ARYNews.tv | Urdu – Har Lamha Bakhabar

Tag: آئی پی ایل

  • ٔچوکی دار چور ہے: کرکٹ اسٹیڈیم میں مودی کے خلاف نعرے لگ گئے

    ٔچوکی دار چور ہے: کرکٹ اسٹیڈیم میں مودی کے خلاف نعرے لگ گئے

    بنگلور: آئی پی ایل کا پلیٹ فورم نریندر مودی کے لیے سبکی کا باعث بن گیا، اسٹیڈیم میں چوکی دار چور ہے کے نعرے لگ گئے.

    تفصیلات کے مطابق جوں جوں‌ الیکشن قریب آرہے ہیں، نریندر مودی کی مشکلات بڑھتی جارہی ہیں. ایک طرف پاکستان کی جانب سفارتی محاذ پر مودی سرکار کو شکست کا سامنا ہے، وہیں دوسری طرف ملک کے اندر سے بھی تنقید کا طوفان تھمنے میں نہیں آرہا.

    بی جے پی کو مسلم کش نظریات اور کرپشن کے الزامات کی وجہ سے اپوزیشن نے اپنے نشانے پر رکھا ہوا ہے، باشعور طبقہ بھی اس جنونی حکومت کے خلاف ہے، مگر اب آئی پی ایل کا پلیٹ فورم بھی مودی کے لیے  اذیت کا باعث بن گیا.

    مزید پڑھیں: انڈین ائیرفورس نریندر مودی کی ترجمان نہ بنے، بھارتی تجزیہ کار برس پڑے

    گزشتہ دنوں ہونے والے میچ میں چوکی دار چور کے نعروں سے اسٹیڈیم گونج اٹھا. یہ سلسلہ اس وقت شروع ہوا، جب کانگریس کے ایک عہدے دار کے بیٹے نے مودی کے خلاف نعرے لگائے.

    یہ نعرے جنگل کی آگ کی طرح پھیل گئے اور جلد ہی پورے اسٹیڈیم میں گونجنے لگے.

    خیال رہے کہ نریندر مودی کو بھارتی فوج اور پلوامہ واقعے کو الیکشن مہم اور اپنی تشہیر کے لیے استعمال کرنے پر کڑی تنقید کا سامنا ہے.

  • آئی پی ایل ایک بار پھر فکسنگ الزامات کی زد میں، ویڈیو نے تہلکہ مچادیا

    آئی پی ایل ایک بار پھر فکسنگ الزامات کی زد میں، ویڈیو نے تہلکہ مچادیا

    ممبئی: انڈین پریمیئر لیگ ایک بار پھر فکسنگ الزامات کی زد میں ہے دوران میچ منظر عام پر آنے والی ویڈیو نے کئی سوالات اٹھا دئیے۔

    تفصیلات کے مطابق دو روز قبل کولکتہ نائٹ رائیڈرز اور ڈیئر ڈیولز کے میچ کے دوران چوتھے اوور میں اسپنر سندیپ لمی چانے کی گیند سے پہلے ہی وکٹ کیپر رشبھ پانٹ نے آواز لگائی کہ اس گیند پر تو چوکا ہی لگے گا، یہ بات اسٹمپڈ مائیک میں محفوظ ہوگئی۔

    اس کے بعد روبن اتھاپا نے چوکا لگادیا، اس معاملے کی ویڈیو منظر عام پر آنے کے بعد آئی پی ایل کے بانی سربراہ للیت مودی بھارتی کرکٹ بورڈ اور آئی سی سی پر برس پڑے۔

    آئی پی ایل کے بانی نے لیگ کی شفافیت پر سوال اٹھا دیا، للیت مودی کا کہنا ہے کہ آئی پی ایل میں فکسنگ ہورہی ہے، بی سی سی آئی کو اس شرمناک عمل کا کوئی احساس ہی نہیں ہے۔

    دوسری جانب بی سی سی آئی کی جانب سے انڈین پریمیئر لیگ میں میچ فکسنگ کے الزامات کو مسترد کردیا گیا ہے۔

    مزید پڑھیں: بھارتی اسپنر ایشون کی اوچھی حرکت، گیند کرائے بغیر بٹلر کو رن آؤٹ کردیا

    یاد رہے کہ چند روز قبل روی چندر ایشون کی ویڈیو وائرل ہوئی تھی جس میں انہوں نے چالاکی کا مظاہرہ کرتے ہوئے گیند گرائے بغیر جوس بٹلر کو رن آؤٹ کردیا تھا۔

    شین وارن، مائیکل وان اور مورگن نے ایشون کی اس حرکت کو شرمناک قرار دیتے ہوئے کہا تھا کہ یہ کرکٹ کی روح اور اسپورٹس مین اسپرٹ کے خلاف ہے۔

  • بھارتی اسپنر ایشون کی اوچھی حرکت، گیند کرائے بغیر بٹلر کو رن آؤٹ کردیا

    بھارتی اسپنر ایشون کی اوچھی حرکت، گیند کرائے بغیر بٹلر کو رن آؤٹ کردیا

    جے پور: بھارتی اسپنر روی چندر ایشون نے آئی پی ایل میچ میں بھونڈی حرکت کردی، چالاکی کا مظاہرہ کرتے ہوئے گیند کرائے بغیر جوس بٹلر کو رن آؤٹ کردیا۔

    تفصیلات کے مطابق گزشتہ روز انڈین پریمیئر لیگ (آئی پی ایل) کے میچ میں کنگز الیون پنجاب کے کپتان روی چندر ایشون نے گیند کرائے بغیر جوس بٹلر کے خلاف رن آؤٹ کی اپیل کی جسے امپائر نے آؤٹ قرار دے دیا، معروف کرکٹرز نے ایشون کو اس حرکت پر آڑے ہاتھوں لے لیا۔

    شین وارن، مائیکل وان اور مورگن نے ایشون کی اس حرکت کو شرمناک قرار دیتے ہوئے کہا کہ یہ کرکٹ کی روح اور اسپورٹس مین اسپرٹ کے خلاف ہے۔

    سابق آسٹریلوی لیگ اسپنر شین وارن نے کہا کہ بحیثٰت کپتان اور شخص ایشون نے بہت مایوس کیا، ان کا گیند کرانے کا کوئی ارادہ نہیں تھا اس لیے اسے ’ڈیڈ بال‘ قرار دینا چاہئے تھا۔

    ڈین جونز نے اپنے ٹویٹ میں لکھا کہ ’اس میں ایشون کو ذمہ دار قرار نہیں دیا جاسکتا ہے، اس طرح آؤٹ کرنا قانون میں موجود ہے کیا ہوا اگر کرکٹ میں اسے اچھا نہیں سمجھا جاتا ہے۔

    ایک ٹویٹر صارف نے ویڈیو شیئر کرتے ہوئے لکھا کہ ایسا تو گلی کی کرکٹ میں بھی لوگ نہیں کرتے ہیں جیسا ایشون نے کیا ہے۔

    واضح رہے کہ روی چندر ایشون کنگز الیون پنجاب کے کپتان ہیں جبکہ جوس بٹلر راجستھان رائلز کی نمائندگی کررہے ہیں۔

    کنگز الیون پنجاب نے پہلے بیٹنگ کرتے ہوئے کرس گیل کی جارحانہ 79 رنز کی بدولت 184 رنز بنائے تھے جواب میں راجستھان رائلز کی ٹیم 170 رنز بناسکی، ایشون کی ٹیم نے میچ 14 رنز سے جیت لیا، جوس بٹلر نے 43 گیندوں پر 69 رنز کی اننگز کھیلی۔

    کرکٹ حلقوں کے مطابق اگر جوس بٹلر کو اس طرح آؤٹ نہیں کیا جاتا تو میچ کنگز الیون پنجاب کے ہاتھوں سے نکلتا ہوا دکھائی دے رہا تھا۔

  • بھارت میں کھیلی جانے والی آئی پی ایل کو بڑا دھچکا

    بھارت میں کھیلی جانے والی آئی پی ایل کو بڑا دھچکا

    اسلام آباد: بھارت میں کھیلی جانے والی آئی پی ایل کو بڑا دھچکا لگا ہے، پاکستان نے آئی پی ایل میچز پاکستان میں نشر کرنے پر پابندی عائد کرنے کا فیصلہ کرلیا۔

    تفصیلات کے مطابق وفاق نے آئی پی ایل میچز پاکستان میں دکھانے پر پابندی عائد کرنے کا فیصلہ کرلیا، ذرائع کے مطابق آئی پی ایل میچز پاکستان میں نشر کرنے کی پابندی کی سمری کابینہ کو ارسال کردی گئی ہے۔

    وفاقی وزیر اطلاعات فواد چوہدری نے سمری پر دستخط کردئیے ہیں، متن کے مطابق پیمرا یقینی بنائے گا کہ آئی پی ایل میچز پاکستان میں نشر نہ ہوں۔

    سمری میں کہا گیا ہے کہ بھارت نے اپنے ملک میں پی ایس ایل میچز دکھانے پر پابندی لگائی تھی، وفاقی کابینہ کی منظوری کے بعد فیصلے پر عمل درآمد یقینی بنایا جائے گا۔

    فواد چوہدری نے کہا کہ آئی پی ایل پر پابندی کی سمری وفاقی کابینہ کو بھیج دی ہے، بھارتی رویے پر آئی پی ایل کی نشریات پر پابندی کا فیصلہ کیا ہے، ہم نے بہت کوشش کی کہ کھیل کو سیاست سے الگ رکھا جائے، آئی پی ایل کو پاکستان میں نہ دکھانے سے بھارت کو نقصان ہوگا۔

    مزید پڑھیں: بھارت: آئی پی ایل میچز رکوانے کے لیے سیکڑوں افراد کا احتجاج

    واضح رہے کہ انڈین پریمیئر لیگ کے پہلے سیزن میں پاکستانی کھلاڑیوں کو شامل کیا گیا تھا اس کے بعد بھارتی حکومت کی جانب سے آئی پی ایل میں پاکستانی کھلاڑیوں کی شمولیت پر پابندی عائد کردی گئی تھی۔

    آئی پی ایل کا باقاعدہ آغاز 23 مارچ سے ہورہا ہے پہلے میچ میں مہندر سنگھ دھونی کی ٹیم چنائی سپر کنگز اور ویرات کوہلی کی ٹیم رائل چیلنجز بنگلور مدمقابل آئیں گی۔

    خیال رہے کہ پاکستان سپر لیگ کی شہرت سے پریشان بھارت نے اوچھے ہتھکنڈے اپناتے ہوئے اپنے ملک میں پی ایس ایل میچز دکھانے پر پابندی عائد کی تھی جس پر حکومت کی جانب سے جوابی وار کیا گیا ہے۔

  • آئی پی ایل میں‌ سٹہ کھیلا، اسی لت کی وجہ سے طلاق ہوئی: ارباز خان کا اعتراف

    آئی پی ایل میں‌ سٹہ کھیلا، اسی لت کی وجہ سے طلاق ہوئی: ارباز خان کا اعتراف

    ممبئی: معروف بھارتی اداکار ارباز خان نے انڈین پریمیئر لیگ (آئی پی ایل) میں سٹے بازی کا اعتراف کرلیا۔

    تفصیلات کے مطابق ارباز خان نے آئی پی ایل میں سٹہ کھیلنے کے الزامات کو تسلیم کرتے ہوئے بیان دیا کہ سٹے بازی کی لت کے باعث وہ تین کروڑ سے زائد کی رقم ہار چکے ہیں۔

    یہ اعتراف انھوں نے مہاراشٹر پولیس کے سامنے دوران تفتیش کیا۔ انھوں نے بکیز سے اپنے رابطوں کی تفصیلات فراہم کرتے ہوئے کہا کہ انھوں نے آئی پی ایل میں سٹہ لگایا، جس میں انھیں بھاری نقصان ہوا۔

    ارباز خان نے بیان دیا کہ وہ گذشتہ چھ سال سے میچز پر سٹہ لگا رہے ہیں، یہی شوق گھریلو ناچاقی کا سبب بنا، جو آخر ملائکہ اروڑا سے طلاق پر منتج ہوا۔

    پولیس نے سو نو جالان نامی بکی سے بھی تفتیش کی، اس ضمن میں بالی ووڈ کے ایک پروڈیوسر کا نام بھی زیرگردش ہے، پولیس نے مزید انکشافات کا دعویٰ کیا ہے۔

    اداکار نے سٹے بازی کا اعتراف کرتے ہوئے کہا کہ وہ طلاق اور خراب مالی حالات کی وجہ سے ڈپریشن کا شکار تھے، ان کے بڑے بھائی سلمان خان بھی اس عادت سے شدید ناراض تھے۔

    آئی پی ایل اسکینڈل: سپریم کورٹ نے گروناتھ اورراج کندرا کوسٹےبازی کامجرم قراردے دیا

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں

  • چنئی سپرکنگز کا ہوم گراؤنڈ پرجوتوں سے استقبال

    چنئی سپرکنگز کا ہوم گراؤنڈ پرجوتوں سے استقبال

    چنئی : آئی پی ایل میں دو سال کی پابندی کے بعد چنئی سپرکنگز کی ٹیم میچ کھیلنے کے لیے ہوم گراؤنڈ پہنچی تو تماشائیوں نے کھلاڑیوں کا جوتوں سے استقبال کیا۔

    تفصیلات کے مطابق دو سال کی پابندی کے بعد چنئی سپرکنگز اپنے ہوم گراؤنڈ ایم اے چدم برم اسٹیڈیم میں میچ کھیلنے پہنچی تو اس دوران شدید بدنظمی دیکھنے میں آئی۔

    چنئی سپرکنگزاور کولکتہ نائٹ رائڈرز کے درمیان میچ کھیلا جا رہا تھا کہ آٹھویں اوور میں تماشائیوں کی جانب سے باؤنڈری کے قریب کھڑے چنئی کے کھلاڑی رویندرا جڈیجہ اور فاف ڈوپلیسس پر جوتا پھینکا گیا۔

    پولیس اور گراؤنڈ انتظامیہ نے کھلاڑیوں پر جوتے پھینکنے والے تماشائیوں کو گراؤنڈ سے باہر نکال دیا جس کے بعد میچ بغیر کسی تعطل کے مکمل ہوا۔

    چنئی سپرکنگز نے کولکتہ نائٹ رائیڈر کے خلاف 203 رنز کا ہدف سنسنی خیزمقابلے کے بعد میچ کے آخری اوور کی پانچویں گیند پرحاصل کیا۔

    بھارت: آئی پی ایل میچز رکوانے کے لیے سیکڑوں افراد کا احتجاج

    خیال رہے کہ میچ سے قبل ہزاروں کی تعداد میں مظاہرین نے گراؤنڈ کے باہر مظاہرہ کیا تھا اوراس دوران پولیس سے مظاہرین کی جھڑپیں بھی ہوئیں۔

    مشتعل مظاہرین نے پانی کے بحران کے حل تک چنئی میں آئی پی ایل میچز منسوخ کرنے کا مطالبہ کیا تھا۔ مظاہرین کو احتجاج سے روکنے کے لیے 4 ہزار پولیس اہلکاروں کو تعینات کیا گیا تھا۔

    یاد رہے کہ تامل ناڈو کے دارالحکومت چنئی میں 10 اپریل سے 20 مئی تک آئی پی ایل کے سات میچ کھیلے جائیں گے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • اپنے الفاظ پر قائم ہوں، آئی پی ایل میں بلایا بھی گیا تو نہیں جاؤں گا، شاہد آفریدی

    اپنے الفاظ پر قائم ہوں، آئی پی ایل میں بلایا بھی گیا تو نہیں جاؤں گا، شاہد آفریدی

    کراچی : پاکستان ٹیم کے سابق کپتان شاہد خان آفریدی نے کہا ہے کہ اپنے الفاظ پراب بھی قائم ہوں کہ کشمیریوں کے ساتھ ظلم ہورہا ہے اس لیے آواز اٹھائی، آئی پی ایل میں بلایا گیا تو بھی نہیں جاؤں گا، پی ایس ایل بہت بڑی لیگ ہے۔

    یہ بات انہوں نے اے آر وائی نیوز کے پروگرام الیونتھ آور میں میزبان وسیم بادامی کو خصوصی انٹرویو دیتے ہوئے کہی، شاہد آفریدی نے کہا کہ میں پاکستان کا سپاہی ہوں، میرا ملک ہی میرا سب کچھ ہے، کشمیریوں کے ساتھ ظلم ہورہا ہے، اس لیے آواز اٹھائی۔

    انہوں نے کہا کہ کشمیر میں خواتین اور بچوں کے ساتھ ظلم ہورہا ہے، وہاں حالیہ دنوں میں20شہادتیں ہوئی ہیں، مقبوضہ کشمیر سے متعلق اپنے الفاظ پراب بھی قائم ہوں۔

    شاہد آفریدی نے اے آروائی نیوز سے خصوصی گفتگو میں کہا کہ مجھے آئی پی ایل میں بلایا گیا تو بھی نہیں جاؤں گا، میں پی ایس ایل کھیلتاہوں جو بہت بڑی لیگ بنے گی، پاکستان کی پی ایس ایل بھارت کی آئی پی ایل کو جلد پیچھے چھوڑ دے گی۔

    شاہدآفریدی کا کہنا تھا کہ جو ملک کی پہچان ہوتے ہیں انہیں مثبت سوچ کے ساتھ مثبت بات کرنی چاہئے، صرف کشمیر ہی نہیں کہیں بھی ظلم ہو، انسانیت کیلئے آواز اٹھانی چاہئے۔

    مجھے اس قسم کے ردعمل کی فکر نہیں، سچ بولنا میرا حق ہے اور بولنا بھی چاہئے، بحیثیت انسان کشمیر پرٹوئٹ کیا، اگر میں ظلم کیخلاف آواز نہ اٹھاؤ تو میں بھی خود کو اس میں شریک سمجھوں گا، دنیا میں کہیں بھی ظلم ہو آواز تو اٹھے گی۔

    مزید پڑھیں: شاہد آفریدی کا کشمیریوں کے حق میں ٹوئٹ، بھارتی میڈیا بھنا اٹھا

    ایک سوال کے جواب میں انہوں نے کہا کہ بھارتی میڈیا اپنے لوگوں کو پاکستان کے خلاف بھڑکاتا ہے جبکہ پاکستان ہمیشہ اچھے تعلقات کیلئے بھارت کے آگے پہل کرتا ہے، بھارت کا میڈیا پاکستان اور بھارت کے تعلقات خراب ہونے میں سب سے بڑا مسئلہ ہے، اس نے مجھے آئی ایس آئی کہا اچھی بات ہے میں بھی فوجی اور ملک کا سپاہی ہوں۔

    شاہدآفریدی کا کہنا تھا کہ بھارتی عوام جو پیار اور عزت دیتی ہیں وہ بہت کم جگہ پر ملتی ہے ،کرکٹ کو بھارت اور آسٹریلیا میں سب سے زیادہ انجوائے کیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ویرات کوہلی آئی پی ایل میں سب سے زیادہ رنز بنانے والے کھلاڑی

    ویرات کوہلی آئی پی ایل میں سب سے زیادہ رنز بنانے والے کھلاڑی

    ممبئی: رائل چیلنجرز بنگلور کے کپتان ویرات کوہلی آئی پی ایل میں سب سے زیادہ رنرزبنانے والے کھلاڑی بن گئے، ویرات نے 12 میچوں میں 3 سنچریوں سمیت 3 ففٹی کے ساتھ 752 رنرز بنالیے.

    تفصیلات کے مطابق رائل چیلنجرز بنگلور کے کپتان ویرات کوہلی نے پیر کو آئی پی ایل کے میچ میں 75 رنرز کی جارحانہ اننگ کھیل کر کولکتہ نائٹ رائیڈرز کو 9 وکٹوں سے شکست دی.

    بھارتی کھلاڑی ویرات کوہلی نے کرس گیل کا 15 میچوں میں 733 رنرز بنانے کا ریکارڈ توڑ دیا، گیل نے ریکارڈ 2012 کے آئی پی ایل سیزن میں بنایا تھا،جبکہ آسٹریلوی کھلاڑی مائک ہسی نے بھی2013 میں733 رنرز بنائے تھے.

    ویرات کوہلی نے اے بی ڈی ویلیئرز کے ساتھ 115 کی پارٹنرشپ بنا کر ٹیم کے لیے کولکتہ نائٹ رائیڈرز کے خلاف جیت کے راہ ہموار کی.

    ویرات کوہلی کی اے بی ڈی ویلیئرز کے ساتھ پارٹنرشپ اس وقت سامنے آئی جب انکی ٹیم کی جانب سےدو دن قبل 229 رنرز کی تاریخ ساز پارٹنرشپ گجرات لائنز کے خلاف بنائی گئی تھی.

    رائل چیلنجرز بنگلور کے کھلاڑی کرس گیل کی جانب سے بھی آئی پی ایل میں جارحانہ اننگز کا سلسلہ جاری ہے

  • پریٹی زنٹا نے آئی پی ایل میں کوپارٹنر’نیس واڈیا‘ کے خلاف پولیس میں شکایت کردی

    پریٹی زنٹا نے آئی پی ایل میں کوپارٹنر’نیس واڈیا‘ کے خلاف پولیس میں شکایت کردی

    preety

  • آئی پی ایل کی اختتامی تقریب:پاکستان کے سوا تمام بورڈزکو دعوت

    آئی پی ایل کی اختتامی تقریب:پاکستان کے سوا تمام بورڈزکو دعوت

    IPL-seremony-01