کے لیے آسٹریلیا کے ڈیوڈ بون کو میچ ریفری مقرر کردیا۔

    آئی سی سی ایلیٹ پینل میں شامل مائیکل گف، جول ولسن اور علیم ڈار امپائرنگ کے فرائض انجام دیں گے۔

    رپورٹ کے مطابق آئی سی سی انٹرنیشنل پینل میں شامل احسن رضا، شوزب رضا اور آصف یعقوب بھی سیریز میں ذمہ داریاں نبھائیں گے۔

    واضح رہے کہ گزشتہ روز قومی کرکٹ ٹیم کے ہیڈ کوچ اور چیف سلیکٹر مصباح الحق نے ٹیم کا اعلان کیا تھا۔

    مزید پڑھیں: چیف سلیکٹر مصباح الحق کا سری لنکاکےخلاف ون ڈےسیریز کے لئے ٹیم کااعلان

    بابراعظم، عابد علی، فخر زمان، آصف علی، حارث سہیل، محمد حسنین ، افتخار احمد ،عماد وسیم، امام الحق، محمد عامر، محمد نواز، محمد رضوان اسکواڈ میں شامل ہیں جبکہ شاداب خان، عثمان شنواری اور وہاب ریاض اسکواڈ کا حصہ ہوں گے۔

    مصباح الحق کا کہنا تھا کہ حسن علی کوفٹنس مسائل کی وجہ سے شامل نہیں کیا گیا، احمد شہزاد اور عمر اکمل کی پی ایس ایل میں پرفارمنس اچھی ہے، فخر زمان کی پرفارمنس ڈاؤن ہوئی ہے لیکن ان کی47 کی اوسط ہے، فخرزمان 10اوور کھیل جائیں تومیچ جیتنے کے چانس بڑھ جاتے ہیں۔

    یاد رہے کہ سری لنکا کے خلاف ایک روزہ، ٹی ٹوینٹی سیریز 27 ستمبر سے 9 اکتوبر تک جاری رہے گی، سرفراز احمد 2017 سے تینوں فارمیٹ میں قومی ٹیم کی قیادت کررہے ہیں۔

  • آئی سی سی کی نئی ٹیسٹ رینکنگ جاری، بھارت سر فہرست، پاکستان کا ساتواں نمبر

    آئی سی سی کی نئی ٹیسٹ رینکنگ جاری، بھارت سر فہرست، پاکستان کا ساتواں نمبر

    دبئی : انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کردی، بھارت پہلے جبکہ پاکستانی ٹیم ساتویں نمبر پر پہنچ گئی۔ بلے بازوں اور آل راﺅنڈرز کی فہرست میں بھی کوئی پاکستانی شامل نہیں۔

    تفصیلات کے مطابق آئی سی سی نے ٹیسٹ کرکٹ کی نئی رینکنگ جاری کی ہے جس کے مطابق بھارت پہلے، نیوزی لینڈ دوسرے، جنوبی افریقہ تیسرے، انگلینڈ چوتھے، آسٹریلیا پانچویں، سری لنکا چھٹے، پاکستان ساتویں، ویسٹ انڈیز آٹھویں، بنگلہ دیش نوویں اور زمبابوے دسویں نمبر پر ہے۔

    اس کے علاوہ بلے بازوں اور آل راﺅنڈرز کی فہرست میں ایک بھی پاکستانی جگہ بنانے میں کامیاب نہیں ہو سکا البتہ باﺅلنگ میں محمد عباس 9 ویں نمبر پر ہیں۔

    نئی ٹیسٹ رینکنگ کے مطابق بلے بازوں کی فہرست میں بھارتی کپتان ویرات کوہلی بدستور پہلے نمبر پر براجمان ہیں جبکہ اسٹیو اسمتھ دوسرے، کین ولیمسن تیسرے، چتیشور پجارا چوتھے، ہینری نکولس پانچویں، دیموتھ کرونا رتنے چھٹے، جو روٹ ساتویں، ٹام لاتھم آٹھویں، ایڈن مارکرم نوویں اور کوینٹن ڈی کوک دسویں نمبر پر ہیں۔

    اس کے علاوہ باﺅلرز کی فہرست میں آسٹریلیا کے پیٹ کومنز پہلے، جنوبی افریقہ کے کاگیسو ربادا دوسرے، انگلینڈ کے جیمز اینڈرسن تیسرے، جنوبی افریقہ ویرنون فلینڈر چوتھے، نیوزی لینڈ کے ٹرینٹ بولٹ پانچویں، نیوزی لینڈ ہی کے نیل ویگنر چھٹے، بھارت کے جسپریت بمرا ساتویں، ویسٹ انڈیز کے کیمار روچ آٹھویں، پاکستان کے محمد عباس نوویں اور بھارت کے رویندرا جدیجہ دسویں نمبر پر ہیں۔

    آل راﺅنڈرز کی فہرست میں ویسٹ انڈیز کے جیسن ہولڈر کی اجارہ داری برقرار ہے جبکہ انگلینڈ کے بین سٹوکس دوسرے، بنگلہ دیش کے شکیب الحسن تیسرے، بھارت کے رویندرا جدیجہ چوتھے، جنوبی افریقہ کے ویرنون فلینڈر پانچویں، آسٹریلیا کے پیٹ کومنز چھٹے، بھارت کے روی چندرن ایشوین ساتویں، آسٹریلیا کے مچل سٹارک آٹھویں، انگلینڈ کے کرس ووکس نوویں اور ویسٹ انڈیز کے روسٹن چیز دسویں نمبر پر ہیں۔

  • اسپاٹ فکسنگ کا الزام، آئی سی سی نے دو کرکٹرز پر تاحیات پابندی لگادی

    اسپاٹ فکسنگ کا الزام، آئی سی سی نے دو کرکٹرز پر تاحیات پابندی لگادی

    دبئی: انٹرنیشنل کرکٹ کونسل نے اسپاٹ فکسنگ کا الزام ثابت ہونے پر دو کرکٹرز پر تاحیات اور ایک پر پانچ سال کی پابندی عائد کردی۔

    تفصیلات کے مطابق اسپاٹ فکسنگ کا الزام ثابت ہونے پر آئی سی سی نے ہانگ کانگ کے دو کرکٹرز پر تاحیات پابندی لگادی، عرفان احمد اور ندیم احمد پر آئی سی سی کوڈ آف کنڈکٹ کی خلاف ورزی کے مرتکب قرار دے دئیے گئے۔

    ہانگ کانگ کے دونوں کرکٹرز کسی بھی طرز کی کرکٹ نہیں کھیل سکیں گے، اینٹی کرپشن ٹریبونل نے تیسرے کھلاڑی حسیب امجد کو الزام ثابت ہونے پر پانچ سال کے لیے معطل کیا ہے۔

    آئی سی سی کا کہنا ہے کہ تینوں کھلاڑی دو سال کے دوران میچ فکسنگ میں ملوث رہے، عرفان احمد آئی سی سی کوڈ آف کنڈکٹ کی 9 شقوں کی خلاف ورزی کے مرتکب ہوئے جبکہ ندیم احمد نے تین شقوں کی خلاف ورزی کی ہے۔

    اینٹی کرپشن ٹریبونل نے حسیب احمد کو کوڈ آف کنڈکٹ کی خلاف ورزی پر پانچ سال کے لیے معطل کیا ہے۔

    آئی سی سی کی جانب سے بتایا گیا ہے کہ ان تینوں کھلاڑیوں کی جانب سے ٹی ٹی ٹوینٹی ورلڈ کپ 2016 کے دوران میچ فکسنگ کی گئی تھی۔

    اس حوالے سے انٹرنیشنل کرکٹ کونسل کے اینٹی کرپشن یونٹ نے باقاعدہ تحقیقات کیں۔

    تینوں کھلاڑیوں کو گزشتہ برس اکتوبر میں معطل کردیا گیا تھا جبکہ اب تحقیقات مکمل ہونے کے بعد آئی سی سی نے تینوں کھلاڑیوں کے لیے سزاؤں کا باقاعدہ اعلان کردیا ہے۔

  • آئی سی سی ٹیسٹ رینکنگ، اسٹیو اسمتھ نے دوسری پوزیشن سنبھال لی

    آئی سی سی ٹیسٹ رینکنگ، اسٹیو اسمتھ نے دوسری پوزیشن سنبھال لی

    دبئی: آئی سی سی کی جانب سے نئی ٹیسٹ رینکنگ جاری کی گئی ہے جس کے مطابق آسٹریلوی بلے باز اسٹیو اسمتھ نے دوسری پوزیشن سنبھال لی ہے۔

    تفصیلات کے مطابق سابق آسٹریلوی کپتان اسٹیون اسمتھ نے ایک سال بعد ٹیسٹ کرکٹ میں شاندار کم بیک کیا ہے، ایجبسٹن ٹیسٹ میچ دو سنچریاں اور لارڈز ٹیسٹ میں 92 رنز کی اننگز نے انہیں آئی سی سی ٹیسٹ بیٹسمین رینکنگ میں دوسرے نمبر پر پہنچا دیا ہے۔

    اسٹیو اسمتھ رینکنگ میں پہلے نمبر پر موجود بھارتی کپتان ویرات کوہلی سے صرف نو پوائنٹس پیچھے ہیں، پاکستانی بلے باز بابر اعظم کیریئر کی بہترین پوزیشن پر پہنچ گئے ہیں۔

    کینگروز بلے بازوں میں ٹریوس ہیڈ 20ویں سے 18ویں اور مارنس لیشین 98 ویں سے 82 ویں نمبر پر براجمان ہیں، انگلینڈ کی جانب سے بین اسٹوکس 32ویں سے 26ویں، جونی بیرسٹو 37ویں سے 30ویں اور روری برنز 81ویں سے 64ویں نمبر پر پہنچ گئے ہیں۔

    آسٹریلوی بلے باز عثمان خواجہ اور ڈیوڈ وارنر کی تنزلی کے بعد پاکستان کے بابر اعظم ایک درجہ ترقی کے ساتھ کیریئر کی بہترین 17ویں پوزیشن پر آگئے ہیں۔

    بولرز کی رینکنگ میں آسٹریلیا کے پیٹ کمنز نے پہلی پوزیشن مستحکم کرلی ہے جبکہ اپنے پہلے ٹیسٹ میچ میں 5 وکٹیں لینے والے جوفرا آرچر نے 83 ویں پوزیشن کے ساتھ ٹیسٹ رینکنگ میں جگہ بنالی ہے۔

    آسٹریلوی بولرز مچل اسٹارک اور نیتھن لیون کی تنزلی کے سبب پاکستانی لیگ اسپنر یاسر شاہ 17ویں نمبر پر آگئے ہیں، محمد عباس بدستور آٹھویں پوزیشن پر موجود ہیں۔

    واضح رہے کہ آسٹریلوی بلے باز اسٹیو اسمتھ لارڈز میں ہونے والے دوسرے ایشز ٹیسٹ میں جوفرا آرچر کا باؤنسر لگنے کے باعث زخمی ہوگئے تھے انہیں پہلی اننگز کے دوران باؤنسر لگا تھا، آئی سی سی کے نئے قانون کے مطابق مارنس لبوشین نے اسٹیو اسمتھ کے متبادل کے طور پر بیٹنگ کی تھی۔