Tag: آئی پی ایل فرنچائز

انگلینڈ کرکٹ ٹیم کے سابق کپتان مائیکل وان نے آئی پی ایل فرنچائز پر پیٹ کمنز اور محمد شامی جیسے بولرز کو تباہ کرنے کا الزام عائد کیا ہے۔

سن رائزر حیدرآباد اور لکھنؤ جائنٹس کے درمیان ہونے والے میچ کے بعد مائیکل وان کا یہ بیان سامنے آیا ہے، اس میچ میں سن رائزز حیدرآباد نے 190 رنز کا ہدف دیا تھا جسے لکھنؤ کی ٹیم نے ہنستے کھیلتے 17 ویں اوور میں ہی 5 وکٹوں کے نقصان پر پورا کرلیا تھا۔

اس شکست کے بعد اظہارخیال کرتے ہوئے انگلینڈ کے سابق کپتان کا کہنا تھا کہ ہم حیدرآباد کی بیٹنگ کے بارے میں بات کرتے ہیں کہ وہ بڑے اسکورز بناتے ہیں لیکن انھیں بیٹنگ کے علاوہ بولرز کا خیال رکھنا ہوگا کہ ان کے بولرز اپنا اعتماد نہ کھو دیں۔

وان نے کہا کہ ان کے بولرز اس روڈ پر بولنگ کررہے ہیں، آپ ان کے بولرز کے اعداد و شمار دیکھیں، پیٹ کمنز اور محمد شامی جیسے بولرز کو اتنی مار پڑرہی ہے۔

انھوں نے کہا کہ ایڈم زامپا کو بھی بیٹرز نے بری طرح دھویا، اس لیے آپ کو اپنے بولنگ اٹیک کے حوالے سے کافی محتاط رہنا ہوگا۔

مائیکل وان نے کہا کہ اس بات کا خیال رکھیں کہ آپ کے بولرز ہوم وینیو پڑ صرف کسی سڑک پر بولنگ نہ کریں، ٹیم چاہے گی کہ وہ پرفارمنس دکھائیں مگر وہ ڈیلیور نہیں کرسکیں گے کیوں کہ ان میں اعتماد کی کمی ہوگی۔

https://urdu.arynews.tv/saliva-ban-revoked-ipl-2025/

آئی پی ایل فرنچائز کی جانب سے بے وفائی کرنے پر بھارتی کرکٹر محمد سراج نے سوشل میڈیا پلیٹ فارم پر طویل پوسٹ میں اپنے دل کا حال آشکار کردیا۔

سعودی عرب کے شہر جدہ میں ہونے والے آکشن میں رائل چیلنجرز بنگلورو نے بھارت کے بہتر فاسٹ بولرز میں سے ایک محمد سراج کو اپنی ٹیم میں برقرار نہیں رکھا، مداحوں کے لیے یہ بات بھی اچھنبے سے کم نہیں تھی کہ رائل چیلنجرز نے سراج کے لیے بولی تک نہیں لگائی۔

سابق ٹیم کی طرف سے اس طرح ساتھ چھوڑنے پر سراج غمزدہ نظر آئے اور انھوں نے نیلامی ختم ہونے کے دو دن بعد اپنی سابق فرنچائز رائل چیلنجرز بنگلورو کے لیے جذباتی پوسٹ شیئر کی۔

انسٹا گرام پر اپنی پوسٹ میں محمد سراج نے اپنی سابق فرنچائز کا شکریہ ادا کیا اور یہ بھی کہا کہ میں یقین دلاتا ہوں کہ میں رائل چیلنجرز بنگلورو کو ہمیشہ یاد رکھوں گا۔

View this post on Instagram

A post shared by Mohammed Siraj (@mohammedsirajofficial)

انھوں نے اپنی پوسٹ میں لکھا کہ ’سات سال آر سی بی کے ساتھ میرے دل کے بہت قریب ہیں، جب میں پیچھے مڑ کردیکھتا ہوں کہ میں نے رائل چیلنجرز کی شرٹ پہنی تھی تو میرا دل محبت اور جذبات سے بھر جاتا ہے۔

میرا فرنچائز کے ساتھ سفر نہایت شاندار رہا، آر سی بی میرے لیے ایک فرنچائز سے زیادہ تھی، یہ میری محسوسات کی طرح تھی، میرے دل کی دھڑکن تھی، میری فیملی تھی۔

خیال رہے کہ آئی پی ایل آکشن 2025 میں اس بار محمد سراج کو گجرات ٹائیٹنز نے اپنی ٹیم کا حصہ بنایا ہے، جہاں ان کے ساتھ کاگیسو رباادا اور پراشد کرشنا جیسے بولرز بھی ٹیم کا حصہ ہونگے۔