بھارت کی آبی دہشت گردی جاری ہے دریائے ستلج میں بڑا ریلا چھوڑ دیا جس سے اونچے درجے کے سیلاب کا مزید خدشہ بڑھ گیا۔
تفصیلات کے مطابق بھارت کی جانب سے پانی چھوڑنے سے دریائے ستلج میں اونچے درجےکا سیلاب ہے، گنڈا سنگھ کے مقام پر ڈیڑھ لاکھ کیوسک کا ریلا گزر رہا ہے۔
پانی کی وجہ سے درجنوں دیہات کا زمینی رابطہ منقطع،کھیتوں اور باغات میں 2 سے 3 فٹ پانی داخل ہوگیا ہے، چندہ سنگھ، نگر، مبو کے سے ملحقہ 3 عارضی بند سیلابی پانی میں بہہ گئے،گزرگاہوں اور روڈز پر پانی آنے سے آمدو رفت میں مشکلات کا سامنا ہے۔
قصور کی ضلعی انتظامیہ نے ریسکیو اینڈ ریلیف آپریشن دوبارہ شروع کردیا، انچارج کا بتانا ہے کہ 24 گھنٹے میں 7 ہزار سے زائد افراد کو بوٹس سروس فراہم کی گئی ہے۔
