ARYNews.tv | Urdu – Har Lamha Bakhabar

Tag: آئی سی یو

  • اسپتال کے آئی سی یو میں خاتون سے زیادتی

    اسپتال کے آئی سی یو میں خاتون سے زیادتی

    بھارت میں خواتین اب اسپتالوں میں بھی محفوظ نہیں، ریاست راجستھان کے الور میں ایک انتہائی افسوسناک واقعہ پیش آیا، جب اسپتال کے آئی سی یو میں زیر علاج خاتون کو زیادتی کا نشانہ بنا دیا گیا۔

    بین الاقوامی خبر رساں ادارے کی رپورٹ کے مطابق پولیس ذرائع کا کہنا ہے کہ ہریش اسپتال میں رات تقریباً 3 بجے آئی سی یو میں موجود میڈیکل اسسٹنٹ چراغ یادو نے ایک خاتون مریضہ کو زیادتی کا نشانہ بنایا۔

    پولیس ذرائع کے مطابق خاتون کی شکایت پر مقدمہ درج کر کے تحقیقات کا آغاز کردیا گیا ہے، جبکہ ملزم کو سی سی ٹی وی کے ذریعے شناخت کر لیا گیا ہے۔

    متاثرہ خاتون کے اہل خانہ کا اس حوالے سے کہنا ہے کہ خاتون مریضہ سانس کی بیماری میں مبتلا ہے۔ جسے رات کو تقریباً 1 بجے اسپتال میں داخل کرایا گیا تھا۔

    اغوا کے بعد 14 سالہ گھریلوملازمہ سے اجتماعی زیادتی، متاثرہ لڑکی کا بیان سامنے آگیا

    اطلاعات کے مطابق چراغ نامی ملازم نے خاتون کو بے ہوشی کا انجکشن دیا اور زیادتی کا نشانہ بنایا، پولیس نے واقعہ کے بعد مقدمہ درج کرلیا ہے۔ جبکہ اسپتال انتظامیہ نے ملزم کو نوکری سے نکال دیا ہے۔

  • سندھ کے بیشتر اسپتالوں میں بچوں کے لیے وینٹی لیٹرز موجود نہیں

    سندھ کے بیشتر اسپتالوں میں بچوں کے لیے وینٹی لیٹرز موجود نہیں

    کراچی: محکمہ صحت سندھ کا کہنا ہے کہ حیدر آباد اور میر پور خاص ڈویژن کے سرکاری اسپتالوں میں بچوں کے لیے ایک بھی وینٹی لیٹر موجود نہیں، پورے سندھ سے وینٹی لیٹر سپورٹ کے لیے بچے کراچی بھیجے جاتے ہیں۔

    تفصیلات کے مطابق محکمہ صحت سندھ نے اعتراف کیا ہے کہ حیدر آباد اور میر پور خاص ڈویژن کے سرکاری اسپتالوں میں بچوں کے لیے ایک بھی وینٹی لیٹر موجود نہیں، ٹھٹہ، بدین اور تھر پارکر کے اسپتالوں میں وینٹی لیٹرز موجود نہیں۔

    ماہرین صحت کا کہنا ہے کہ پیدائشی امراض کا شکار بچوں کو ہنگامی بنیادوں پر وینٹی لیٹرز کی ضرورت ہوتی ہے، جبکہ محکمہ سندھ کا کہنا ہے کہ حیدر آباد اور میرپور خاص کے تمام اضلاع سے بچے وینٹی لیٹر سپورٹ کے لیے کراچی بھیجے جاتے ہیں۔

    لیاقت یونیورسٹی اسپتال حیدر آباد کے میڈیکل سپریٹنڈنٹ کا کہنا ہے کہ اسپتال میں بچوں کے لیے وینٹی لیٹر موجود نہیں ہے، اسی مہینے بچوں کا آئی سی یو شروع کر دیں گے۔

    ڈسٹرکٹ اسپتال تھر پارکر کے حکام کا بھی کہنا ہے کہ تھر پارکر کے کسی اسپتال میں بچوں کے لیے وینٹی لیٹر موجود نہیں، وینٹی لیٹر کی ضرورت والے بچوں کو کراچی بھیجتے ہیں۔

    دوسری جانب ڈائریکٹر قومی ادارہ برائے امراض اطفال کراچی ڈاکٹر ناصر سلیم کا کہنا ہے کہ سندھ بھر سے وینٹی لیٹر سپورٹ کے لیے بچے کراچی بھیجے جاتے ہیں، ہمارے پاس بچوں کے لیے صرف 25 وینٹی لیٹر ہیں۔ پورے سندھ اور بلوچستان سے بچے ہمارے پاس بھیجے جاتے ہیں۔

    انہوں نے کہا کہ دور دراز کے علاقوں سے آنے والے بچے یقیناً راستے میں ہی انتقال کر جاتے ہوں گے، ہر ضلعی اسپتال میں بچوں کے لیے وینٹی لیٹر ہونا ضروری ہے۔

  • ڈاکٹرزنے میری وفات کی خبر دینے کی تیاری کرلی تھی، بورس جانسن کا انکشاف

    ڈاکٹرزنے میری وفات کی خبر دینے کی تیاری کرلی تھی، بورس جانسن کا انکشاف

    لندن: برطانوی وزیر اعظم بورس جانسن نے سنسنی خیز انکشاف کیا ہے کہ جب وہ کرونا وائرس کی وجہ سے زندگی اور موت کی کشمکش میں مبتلا تھے تب ڈاکٹرز نے ان کی وفات کی خبر دینے کی تیاری کر لی تھی۔

    بورس جانسن نے یہ انکشاف ایک اخبار کو انٹرویو دیتے ہوئے کیا، انھوں نے انٹرویو میں زندگی اور موت کی کشمکش کا احوال بتاتے ہوئے کہا آئی سی یو میں مجھے احساس ہو گیا تھا کہ کرونا وائرس کا کوئی علاج موجود نہیں ہے، یقین نہیں آ رہا تھا کہ چند دن میں صحت اتنی کیسے خراب ہو گئی۔

    کرونا سے صحت یاب برطانوی وزیر اعظم نے بتایا مجھے آئی سی یو میں کئی لیٹر آکسیجن دی گئی، میری حالت بگڑ گئی تھی، لیکن مجھے پتا تھا کہ ہنگامی صورت حال میں متبادل منصوبہ تیار ہے، ڈاکٹروں کو بھی علم تھا کہ معاملہ خراب ہونے پر کیا کرنا ہے۔

    کرونا کی عالمگیر وبا: 34 لاکھ 84 ہزار انسان متاثر، ڈھائی لاکھ کے قریب لوگ ہلاک

    بورس جانسن نے کہا میں اپنے آپ سے پوچھتا رہا کہ میں اس صورت حال سے کیسے نکلوں گا، تیزی سے صحت کی خرابی پر مایوسی ہوئی، سمجھ نہیں آ رہا تھا کہ میں ٹھیک کیوں نہیں ہو رہا، تاہم ڈاکٹروں نے میری جان بچا لی، جان بچانے پر میڈیکل اسٹاف کا شکر گزار ہوں۔

    واضح رہے کہ برطانیہ بہت تیزی کے ساتھ ہلاکتوں میں اٹلی کے بہت قریب پہنچ چکا ہے، خدشہ ہے دو دن میں برطانیہ اسپین اور فرانس کے بعد اب اٹلی کو بھی پیچھے چھوڑ دے گا، برطانیہ میں گزشتہ چوبیس گھنٹوں کے دوران 621 مریض ہلاک ہوئے، اور وائرس اب تک 28,131 افراد کی جانیں لے چکا ہے، متاثرہ افراد کی تعداد بھی 1 لاکھ 82 ہزار سے بڑھ گئی ہے، برطانیہ نے تاحال صحت یاب ہونے والے مریضوں کا ڈیٹا جاری نہیں کیا۔

  • بورس جانسن آئی سی یو سے وارڈ میں منتقل

    بورس جانسن آئی سی یو سے وارڈ میں منتقل

    لندن: کرونا وائرس سے متاثر ہونے والے برطانوی وزیر اعظم بورس جانسن کی طبیعت سنبھلنے کے بعد انھیں آئی سی یو سے وارڈ میں منتقل کر دیا ہے۔

    برطانوی میڈیا کے مطابق ترجمان وزیر اعظم دفتر نے بتایا کہ بورس جانسن کو انٹینسو کیئر یونٹ سے میڈیکل وارڈ میں منتقل کر دیا گیا ہے، ان کی صحت میں بہتری آ گئی ہے۔

    کو وِڈ نائنٹین کا شکار ہونے والے وزیر اعظم بورس جانسن 3 دن اسپتال کے آئی سی یو میں تھے، ان کی حالت تشویش ناک ہو گئی تھی، دنیا کے کئی ممالک کے سربراہان نے ان کے لیے دعاؤں اور نیک تمناؤں کا اظہار کیا۔

    وزیر اعظم عمران خان نے بھی برطانوی وزیر اعظم بورس جانسن کی جلد صحت یابی کے لیے نیک خواہشات اور مل کر کرونا کے خلاف لڑنے کے عزم کا اظہار کیا۔ امریکی صدر ڈونلڈ ٹرمپ نے بورس جانسن کی صحت کی خرابی کی خبر سن کر دکھ کا اظہار کیا اور کہا کہ کرونا کی وجہ سے کسی مریض کا آئی سی یو میں جانا تشویش ناک امر ہوتا ہے۔

    وزیراعظم کا بورس جانسن کی جلد صحت یابی کیلیے نیک خواہشات کا اظہار

    فرانسیسی وزیر اعظم امانوئل میکرون نے بھی بورس جانسن کو انتہائی نگہداشت وارڈ میں منتقل کرنے پر تشویش کا اظہار کیا تھا، انھوں نے برطانوی ہم منصب کے لیے نیک خواہشات کا اظہار کرتے ہوئے کہا کہ اس آزمایش کے وقت میں وہ بورس جانسن اور ان کے اہل خانہ کے ساتھ ہیں۔

    خیال رہے کہ برطانیہ میں کرونا وائرس سے ہلاک ہونے والے مریضوں کی تعداد 7,978 ہو گئی ہے جب کہ اب تک وائرس سے 65 ہزار افراد متاثر ہو چکے ہیں جن میں ڈیڑھ ہزار مریضوں کی حالت تشویش ناک ہے۔

  • ٹرمپ برطانوی وزیر اعظم کے بارے میں خبر سن کر افسردہ ہو گئے

    ٹرمپ برطانوی وزیر اعظم کے بارے میں خبر سن کر افسردہ ہو گئے

    واشنگٹن: امریکی صدر ڈونلڈ ٹرمپ برطانوی وزیر اعظم بورس جانسن کے بارے میں یہ خبر سن کر افسردہ ہو گئے کہ انھیں کرونا وائرس کے باعث آئی سی یو منتقل کر دیا گیا ہے۔

    تفصیلات کے مطابق امریکی صدر ٹرمپ نے بورس جانسن سے متعلق خبر سن کر کہا کہ انتہائی نگہداشت میں لے جایا جاتا ہے تو یہ بہت سنجیدہ معاملہ ہو جاتا ہے۔ انھوں نے برطانوی وزیر اعظم بورس جانسن کے لیے نیک تمناؤں کا اظہار کرتے ہوئے کہا کہ میں بہت افسردہ ہوں کہ بورس جانسن کو انتہائی نگہداشت میں لے جایا گیا ہے۔

    ڈونلڈ ٹرمپ نے کہا امریکی عوام ان کی صحت یابی کے لیے دعا گو ہیں، وہ میرے اچھے دوست ہیں، بورس جانسن بہت پر عزم اور ہار ماننے والے نہیں۔

    کرونا وائرس، برطانوی وزیراعظم کو آئی سی یو منتقل کردیا گیا

    خیال رہے کہ گزشتہ روز برطانوی وزیر اعظم بورس جانسن کی طبیعت مزید خراب ہونے پر انھیں آئی سی یو منتقل کیا گیا، وہ لندن کے سینٹ تھامس اسپتال میں زیر علاج ہیں، بورس جانسن نے وزیر خارجہ ڈومینک راب کو ہدایت کی کہ ان کی طبیعت سنبھلنے تک وہ ذمہ داریاں ادا کریں۔

    دوسری طرف برطانوی وزیر خارجہ نے کہا ہے کہ وزیر اعظم کو اسپتال میں بہترین علاج فراہم کیا جا رہا ہے۔ خیال رہے کہ برطانیہ میں کرونا وائرس سے اموات 5373 ہو گئی ہیں، 51 ہزار سے زائد افراد وائرس سے متاثر ہو چکے ہیں۔

  • وزیرداخلہ احسن اقبال کا دوسرا آپریشن بھی مکمل‘ آئی سی یومنتقل

    وزیرداخلہ احسن اقبال کا دوسرا آپریشن بھی مکمل‘ آئی سی یومنتقل

    لاہور: وفاقی وزیرداخلہ احسن اقبال کا دوسرا آپریشن بھی کامیابی سے مکمل ہوگیا جس کے بعد انہیں آپریشن تھیٹرسے آئی سی یو میں شفت کردیا گیا۔

    تفصیلات کے مطابق لاہور کے سروسز اسپتال میں وزیرداخلہ احسن اقبال کے بازو کا دوسرا آپریشن کیا گیا، وزیرداخلہ کی کی کہنی اورکندھے کے درمیان فریکچرموجود تھا۔

    احسن اقبال کا دوسرا آپریشن مکمل ہونے کے بعد انہیں آپریشن تھیٹرسے آئی سی یو میں منتقل کردیا گیا ہے، وزیرداخلہ چند گھنٹوں میں ہوش میں آجائیں گے۔

    وزیرداخلہ کا پہلا آپریشن پیٹ جبکہ دوسرا آپریشن بازو کا کیا گیا، ڈاکٹر کا کہنا ہے کہ احسن اقبال کے پیٹ میں موجود گولی کو نکالنے کی ضرورت نہیں ہے۔

    احمد اقبال کا ویڈیو پیغام

    وفاقی وزیرداخلہ احسن اقبال کے بیٹے احمد اقبال نے ویڈیو پیغام میں بتایا کہ اللہ تعالیٰ کا شکر ہے والد صاحب کی حالت اب خطرے سے باہر ہے، اللہ تعالیٰ کے فضل وکرم سے والد صاحب کی جان بچی اورمحفوظ رہے۔

    احمد اقبال نے نے ویڈیو پیغام میں کہا کہ سب سے درخواست ہے احسن اقبال صاحب کوخصوصی دعاؤں میں یاد رکھیں۔

    وزیرداخلہ پرحملہ‘ابتدائی تحقیقاتی رپورٹ چیف سیکریٹری پنجاب کوارسال

    دوسری جانب وفاقی وزیرداخلہ احسن اقبال پر حملے کی ابتدائی تحقیقاتی رپورٹ چیف سیکریٹری پنجاب کو ارسال کردی گئی جس میں بتایا گیا ہے کہ حملہ آور نے احسن اقبال کے ارد گرد رش کا فائدہ اٹھا کر گولی چلائی۔

    وزیر داخلہ احسن اقبال قاتلانہ حملے میں زخمی

    یاد رہے کہ گزشتہ روز وفاقی وزیرداخلہ احسن اقبال پر نارروال میں کانرمیٹنگ کے بعد فائرنگ کی گئی تھی جس کے نتیجے میں وہ زخمی ہوگئے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • حریت رہنماؤں کی گرفتاری قابل مذمت ہے،نفیس ذکریا

    حریت رہنماؤں کی گرفتاری قابل مذمت ہے،نفیس ذکریا

    اسلام آباد : پاکستانی دفترخارجہ نے حریت رہنما یاسین ملک کو بہتر طبی سہولت فراہم نہ کرنے اور بھارتی فوج کے ہاتھوں شہید کیے جانے والے بائیس سا لہ طالب علم کے قتل کی بھی شدیدمزمت کی۔

    تفصیلات کےمطابق اسلام آباد میں دفترخارجہ کےترجمان نفیس ذکریا نے بتایا کہ حریت رہنما یاسین ملک کی حالت تشویشناک ہےانہیں آئی سی یو میں منتقل کردیا گیا ہے۔

    ترجمان دفتر خارجہ کے ترجمان کا کہناتھاکہ حریت رہنمایاسین ملک کوبہترطبی سہولت نہ دینےکی مذمت کرتےہیں۔

    تفیس ذکریا نے بتایاکہ علی گیلانی، میرواعظ اور آسیہ اندرابی بھی بھارتی فوج کی حراست میں ہیں۔ان کا کہنا تھا کہ حریت رہنماؤں کی گرفتاری قابل مذمت ہے۔

    مزید پڑھیں:میرے شوہر کی زندگی کوسخت خطرہ ہے،مشعال ملک

    دفتر خارجہ کے ترجمان نے بھارتی فوج کے ہاتھوں شہید کیے جانے والے22 سالہ طالب علم جاوید میر کے قتل کی بھی شدید مزمت کی اور کہا جاوید میر مقبوضہ کشمیر کے ضلع بٹگرام کے ایک کالج میں زیر تعلیم تھااور وہ کسی بھی احتجاجی سرگرمیوں میں ملوث نہیں تھا۔

    مزید پڑھیں: حریت رہنما یاسین ملک کی حالت تشویش ناک، آئی سی یو منتقل

    واضح رہے کہ گزشتہ روز مقبوضہ کشمیر کے اسیر حریت رہنما یاسین ملک کو تشویش ناک حالت میں اسپتال کے آئی سی یو منتقل کردیا گیاتھا جہاں ان کے بائیں بازوں نے کام کرنا چھوڑ دیا،یہ خبرسن کر ان کی اہلیہ بے ہوش ہو گئی تھیں۔

  • پمزاسپتال کے ڈاکٹرزکی مبینہ غفلت، مریضہ دم توڑ گئی

    پمزاسپتال کے ڈاکٹرزکی مبینہ غفلت، مریضہ دم توڑ گئی

    اسلام آباد : ڈیوٹی ڈاکٹر کی غیرحاضری کے باعث پاکستان انسٹی ٹیوٹ آف میڈیکل سائنسز کے سرجیکل آئی سی یو میں زیر علاج مریضہ دم توڑ گئی ۔

    وائس چانسلر پمز نے اے آر وائی نیوز کی خبر پر نوٹس لیتے ہوئے واقعے کی تحقیقات کا حکم دے دیا، ہسپتال ذرائع کے مطابق جوڑوں کے عارضے میں مبتلا حنا سرجیکل آئی سی یو میں زیر علاج تھی۔

    مریضہ کی حالت تشویشناک ہونے پرلواحقین نے ڈیوٹی ڈاکٹر صدف کو بلایا تاہم ڈاکٹر صدف آئی سی یو میں موجود نہ تھی ۔

    موقع پر موجود میڈیکل آفیسر ڈاکٹر قاسم نے ڈاکٹر صدف کو متعدد فون کئے لیکن ڈاکٹر صدف نے فون اٹینڈ نہیں کیا ۔ جس پرمیڈیکل آفیسر ڈاکٹر قاسم نے شعبہ امراض جوڑ کے سربراہ ڈاکٹر عابد فاروقی سمیت دیگر ڈاکٹرز کو فون کئے تاہم کسی نے فون اٹینڈ نہیں کیا ۔

    مریضہ کے جا ں بحق ہونے پر لواحقین نے شدید احتجاج کیا اور موقع پر موجود دیگر ڈاکٹرز کے ساتھ بد سلوکی کی ۔ غموں کے مارے لواحقین کو ڈاکٹرز نہ ہونے کی وجہ سے ڈیتھ سرٹفکیٹ کے لئے بھی طویل انتظار کرنا پڑا ۔

    ایک گھنٹے کے انتظار کے بعد خصوصی طور پر بلائے گئے ڈاکٹر حسام نے ڈیتھ سرٹفکیٹ جاری کیا ، دوسری جانب قائم مقام وائس چانسلر پمز ڈاکٹر خلیق الزماں نے اے آر وائی نیوز پر پمز میں ڈاکٹروں کی غیر حاضری کے باعث مریضہ کی ہلاکت کی خبر پر نوٹس لیتے ہوئے واقعے کی تحقیقات کا حکم دے دیا ہے۔