رائل چیلنجرز بنگلور نے فاف ڈو پلیسس کی قیادت میں شاندار کامیابی حاصل کرلی، جس کے بعد آر سی بی ٹیم انڈین پریمیئر لیگ (آئی پی ایل) 2024 سیزن کے پلے آف کی دوڑ میں موجود ہے۔
دھرم شالہ کے ایچ پی چی اے اسٹیڈیم میں کھیلے گئے میچ میں آ ر سی بی نے پنجاب کنگز یعنی پی بی کے ایس کو 60 رنز سے ہرادیا۔ اس شکست کے ساتھ ہی پنجاب کی ٹیم پلے آف کی دوڑ سے دور ہوگئی۔
بنگلورو نے اب تک 12 میں سے 5 میچز میں کامیابی حاصل کی ہے، یہ ٹیم اب پوائنٹس ٹیبل میں ساتویں نمبر پر موجود ہے۔ جبکہ پنجاب 8ویں سے 9ویں نمبر پر آ گئی ہے۔ پنجاب نے 12 میں سے صرف 4 میچ جیتے ہیں۔
پہلے کھیلتے ہوئے آر سی بی نے 242 رنز کا ہدف دیا۔ جواب میں پنجاب کی شروعات خراب رہی، اس نے صرف 6 رنز پر پہلا وکٹ گنوا دیا۔ اس کے بعد جونی بیرسٹو اور ریلی روسو نے دوسری وکٹ کے لیے 31 گیندوں پر 65 رنز بنا دیئے۔
ویراٹ کوہلی نے شاندار بلے بازی کا مظاہرہ کرتے ہوئے 47 گیندوں پر 92 رنز کی اننگز کھیلی۔ اس دوران انہوں نے 6 چھکے اور 7 چوکے لگائے۔ ان کے علاوہ رجت پاٹیدار نے 23 گیندوں میں 55 رنز بنائے۔
محمد عامر آئرلینڈ کے لئے کب روانہ ہوں گے؟ اہم خبر
آخر میں کیمرون گرین نے 27 گیندوں پر 46 رنز بنائے۔ کوہلی اور گرین کے درمیان 46 گیندوں پر 92 رنز کی شراکت ہوئی۔ پنجاب کی جانب سے ہرشل پٹیل نے 3 اور ودوت کاورپا نے 2 کھلاڑیوں کو پویلین کی راہ دکھائی۔
