Tag: آتشزدگی

واشنگٹن :امریکی ریاست ٹینیسی کے جنگل میں لگنے والی آگ کے نتیجےمیں11افراد اوردرجنوں افراد زخمی ہوگئے۔

تفصیلات کےمطابق امریکی ریاست ٹینیسی کے مختلف علاقوں میں جنگل میں آگ لگنے کے باعث 11افراد مارے گئے جبکہ ریاست کے شہرگٹلینبرگ اور پیجن فورج سب سے زیادہ متاثر ہوئے ہیں۔

امریکی حکام کےمطابق آگ پیر کو ایک شخص کی وجہ سے لگی اور اس کے نتیجے میں سیاحی شہر گٹلینبرگ سب سے زیادہ متاثر ہوا جہاں سے 14 ہزار افراد کو محفوظ مقامات پر منتقل کرنا پڑا۔

فائر بریگیڈ چیف گریگ ملر کا کہناہے کہ آگ کےباعث جگہ جگہ درخت اور بجلی کی تاریں گر رہی تھیں اور ہمیں چند منٹ کے اندر اندر 20 مقامات پر آگ بجھانے کے لیے جانا پڑا جہاں آگ بڑھتی ہی جا رہی تھی۔

ریسکیو حکام کا کہناہے کہ آتشزدگی کےنتیجے میں 45 افرادزخمی ہوئے جبکہ 700عمارتیں آگ کی وجہ سے متاثر ہوئی ہیں۔

واضح رہے کہ ٹینیسی کے محکمہ زراعت کے مطابق 26 مقامات پر لگنے والی آگ کے نتیجے میں 12 ہزار ایکٹر رقبہ متاثر ہوا۔

ممبئی : بھارتی شہر ممبئی کے جنوبی علاقے میں رہائشی عمارت میں آتشزدگی سے دو افراد ہلاک جبکہ 11افراد کو بچالیاگیا۔

تفصیلات کےمطابق ممبئی کے جنوبی علاقےبریمان پوانٹ پر میکر ٹاور میں آج صبح ساڑھے چھ بجے 20ویں منزل پر فلیٹ میں آگ بھڑک اٹھی اور دیکھتے ہی دیکھتے آگ نے پوری منزل کو اپنی لپیٹ میں لے لیا۔

آتشزدگی کے باعث فلیٹ میں کام کرنے والے دو نوکر جاں بحق جبکہ فائر بریگیڈ کے ریسکیو آپریشن میں 11 لوگوں کو بحفاظت بلڈنگ سے نکال لیاگیا۔

چیف فائرآفیسر کاکہنا ہے کہ آگ لگنے کی وجہ تاحال سامنے نہیں آسکی مگر آگ نے 2منزلوں کو لپیٹ میں لے لیاتھا جس پر اب قابو پا لیا گیا ہے۔

ان کا مزید کہناتھاکہ جن 11افراد کو بحاظفت بلڈنگ سے نکالاگیا ان میں بجاج الیکٹرونکس کے مینجنگ ڈائریکٹر شیکھر بجاج کی فیملی کے 8افراد بھی شامل ہیں۔آگ بجھانے کے عمل میں 8فائر انجن ، 6بڑے ٹینکر اور ایک ایمبو لینس نےحصہ لیاتھا۔

مزید پڑھیں:بھارتی اسپتال میں آتشزدگی،23افراد ہلاک

یاد رہے کہ گزشتہ روز رات گئےبھارتی ریاست اڑیسہ کے صدر مقام بھوبانیشور کے نجی اسپتال میں اچانک آگ بھڑک اٹھی جس کے نتیجے میں23 افراد ہلاک اور متعدد زخمی ہوگئے تھے۔

واضح رہے کہ شیکھر بجاج کا کہنا ہے کہ مجھے نہیں معلوم کے آگ شارٹ سرکٹ یا کسی اور وجہ سے لگی۔تحقیقات کے بعد ہی پتہ چل سکےگا۔

نئی دہلی : بھارتی ریاست اڑیسہ کے شہر بھوبنیشور کے اسپتال میں خوفناک آتشزدگی کے نتیجے میں 23 افراد ہلاک ہوگئے۔

تفصیلات کے مطابق ریاست اڑیسہ کے صدر مقام بھوبانیشور کے نجی اسپتال میں اچانک آگ بھڑک اٹھی جس کے نتیجے میں23 افراد ہلاک اور متعدد زخمی ہوگئے۔

اسپتال میں آگ مقامی وقت کے مطابق رات ساڑھے 7 بجے ہسپتال کے ڈائیلسس وارڈ میں لگی۔آتشزدگی کے وقت ڈائیلسس وارڈ میں 7 جبکہ آئی سی یومیں 11 مریض تشویش ناک حالت میں موجود تھے۔

ضلع کُھردا کے کلیکٹر نِرنجن ساہو کا میڈیا سے بات کرتے ہوئے کہنا تھا کہ آتشزدگی کے واقعے میں ہلاک ہونے والوں کی لاشوں کو سرکاری و نجی اسپتال منتقل کردیاگیا۔

سیکریٹری ہیلتھ آرتی آہوجا کا کہنا تھا کہ مریضوں کی ہلاکتیں اس وقت ہوئیں جب انہیں دوسرے ہسپتالوں میں منتقل کیا جارہا تھا، تاہم واقعے کی تحقیقات کا آغاز کردیا گیا ہے۔

آتشزدگی کی اصل وجہ معلوم نہ ہوسکی تاہم بظاہر ایسا لگتاہے کہ آگ اسپتال کے ڈائیلسس وارڈ میں شارٹ سرکٹ کے باعث لگی۔آگ بجھانے کے لیے 10 سے زائد فائر ٹینڈرز کو طلب کیا گیا تھا۔

بھارتی وزیر اعظم نریندر مودی نے واقعے میں ہونے والے جانی نقصان پر افسوس ہلاک ہونے والوں کے لواحقین سے ہمدردی کا اظہار کیا۔

Deeply anguished by the loss of lives in the hospital fire in Odisha. The tragedy is mind-numbing. My thoughts are with bereaved families.

— Narendra Modi (@narendramodi) October 17, 2016

واضح رہے کہ رواں سال اپریل میں بھارت کی ریاست کیرالہ کے مندر میں بھی آتشزدگی کا واقعہ پیش آیا تھا، جس کے نتیجے میں 110 افراد ہلاک اور 350 سے زائد زخمی ہوئے تھے۔