Tag: آئی پی ایل

مہندر سنگھ دھونی اپنی ٹیم کی شکست کے بعد دلبرداشتہ ہو کر مصافحہ کی لائن میں مخالف کھلاڑیوں سے ہاتھ ملانے کے بجائے وہاں سے چلے گئے تھے۔

بھارت کے سابق کپتان دھونی نے چنئی سپر کنگز کی ہار کے بعد رائل چینلجزر بنگلورو کے پلیئرز سے ہاتھ ملانے سے گریز کیا تھا۔ اہم میچ میں فتح کے بعد بنگلورو کے پلیئرز گراؤنڈ میں ہی جشن منارہے تھے اور انھوں نے تھوڑی دیر کے لیے سابق لیجنڈ کپتان کی موجودگی نظر انداز کردی تھی۔

رائل چینلجرز بنگلورو کے سپراسٹار بیٹر کو اس دوران احساس ہوا کہ ان کے سابق کپتان دیگر کھلاڑیوں میں موجود نہیں ہیں۔ اس لیے وہ ان سے ملنے کے لیے چنئی کے ڈریسنگ روم پہنچ گئے۔

پلے آف مرحلے میں کوالیفائی نہ کرنے کے بعد دھونی نے آر سی بی کے کچھ پلیئرز سے مصافحہ کیا تھا جبکہ کوہلی سمیت آر سی بی کے اکثر پلیئرز سے ہاتھ ملانے سے گریز کرتے ہوئے گراؤنڈ سے جانے کا انتخاب کیا تھا۔

اب گراؤنڈ سے ایک ویڈیو وائرل ہورہی ہے جس میں کوہلی بظاہر دھونی کو تلاش کرتے دکھائی دے رہے ہیں اور وہ انھیں ڈھونڈتے ڈھونڈتے مخلاف ٹیم کے ڈریسنگ روم میں پہنچ گئے۔

واضح رہے کہ آئی پی ایل کے ایم میچ میں رائل چیلنجرز بنگلورو نے چنئی سپرکنگز کو سنسنسی خیز مقابلے کے بعد شکست دے کر پلے آف مرحلے کے لیے کوالیفائی کیا تھا۔

سابق آسٹریلوی پیسر بریٹ لی نے لکھنؤ سپر جائنٹس کے کپتان کے ایل راہول کی کم ہمتی اور خراب اسٹرائیک ریٹ کو سخت تنقید کا نشانہ بنایا ہے۔

انڈین پریمیئر لیگ 2024 کے 54 ویں میچ میں کولکتہ نائٹ رائیڈرز کے بولرز کے سامنے لکھنؤ سپر جائنٹس کے بیٹرز بالکل بے بس نظر آئے تھے جبکہ کے ایل راہول کی کاکردگی بھی واجبی سی رہی تھی اور ان کی ٹیم کو 98 رنز سے شکست کا سامنا کرنا پڑا تھا۔

بریٹ لی نے اپنے خیالات کا اظہار کرتے ہوئے کہا کہ راہول نے کولکتہ کے بیٹرز فل سالٹ اور سنیل نارائن کی دھماکہ خیز اوپننگ اننگز کے برعکس انتہائی سست کارکردگی کا مظاہرہ کیا، ان کی وجہ سے دوسرے بلے بازوں پر دباؤ پڑا۔

انھوں نے کہا کہ مجھے لگتا ہے کہ اگر آپ دونوں ٹیموں کے اوپننگ بلے بازوں کو دیکھیں تو یہ بالکل ایک دوسرے کے برعکس ہیں۔ کے ایل راہول کی اننگز سمجھ سے باہر تھی۔ ایک گیند پر ایک رن لینا دوسرے اینڈ پر کھڑے بیٹر کو پریشر میں لاتا ہے۔

سابق آسٹریلوی کرکٹر نے کہا کہ مجھے لگتا ہے کہ کے ایل راہول پر بہت زیادہ دباؤ ہے کیونکہ انھوں نے اس طرح رنز اسکور نہیں کیے جس طرح انھیں کرنے چاہیے تھے۔

واضح رہے کہ 236 رنز کے تعاقب کے دوران، کے ایل نے 21 گیندوں میں تین چوکوں کے ساتھ 25 رنز کی سست اننگز کھیلی۔ ان کا اسٹرائیک ریٹ محض 119.04 تھا جبکہ ان کی ٹیم 16.1 اوور میں صرف 137 رنز پر پویلین لوٹ گئی۔

بھارتی کرکٹ بورڈ نے سپراسٹار بیٹر ویرات کوہلی کی جانب سے دوران میچ ایمپائر سے بدتمیزی کرنے پر ان کے خلاف بڑا قدم اٹھا لیا۔

ویرات کوہلی نے اتوار کو انڈین پریمیئر لیگ 2024 میں کولکتہ نائٹ رائیڈرز کے خلاف رائل چیلنجرز بنگلورو کے اہم میچ میں آؤٹ دیے جانے پر غصے کے اظہار کے ساتھ امپائر سے بدتمیزی کی تھی۔ بی سی سی آئی نے کوہلی کی حرکت کے بعد ان پر بھاری جرمانہ عائد کردیا ہے۔

بی سی سی آئی کی جانب سے جاری ایک بیان میں کہا گیا کہ ’رائل چیلنجرز بنگلورو کے بیٹر، مسٹر ویرات کوہلی نے ایڈن گارڈنز میں کولکتہ نائٹ رائیڈرز کے خلاف آئی پی ایل 2024 کے میچ 36 کے دوران ضابطہ اخلاق کی خلاف ورزی کی، ان پر میچ فیس کا 50 فیصد جرمانہ عائد کیا گیا ہے۔

انڈین پریمیئر لیگ کے آفیشل بیان میں بتایا گیا کہ کوہلی نے آئی پی ایل کے کوڈ آف کنڈکٹ کے آرٹیکل 2.8 کے تحت لیول ون کا جرم کیا ہے۔

آر سی بی کے سابق کپتان نے میدان میں اپنے جرم کو قبول کرلیا ہے اور میچ ریفری کی سزا کو قبول کیا ہے۔

جاری بیان میں آئی پی ایل کی جانب سے مزید کہا گیا کہ ’ضابطہ اخلاق کے لیول ون کی خلاف ورزی کے لیے میچ ریفری کا فیصلہ حتمی اور اس کی پابندی کی جائیگی۔

واضح رہے کہ آئی پی ایل 2024 کے ایک میچ کے دوران بھارتی کرکٹ اسٹار ویرات کوہلی متنازع آؤٹ دیے جانے پر میدان میں امپائرز پر برہم ہو گئے تھے۔

مذکورہ واقعہ کولکتہ نائٹ رائیڈرز اور رائل چیلنجرز بنگلورو کے میچ کے دوران اس وقت پیش آیا تھا جب تھرڈ امپائر کی جانب سے ایک قدرے اونچی گیند پر کوہلی کو آؤٹ قرار دیا گیا تھا۔

کرکٹ کے میدان میں ہاردک پانڈیا کی جگہ ممبئی انڈین کے پرانے کپتان روہت شرما نے پھر سے ذمہ داری سنبھال لی۔

وقت کتنی تیزی سے بدلتا ہے یہ بات ہاردک پانڈیا پر صادق آتی ہے، دو دن قبل آئی پی ایل کے ایک میچ سے وائرل ہونے والی ویڈیو میں وہ روہت شرما کو بتاتے نظر آئے تھے کہ کہاں فیلڈنگ کرنی ہے، اور پھر انھیں باؤنڈری پر بھیج دیا تھا۔

تاہم بدھ کی شام قسمت نے پلٹہ کھایا اور روہت شرما کو میدان میں ذمہ داری سنبھالنے کا موقع مل گیا، سن رائزرز حیدرآباد کی زبردست بیٹنگ کی وجہ سے ممبئی انڈینز اور کپتان ہاردک ہکا بکا نظر آئے۔

اسی دوران ممبئی کے سابق کپتان روہت شرما نے کچھ لمحات کے لیے میدان میں ذمہ داری سنبھال لی جبکہ ہاردک بطور قائد وہاں موجود تھے، روہت گراؤنڈ میں فیلڈ سیٹ کرتے نظر آئے اور بولرز کو ہدایات دیتے رہے جیسے کو وہ پہلے بطور قائد کیا کرتے تھے۔

اس وقت ایسا لگ رہا تھا کہ شاید ہاردک کے پاس خیالات ختم ہو گئے تھے اور وہ کوئی بھی صحیح فیصلہ کرنے سے آری نظر آرہے تھے۔

ایک مرحلے پر سن رائزرز نے پاور پلے میں 81 رنز بنالیے تھے، ٹریوس ہیڈ اور ابھیشیک شرما نے راجیو گاندھی اسٹیڈیم میں چھکوں کی برسات کردی تھی، اسی دوران روہت نے معاملات کو اپنے ہاتھ میں لے لیا تھا۔

واضح رہے کہ ممبئی انڈینز اور حیدرآباد سن رائزرز کے میچ میں 500 سے زائر رنز بنے تھے جبکہ کسی بھی ٹی ٹوئنٹی میچ میں سب سے زیادہ 38 چھکے بھی لگے تھے لگائے۔

حیدرآباد نے اس میچ میں پہلے بیٹنگ کرتے ہوئے مقررہ 20 اوورز میں 3 وکٹوں کے نقصان پر 277 رنز بنائے تھے جبکہ ہدف کے تعاقب میں ممبئی کی ٹیم 5وکٹوں پر 246 رنز بناسکی تھی۔