امریکی صدر نے بھارت کو ہری جھنڈی دکھا دی اور اپنے نئے فیصلے سے مودی سرکار کو میڈ ان انڈیا نو مور کا پیغام دےدیا ہے۔
امریکی صدر ڈونلڈ ٹرمپ نے مودی سرکار کو دو ٹوک پیغام دے دیا ہے کہ میڈ ان انڈیا نو مور اور اس کے ساتھ ہی انہوں نے آئی فون بنانے والی کمپنی ایپل کو اضافی ٹیرف لگانے کی دھمکی دے دی ہے۔
ٹرمپ نے ایکس اکاؤنٹ پر بھارت میں ایپل کمپنی کو آئی فونز کی مینوفیکچرنگ نہ کرنے کا ایک بار پر واضح پیغام دیتے ہوئے بڑی تنبیہہ کی ہے۔
امریکی صدر نے دوٹوک انداز اختیار کرتے ہوئے کہا ہے کہ آئی فونز صرف امریکا میں تیار کیے جائیں، بھارت میں نہیں۔
ٹرمپ نے ایپل کمپنی کو تنبیہہ کی ہے کہ اگر اس نے آئی فون امریکا سے باہر (بھارت) میں تیار کرنا ہیں تو 25 فیصد ٹیرف لگے گا۔
ان کا کہنا ہے کہ ایپل کے چیف ایگزیکٹو ٹم کک کو پہلے ہی آگاہ کر دیا تھا کہ امریکا میں فروخت ہونے والے آئیفونز امریکی سر زمین پر ہی تیار کیے جائیں۔ بھارت یا کسی اور جگہ نہیں، اگر ایسا نہیں کیا گیا تو اضافی ٹیرف بھگتنا ہوگا۔
واضح رہے کہ امریکی صدر ڈونلڈ ٹرمپ نے اپنے حالیہ دورہ مشرق وسطیٰ میں بھارت میں آئی فونز تیار کرنے پر ایپل کے چیف ایگزیکٹو ٹم کک پر برہمی کا اظہار کیا تھا اور کہا تھا وہ نہیں چاہتے کہ ایپل کمپنی اپنی ڈیوائسز بھارت میں تیار کرے۔
معاشی ماہرین نے امریکی صدر کے اس بیان کو ٹرمپ کے بھارت پر بڑھتے عدم اعتماد اور مودی سرکار کی پالیسیوں پر سوالیہ نشان قرار دیتے ہوئے کہا ہے کہ مودی حکومت کی ناکام معاشی پالیسیوں نے بھارت کو غیر معتبر بنا دیا ہے۔
معاشی ماہرین کا کہنا ہے کہ ٹرمپ بار بار امریکی کمپنیوں کو بھارت سے نکلنے اور واپس امریکا آنے کی تقلین کر چکے ہیں اور ان کا بار بار انتباہ دراصل بھارت پر امریکا کے عدم اعتماد کی نشاندہی کر رہا ہے۔
